កាលពីពេលថ្មីៗនេះ ក្រុមហ៊ុន Jaguar Land Rover បានបង្ហាញនូវរូបរាងជាផ្លូវការនៃរថយន្តម៉ូឌែលថ្មីសន្លាងគឺ The New Range Rover សេរីឆ្នាំ ២០២២។ ព្រឹត្តិការណ៍នេះបានធ្វើឡើងនៅ Royal Opera House ក្នុងទីក្រុង London ប្រទេសអង់គ្លេស និងបានផ្សាយផ្ទាល់តាមឆាណែលយូធូបផ្លូវការរបស់ Land Rover។ The New Range Rover សេរីឆ្នាំ ២០២២ ត្រូវបានគេអោយឈ្មោះថាជា កំពូលរថយន្ត នៃឧត្តមភាព ដែលមានភាពទាក់ទាញ និងទាន់សម័យ។ ម៉ូដែល SUV នេះ បំពាក់នូវបច្ចេកវិទ្យា ទំនើបនាផ្នែកខាងក្នុង រួមបញ្ចូលនូវ ប្រណិតភាព និងភាពស្រស់ស្អាតនាផ្នែកខាងក្រៅ ព្រមទាំងផ្តល់នូវសមត្ថភាពដ៏ល្អឥតខ្ចោះសម្រាប់ការបើកបរ។ លោក Thierry Bolloré CEO របស់ Jaguar Land Rover មានប្រសាសន៍ថា៖ «រថយន្ត The New Range Rover ជាការបើកបង្ហាញ ចក្ខុវិស័យដ៏អស្ចារ្យរបស់យើងក្នុងការផលិតនូវរថយន្តដ៏ទំនើបបំផុតក្នុងពិភពលោក ដែលបំពេញនូវសេចក្តីត្រូវការអតិថិជន។ រថយន្តនេះនឹងបង្ហាញពីទំព័របន្ទាប់ នៃចំណុចពិសេសក្នុងការបង្កើតថ្មីរបស់យើង។ នេះហើយជាសញ្ញាសម្គាល់របស់រថយន្ត Range Rover ក្នុងរយៈពេលជាង ៥០ ឆ្នាំនេះ»។
សូមបញ្ជាក់ថា ទម្រង់រូបរាងខាងក្រៅរបស់រថយន្ត ស្ថិតនៅដដែល សាមញ្ញតែទាក់ទាញ ប្រណិតតែមិនឆើតឆាយ ។ ចំពោះអតិថិជនរបស់រថយន្ត Range Rover ប្រាកដជាអាចសម្គាល់ដឹងភ្លាមៗថា ចំពោះសេរីឆ្នាំ ២០២២ នេះបានផ្លាស់ប្ដូរលើចំណុចណាខ្លះ។
ការផ្លាស់ប្ដូរនាផ្នែកខាងក្រៅ អាចកំណត់បាន ចំណុចធំៗចំនួន២៖
- ទី១ ការផ្លាស់ប្ដូររូបរាងប៉ាណាផ្នែកខាងមុខ មាន ២ជាន់តម្រួតលើគ្នា អមដោយអំពូល ២សងខាង។
- ទី២ ការផ្លាស់ប្ដូរស្តុបផ្នែកខាងក្រោយ ត្រូវបានរចនាឡើងប្លែកខុសពីមុន ដែលមើលទៅដូចជារថយន្តនាពេលអនាគត ដោយស្តុបទាំងពីរទំលាក់បញ្ឈ បើយើងក្រលេកមើលពីខាងក្រោយនៅពេលបើកភ្លើង វាប្រៀបដូចជាស្មារថយន្ត។ (សូមមើលរូបបន្ថែម)
ជាថ្មីម្តងទៀត The New Range Rover សេរីឆ្នាំ ២០២២ មានជម្រើសច្រើនថ្មីសម្រាប់អោយអតិថិជនជ្រើសរើសគឺប្រភេទតួវែង ដែលមានកៅអីអង្គុយចំនួន៧ ខុសពីម៉ូដែលមុន។ មិនតែប៉ុណ្ណោះអតិថិជនអាចជ្រើសពណ៌ដែលខ្លួនពេញចិត្តបានថែមទៀត ព្រោះថារថយន្ត Range Rover ផ្តល់ជម្រើសពណ៌ជាច្រើនទាំងផ្នែកខាងក្នុង និងខាងក្រៅ។
សម្រាប់អ្នកដែលពុំទាន់បានទស្សនានូវវីដេអូដែលបង្ហាញពី ព្រឹត្តិការណ៍បង្ហាញនូវរូបរាងជាផ្លូវការ របស់រថយន្តនេះ អាចចូលទស្សនាបាន តាមរយៈតំណលីង៖ https://bit.ly/3H6zHBX។
Jaguar Land Rover Cambodia ជាភ្នាក់ងារចែកចាយផ្លូវការរបស់ក្រុមហ៊ុន Jaguar Land Rover ប្រចាំប្រទេសកម្ពុជា បានបើកទទួលការកម្ម៉ង់រថយន្ត The New Range Rover សេរីឆ្នាំ ២០២២ ចាប់ពីថ្ងៃនេះតទៅ។ រាល់រថយន្ត ដែលអតិថិជនទិញពី Jaguar Land Rover Cambodia ដែលនាំចូល និងចែកចាយដោយផ្តាច់មុខដោយ RMA Cambodia សុទ្ធតែមានការធានាត្រឹមត្រូវពីរោងចក្រផលិត។
អតិថិជនដែលមានចំណាប់អារម្មណ៍ក៏អាចទំនាក់ទំនងមកកាន់លេខទូរស័ព្ទ 070 999 111 / 085 999 111 សម្រាប់ព័ត៌មានលម្អិតពីកំពូលរថយន្តនេះ ឬអញ្ជើញមកកាន់អគារតាំងបង្ហាញដែលមានទីតាំងស្ថិតនៅតាអគារលេខ264A បណ្តោយមហាវិថីសហព័ន្ធរុស្ស៊ី៕
