[ទីផ្សារបរទេស] ក្រុមហ៊ុនផលិតរថយន្ត Ford បានធ្វើការដាក់បង្ហាញចេញនៅរូបភាព teaser នៃរថយន្ត Tourneo Custom ជំនាន់ថ្មីដែលជារថយន្តអគ្គិសនីសុទ្ធប៉ុន្មានខែបន្ទាប់ពីបានប្រមាញ់រូបថតបានជាមួយការបិទបាំងតួខ្លួន ហើយនឹងក្លាយជារថយន្តមួយក្នុងចំនោមរថយន្តប្រភេទ LCV អគ្គិសនីទាំងប្រាំដែលពាក់ឡូហ្គោ Ford នៅត្រឹមឆ្នាំ ២០២៤ មុខពេលបង្ហាញខ្លួនជាផ្លូវការនៅទី ៩ ខែឧសភា។
តាមរូបភាព teaser បានដោយបង្ហាញនៅចង្កៀងប្រភេទ LED និងក្រាហ្វិកភ្លើងខាងក្រោយរបស់រថយន្ត។ ជាមួយនឹងរថយន្តប្រភេទ LCV អគ្គិសនីដំបូងរបស់ខ្លួន E-Transit ដែល Ford Pro ផលិតរួចហើយ កំពុងត្រៀមលក្ខណៈសម្រាប់ការពង្រីកត្រកូលដោយគ្នានការបំភាយឧស្ម័ន។ ក្នុងនោះផងដែរ កាលពីខែមុន ក្រុមហ៊ុនផលិតរថយន្តបានបញ្ជាក់ពីការចេញលក់ LCV អគ្គិសនីនាពេលខាងមុខចំនួន៤ រួមមាន Transit / Tourneo Courier និង Transit / Tourneo Custom duos ។
ខណៈពេលដែល Transit Custom (van) និង Tourneo Custom (passenger van) គឺជាម៉ូដែលភ្លោះដែលចែករំលែកប្រព័ន្ធជើងខាងក្រោមដូចគ្នា និងបន្ទះតួ នៅក្នុងជំនាន់ថ្មី ពួកគេនឹងមានភាពខុសប្លែកគ្នាបន្ថែមទៀតដោយភ្លើងស៊ីញ៉ូខុសគ្នាបន្តិច, ប៉ាណាខាងមុខ ហើយនឹងមានឡូហ្គោពិសេសនៅលើកាងខាងមុខផងដែរ។
ម៉ូដែលនេះជំនួសជំនាន់បច្ចុប្បន្នដែលបានបង្ហាញខ្លួននៅក្នុងឆ្នាំ ២០១២ ហើយបានទទួលការកែមុខមាត់ថ្មីក្នុងឆ្នាំ ២០១៧។ លើសពីនេះ រថយន្តអគ្គិសនីសុទ្ធ LCVs ទម្ងន់ ១ តោនក៏ត្រូវបានគេរំពឹងថានឹងភ្ជាប់មកជាមួយម៉ាស៊ីនសាំង ម៉ាស៊ូត mild-hybrid និងម៉ាស៊ីន plug-in hybrid ផងដែរ។
ជាមួយគ្នានេះ ដោយជាផ្នែកមួយនៃការសហការរវាងក្រុមហ៊ុន Ford និង Volkswagen រថយន្ត Transit/Tourneo Custom នឹងបម្រើជាមូលដ្ឋានសម្រាប់ VW Transporter ដែលស្រដៀងគ្នានេះ រថយន្តភីកអាប់ Ford Ranger និង VW Amarok ដូចទៅនឹងរថយន្ត VW Caddy និង Ford Transit/Tourneo Connect ដែលមានស្រាប់។
ទន្ទឹមនឹងនេះ ក្រុមហ៊ុន Ford បានបញ្ជាក់ថា រថយន្ត Transit/Tourneo Custom ថ្មីនឹងត្រូវផលិតនៅក្នុងប្រទេសទួរគីចាប់ពីឆ្នាំ ២០២៣ ខណៈពេលដែល Transit/Tourneo Courier នឹងផលិតតាមក្រោយនៅឆ្នាំ ២០២៤៕
