រថយន្តដែលឈានចូលដល់វគ្គផ្តាច់ព្រ័ត្រ នៃពានរង្វាន់ “2021 World Car Awards” ត្រូវបានប្រកាស ដោយក្នុងនោះរួមមានទាំង រថយន្ត Honda e, Toyota Yaris និង Volkswagen ID.4 ផងដែរ។
គួរបញ្ជាក់ឲ្យដឹងដែរថា គូប្រជែងមកពីម៉ាកល្បីៗជាច្រើន ដូចជា Audi A3, BMW 2-Series Gran Coupe, BMW 4-Series និង Mercedes GLA មិនបានជាប់ឈ្មោះដល់វគ្គចុងក្រោយនេះឡើយ។ ក្រៅពីនោះ សូម្បីតែ Kia K5 និង Sorento ក៏ដូចជា Mazda MX-30 មិនជាប់ឈ្មោះដែរ។
ផ្ទាំងផ្សាយពាណិជ្ជកម្ម
ក្រៅពីពានរង្វាន់ធំនេះ រថយន្ត Honda e និង Toyota Yaris ក៏កំពុងតែប្រជែងគ្នាយកពានរង្វាន់ “2021 World Urban Car” ផងដែរ ដោយក្នុងនោះមានបេក្ខភាពមួយចំនួនទៀត ដូចជា Honda Jazz និង Honda Fit។
ជាមួយគ្នានេះដែរ រថយន្ត Honda e ក៏កំពុងតែប្រជែងយកពានរង្វាន់ “2021 World Car Design of the Year” ជាមួយ Land Rover Defender និង Mazda MX-30 ទៀតផង៕
ផ្ទាំងផ្សាយពាណិជ្ជកម្ម
