BMW X5 M និង X6 M ស៊េរីពិសេស មានផលិតត្រឹម ២៥០គ្រឿងគត់

BMW ទើប​បាន​បង្ហាញ​ចេញ​ប្រភេទ First Edition នៃ​រថយន្ត X5 M Competition និង X6 M Competition ដែល​ក្នុង​មួយ​ម៉ូដែល​មាន​ផលិត​ត្រឹម ២៥០​គ្រឿង​ប៉ុណ្ណោះ សម្រាប់​លក់​លើ​ទីផ្សារ។

រថយន្ត​ពិសេស​ទាំង​ពីរ​ប្រភេទ​នេះ​អាច​កុម្ម៉ង់​ទិញ​​សម្រាប់​ប្រភេទ​ពណ៌ BMW Individual Frozen Dark Silver និង BMW Individual Frozen Marina Bay Blue ជា​ប្រភេទ​ពណ៌​គ្រើម​ដែល​ស៊ី​គ្នា​នឹង​ការ​ឌីហ្សាញ​របស់​រថយន្ត​ SUV ទាំង​ពីរ។ អតិថិជន​ក៏​អាច​ជ្រើស​រើស​យក​ជម្រើស​កង់​ Alloy ទម្ងន់​ស្រាល​ដែល​មាន​ពណ៌ Jet Black ដោយ​មាន​កាំ​កង់​រចនា​ជា​រូប​ផ្កាយ កង់​ខាង​មុខ​ទំហំ ២១អ៊ីញ និង​កង់​ខាង​ក្រោយ​ទំហំ ២២អ៊ីញ។

ផ្ទាំងផ្សាយពាណិជ្ជកម្ម

BMW ក៏​បាន​តុបតែង​រូបរាង​ខាង​ក្រៅ និង​ខាង​ក្នុង​របស់​រថយន្ត​ទាំង​ពីរ​ឲ្យ​កាន់​តែ​លេច​ធ្លោ​ជាង​ប្រភេទ​ធម្មតា​ផង​ដែរ ខណៈ​ដែល​ផ្នែក​គ្រឿង​ម៉ាស៊ីន​មិន​មាន​ផ្លាស់​ប្ដូរ​ឡើយ។ រថយន្ត​ទាំង​ពីរ​គឺ​មាន​បំពាក់​នូវ​ម៉ាស៊ីន Twin-Turbocharged ចំណុះ ៤,៤លីត្រ ៨ស៊ីឡាំង ដែល​ផលិត​កម្លាំង​បាន​ ៦១៧សេះ។

ទាក់ទង​នឹង​តម្លៃ​ និង​ទីផ្សារ​​ដាក់​លក់​រថយន្ត​ទាំង​ពីរ​ប្រភេទ​នេះ ក្រុមហ៊ុន BMW នៅ​មិន​ទាន់​ប្រកាស​ឲ្យ​ដឹង​នៅ​ឡើយ​ទេ៕

ផ្ទាំងផ្សាយពាណិជ្ជកម្ម