[បរទេស] កាលពីឆ្នាំ ២០២៣ កន្លងទៅ ក្រុមហ៊ុនផលិតរថយន្ត Honda បានធ្វើដាក់ការបង្ហាញនៅគំរូ Honda Prelude Concept នៅឯពិព័រណ៍រថយន្ត Tokyo Auto Show ព្រមទាំងបានបញ្ជាក់ថាខ្លួននឹងផលិតរថយន្តនេះប្រភេទ coupe ទ្វារពីរ ប្រើ Hybrid នៅទីផ្សារសហរដ្ឋអាមេរិក ។
ក្នុងនោះដែរ សម្រាប់ Honda Prelude ប្រភេទកូនកាត់ Hybrid នេះ នឹងអាចដំណើរការដោយមានម៉ាស៊ីន e:HEV ធ្វើការរួមគ្នាជាមួយម៉ាស៊ីនសាំងចំណុះ ២,០ លីត្រដូចគ្នាទៅនឹងរថយន្ត Accord និង Civic hybrid ផ្គួបជាមួយម៉ូទ័រអគ្គិសនីដែលអាចផលិតកម្លាំងបានសរុប ២០៧ សេះ ។
រថយន្តនេះ មានប្រវែងតួខ្លួនសរុប ៤ ៣០០ ម.ម ទទឹង ១ ៧៩០ ម.ម កំពស់ ១ ៣០០ ម.ម និងប្រវែងគន្លាតកង់មុខ-ក្រោយ ២ ៥៧៥ ម.ម ដោយមានទំហំធំជាងរថយន្ត Mazda MX-5 Miata កៅអី ២ ដែលមានប្រវែងសរុបត្រឹមតែ ៣ ៩១៤ ម.ម ។
គួរបញ្ជាក់ផងដែរថា ក្រុមហ៊ុន Honda ត្រូវបានគេរាយការណ៍ថាបានដាក់វាជាម៉ូដែលជាប្រភេទ Premium ទ្វារ ២ នឹងមានតម្លៃចាប់ពី ៤,២ លានយ៉េន ដល់ ៤,៥ លានយ៉េន ស្មើនឹង ២៧ ៣២៥ ដុល្លារ ដល់ ២៩ ២៧៧ ដុល្លារ គិតតាមអត្រាប្តូរប្រាក់ថ្ងៃបច្ចុប្បន្ន ៕
