ដើម្បីបង្កើនការផលិតរថយន្តអគ្គិសនី ក្រុមហ៊ុន GM វិនិយោគរហូតជាង ២ ពាន់លានដុល្លារ

ក្រុមហ៊ុនផលិតរថយន្តអាមេរិក General Motors បានប្រកាសកាលពីថ្ងៃអង្គារថា ក្រុមហ៊ុនកំពុងវិនិយោគលុយប្រហែល ២,២ ពាន់លានដុល្លារ នៅក្នុងប្រតិបត្តិការផលិតកម្មរបស់ខ្លួន ដែលភាគច្រើនដើម្បីបង្កើនការផលិតរថយន្តអគ្គិសនី។

វាគឺជាការវិនិយោគចុងក្រោយបង្អស់មួយសម្រាប់ក្រុមហ៊ុនផលិតរថយន្ត General Motors នៅពេលដែលវាផ្តោតសំខាន់ទៅលើរថយន្តអគ្គិសនី ក្រោមចក្ខុវិស័យ “Triple Zero” របស់ CEO ក្រុមហ៊ុនលោក Mary Barra។

ផ្ទាំងផ្សាយពាណិជ្ជកម្ម

ចាប់តាំងពីខែមីនា ឆ្នាំ ២០១៩ ក្រុមហ៊ុន GM បានប្តេជ្ញាវិនិយោគជាង ៤,៥ ពាន់លានដុល្លារ លើរោងចក្រផលិតរថយន្តចំនួន ៣ នៅសហរដ្ឋអាមេរិក ដើម្បីត្រៀមផលិតកម្មដែលទាក់ទងនឹងរថយន្តអគ្គិសនី។

គួរឲ្យដឹងថា ក្រុមហ៊ុន GM ធ្លាប់បាននិយាយថា ខ្លួនគ្រោងនឹងបញ្ចេញរថយន្តអគ្គិសនីយ៉ាងហោចណាស់ ២០ ម៉ូដែល នៅទូទាំងពិភពលោក នៅឆ្នាំ ២០២៣ ក្នុងនោះក៏មានរថយន្តម៉ាក GMC Hummer EV ដែលទើបប្រកាសចេញនាពេលថ្មីៗនេះដែរ។

ថវិកាប្រមាណជា ២,២ ពាន់លានដុល្លារ នឹងត្រូវចំណាយទៅលើរោងចក្រមួយនៅតំបន់ Spring Hill រដ្ឋ Tennessee សម្រាប់ការផលិតរថយន្តអគ្គិសនីនាពេលអនាគត រួមទាំងរថយន្ត Cadillac Lyriq ផងដែរ៕

ផ្ទាំងផ្សាយពាណិជ្ជកម្ម