[បរទេស] ក្រុមហ៊ុនផលិតរថយន្ត Changan បានធ្វើការដាក់បង្ហាញចេញនៅរថយន្ត Changan UNI-K ស៊េរីឆ្នាំ ២០២៣ ជាប្រភេទ SUV ខ្នាតកណ្តាលជាប្រភេទសាំង និង Changan UNI-K iDD ជាប្រភេទ plug-in hybrid នៅក្នុងទីផ្សារប្រទេសចិន។
សម្រាប់ការរចនារូបរាងខាងក្រៅនៅផ្នែកខាងមុខបំពាក់ជាមួយប៉ាណាមុខមួយផ្ទាំងធំ អបជាមួយនឹងចង្កៀងមុខប្រភេទ LED រាងស្លីម និងចង្កៀងក្រោយរចនាជាខ្សែបន្ទាត់អូសកាត់វែងជាមួយឡូហ្គោនៅចំកណ្តាល។ ខណៈម៉ូដែល Plug-in hybrid បានបន្ថែមជាមួយដុំហ្រ្វាំង Caliper ពណ៌ទឹកក្រូច និងបំពង់ស៊ីមាំងនៅសងខាងជាមួយឡូហ្គោ iDD នៅផ្នែកខាងស្តាំ ដោយ Changan UNI-K មានបំពង់ស៊ីមាំងចំនួន ៤។
រីឯនៅផ្នែកខាងក្នុងវិញ មានការរចនាយ៉ាងប្រណិត ដោយមានបំពាក់ជាមួយកុងទ័របង្ហាញព័ត៌មានទំហំ ១០,២៥ អ៊ីញ full LCD និងអេក្រង់កំសាន្ត touchscreen ទំហំ ១២,៣ អ៊ីញ ដៃចង្កូតប្រភេទ three-spoke steering wheel និងកន្លែងដាក់ដបទឹកនៅចំកុងស៊ូលកណ្តាលជាដើម។
ទាក់ទងនឹងផ្នែកម៉ាស៊ីនវិញ សម្រាប់ម៉ូដែល Changan UNI-K ដំណើរការដោយម៉ាស៊ីនសាំងចំណុះ ២,០ លីត្រ ទំហំ ៤ ស៊ីឡាំង អាចផលិតកម្លាំងបាន ២៣៣ សេះ ភ្ជាប់ដោយប្រអប់លេខស្វ័យប្រវតិ្ត ៨ វគ្គ និងប្រភេទបើកបរប៉ុង ២ ជាជម្រើស។ ខណៈ ម៉ូដែល Changan UNI-K iDD ដំណើរការដោយប្រព័ន្ធ Hybrid ទំហំ ៤ ស៊ីឡាំង អាចផលិតកម្លាំងបាន ១១៦ សេះ និងកម្លាំងរមួល ៣៣០ ញ៉ូតុនម៉ែត្រ ៕
គួរបញ្ជាក់ផងដែរថា UNI-K iDD គឺជាម៉ូដែលដំបូងរបស់ Changan ដែលបំពាក់ដោយប្រព័ន្ធកូនកាត់ Blue Whale iDD ជាប្រព័ន្ធកូនកាត់ DM-i hybrid system ដ៏ពេញនិយមរបស់ BYD ដោយមានការសន្សំសំចៃប្រេង និងការប្រើប្រាស់តិចជាងរថយន្តប្រើប្រាស់ថាមពលអគ្គិសនីទៀតផង៕
