Hyundai នាំមុខ Toyota ក្លាយជារថយន្តលក់ដាច់បានច្រើនជាងគេនៅវៀតណាម

ក្នុង​អំឡុង​​​ឆ​មាស​​ដំបូង​នៃ​ឆ្នាំ ២០២០ រថយន្ត​ Hyundai ​អាច​លក់​ចេញ​លក់​ទីផ្សារ​វៀតណាម​បាន​ចំនួន ២៥ ៤៨២​គ្រឿង ដែល​លក់​បាន​ច្រើន​ជាង​រថយន្ត Toyota ជាង ៣០០​គ្រឿង ធ្វើ​ឲ្យ​ Hyundai ក្លាយ​ជា​រថយន្ត​លក់​បាន​ច្រើន​ជាង​គេ​នៅ​វៀតណាម។

ក្រឡេក​ទៅ​កាល​ពី​ឆមាស​ទី​មួយ​ឆ្នាំ ២០១៩ ម៉ាក​រថយន្ត Toyota ជា​ម៉ាក​ពេញ​និយម​ខ្លាំង​មួយ​នៅ​វៀតណាម ដែល​លក់​ចេញ​រថយន្ត​បាន​​ជិត​ ៣៧ ០០០​គ្រឿង ខណៈ​ Hyundai ស្ថិត​នៅ​ចំណាត់​ថ្នាក់​លេខ​ពីរ​ជា​មួយ​​ចំនួន​លក់ ៣១ ៨៥១​គ្រឿង។

ផ្ទាំងផ្សាយពាណិជ្ជកម្ម

​​នៅ​ឆមាស​ដំបូង​នៃ​ឆ្នាំ​នេះ Toyota លក់​រថយន្ត​បាន ២៥ ១៦២​គ្រឿង តាម​ពី​ក្រោយ​ដោយ Honda ដែល​លក់​បាន ១២ ០៣៥​គ្រឿង និង Kia លក់​បាន ១១ ០៤៩​គ្រឿង។ ម៉ាក​រថយន្ត​បន្ត​បន្ទាប់​មាន Mazda, Mitsubishi, Ford, Suzuki, Isuzu, Peugeot និង Nissan៕

ផ្ទាំងផ្សាយពាណិជ្ជកម្ម