[ទីផ្សារបរទេស] ថ្ងៃទី១១ ខែមករា ក្រុមហ៊ុន Ford Vietnam បានរៀបចំព្រឹត្តិការណ៍អនឡាញមួយដើម្បីណែនាំរថយន្ត Explorer ស៊េរីឆ្នាំ២០២២ ដល់អតិថិជនក្នុងស្រុក។ នៅលើគេហទំព័រ Ford Vietnam រថយន្ត Explorer ស៊េរីឆ្នាំ២០២២ ត្រូវបានប្រកាសលក់ក្នុងតម្លៃ ១០៤,១៦០ ដុល្លារ សម្រាប់ប្រភេទ Limited version។ គេរំពឹងថា Explorer ថ្មីនឹងចាប់ផ្ដើមប្រគល់ឲ្យអតិថិជនក្រោយបុណ្យចូលឆ្នាំ។
អ្នកចែកចាយបាននឹងកំពុងទទួលយកការបញ្ជាទិញជាមុនសម្រាប់រថយន្ត Ford Explorer ជំនាន់ថ្មីចាប់តាំងពីពាក់កណ្តាលឆ្នាំ ២០២១ ប៉ុន្តែរថយន្ត SUV របស់សហរដ្ឋអាមេរិកទើបតែបានបង្ហាញខ្លួនជាផ្លូវការរហូតមកដល់ពេលនេះ។
ពេញមួយឆ្នាំ ២០២១ ការលក់រថយន្ត Ford Explorer ឈានដល់ត្រឹមតែ ៣ គ្រឿងប៉ុណ្ណោះ នៅពេលដែលរថយន្តស៊េរីចាស់ត្រូវបានសម្អាតចេញពីឃ្លាំងមុនកាលកំណត់ ខណៈដែលរថយន្តស៊េរីថ្មីមិនអាចលក់នៅលើទីផ្សារវៀតណាមបានឆាប់ដូចការព្យាករណ៍ដំបូង។ មិនដូចកាលពីប៉ុន្មានឆ្នាំមុននៅពេលដែលផ្នែករថយន្ត SUV 7 កៅអីដ៏ធំនៅក្នុងប្រទេសវៀតណាម Ford Explorer ស៊េរីឆ្នាំ២០២២ នឹងត្រូវប្រកួតប្រជែងយ៉ាងស្វិតស្វាញជាមួយគូប្រជែងថ្មីជាច្រើននៅពេលវាត្រូវបានដាក់លក់នៅក្នុងប្រទេសវៀតណាម។
ចាប់ពីដើមខែមករា រថយន្ត Ford Explorer ស៊េរីឆ្នាំ ត្រូវបានបើកឲ្យដាក់ប្រាក់កក់ដោយអ្នកចែកចាយជាមួយនឹងតម្លៃរំពឹងទុក ៩៩,៩៧៨ ដុល្លារ ដែលខ្ពស់ជាងម៉ូដែលរថយន្តចាស់ដែលមានតម្លៃ ៨៨,០៤២ ដុល្លារ ។ ដោយរថយន្តនៅតែបន្តនាំចូលពីអាមេរិក។ ឈានចូលដល់ជំនាន់ទី៦ នេះ Ford Explorer នៅតែរក្សាបាននូវរចនាបថរចនារាងការ៉េដ៏រឹងមាំ និងមានលក្ខណៈពិសេសផ្នែកខាងក្រៅ រួមជាមួយនឹងការផ្លាស់ប្តូរកាន់តែទំនើប និងស្វាហាប់ផងដែរ។
Ford Explorer ស៊េរីឆ្នាំ២០២២ មានផ្នែកខាងមុខថ្មីជាមួយជាមួយអំពូលភ្លើងថ្មីដែលរាងជាពហុកោណជាប់នៅនឹងប៉ាណាខាងមុខ ខណៈ កាងខាងមុខនិងអំពូលកាត់អ័ព្ទមើលទៅមានរាងបែបស្ព័រ។ សម្រាប់ផ្នែកខាងក្រោយមានភាពលេចធ្លោដោយបំពាក់ជាមួយអំពូល LED មានរាងជាអក្សរC និងបំពង់ស៊ីមាំង២ ដែលអមមកជាមួយថាសកង់ multi-spoke alloy ទំហំ២០ អ៊ីញ ជាដើម។
កាប៊ីនរបស់រថយន្ត Ford Explorer មានការរចនាបែបសាមញ្ញ ទន្ទឹមនឹងនេះ ម៉ាស៊ីនត្រជាក់ និងប៊ូតុងសំឡេងត្រូវបានរៀបចំយ៉ាងស្អាតនៅខាងក្រោមអេក្រង់។
អេក្រង់មុខងារត្រូវបានរៀបចំដោយឡែកពីផ្ទៃតាប្លូ ប៉ុន្តែនេះមិនមែនជាអេក្រង់ touchscreen ទំហំធំទំនើបបំផុតនៅលើ Explorer ស៊េរីឆ្នាំ២០២២ នោះទេ។ លើសពីនេះ ប្រភេទដែលបានលក់នៅក្នុងប្រទេសវៀតណាមមិនត្រូវបានបំពាក់ជាមួយនឹងកុងទ័រឌីជីថលទេ។
Ford Explorer ស៊េរីឆ្នាំ ២០២២ មានទំហំធំទូលាយនៅពេលដែលរថយន្តមានប្រវែងសរុបលើសពី ៥ ម៉ែត្រ និងប្រវែងកងមុខ-ក្រោយ ៣០២៥ មីលីម៉ែត្រ ។ កៅអីទាំង ៣ ជួរត្រូវបានស្រោបដោយស្បែក កៅអី ២ ជួរទី១ ជាកៅអីអេឡិចត្រូនិច / អង្គចងចាំ ខណៈដែលជួរកណ្តាលអាចរុញទៅមុខ / ថយក្រោយ ហើយជួរទី ២ មានប៊ូតុងបត់អគ្គិសនី និងកន្លែងដាក់ឥវ៉ាន់ស្តង់ដា ដែលអាចផ្ទុកបានអ្នកដំណើរ៧នាក់ និងមានសមត្ថភាពផ្ទុក ៥១៥លីត្រ។
ឧបករណ៍ប្រើប្រាស់គួរឱ្យកត់សម្គាល់នៅលើ Ford Explorer រួមមានម៉ាស៊ីនត្រជាក់ស្វ័យប្រវត្តិ ៣ តំបន់ ឧបករណ៍បំពងសំឡេង B&O អេក្រងកំសាន្ត SYNC 3 ភ្ជាប់មុខងារ Apple CarPlay / Android Auto អេក្រង់កម្សាន្តសម្រាប់កន្លែងអង្គុយ, ដំបូលបើកកញ្ចក់បែប Panoramic, កញ្ចប់ជំនួយអ្នកបើកបរ Co-Pilot360 ជាដើម ។
រថយន្ត SUV របស់អាមេរិកនៅតែបន្តប្រើប្រាស់ម៉ាស៊ីនសាំង EcoBoost ២.៣ លីត្រ turbocharged, ប្រអប់លេខអូតូ ១០ វគ្គ និងប្រព័ន្ធបើកបរ 4WD ជាមួយនឹងរបៀបគាំទ្រ។ រថយន្តនេះមានកម្លាំង ៣១០ សេះ និងកម្លាំងរមួល ៤៣១ ញូតុនម៉ែត្រ ៕
