ក្រុមហ៊ុនរថយន្តអាមេរិក Ford បានចូលរួមបង្កើតដៃគូយុទ្ធសាស្រ្តជាមួយក្រុមហ៊ុនរថយន្តបារាំង Renault ដើម្បីស្រាវជ្រាវ និងអភិវឌ្ឍរថយន្តអគ្គិសនី រួមគ្នាសម្រាប់ទីផ្សារតំបន់អឺរ៉ុប និងអាចប្រជែងតម្លៃជាមួយរថយន្តអគ្គិសនីចិនបាន។
ការផលិតរថយន្តនេះនឹងចាប់ផ្តើមនាដើមឆ្នាំ២០២៨ នៅរោងចក្រ Electricity ភាគខាងជើងប្រទេសបារាំង ដោយដំបូងគឺមានរថយន្តអគ្គិសនី ២ម៉ូឌែល។ ក្នុងនោះ Ford ជាអ្នកឌីហ្សាញរថយន្ត ហើយ Renault ជាអ្នកផលិត និងបំពាក់បច្ចេកវិទ្យា។
លោក Jim Farley ប្រធានក្រុមហ៊ុន Ford បានថ្លែងថា ដៃគូយុទ្ធសាស្រ្ត ជាមួយ Renault គឺជាជំហានដ៏សំខាន់មួយសម្រាប់ Ford និងការគាំទ្រដល់យុទ្ធសាស្រ្តរបស់ខ្លួនក្នុងការកសាងអាជីវកម្មដ៏មានប្រសិទ្ធភាពខ្ពស់នៅអឺរ៉ុប។ ការរួមបញ្ចូលគ្នានេះ នឹងជំរុញដ៏ខ្លាំងក្លាក្នុងការបង្កើតរថយន្តអគ្គិសនីដែលកម្សាន្ត និងមានសមត្ថភាព។
ចំណែកលោក Francois Provost ប្រធានក្រុមហ៊ុន Renault ក៏បានបញ្ជាក់ដូចគ្នា អំពីភាពជាដៃគូដ៏រឹងមាំនេះ និងការប្រកួតប្រជែងនៅអឺរ៉ុប។
យ៉ាងណាមិញ ក្រុមហ៊ុនទាំងពីរមិនបានបញ្ជាក់ពីម៉ូឌែលរថយន្តដែលត្រូវផលិតមុនគេនោះទេ។ គេបានប៉ាន់ស្មានថា រថយន្តថ្មីទាំងពីរនោះ អាចប្រើគ្រោងឆ្អឹងរបស់ Renault 5 និង Renault 4 ហើយដាក់ឡូហ្គូរបស់ Ford៕
