ដំណឹងទាក់ទងនឹងរថយន្ត Urus ប្រភេទ PHEV បានលេចចេញឡើងតាំងពីប៉ុន្មានឆ្នាំមកម្ល៉េះ ប៉ុន្តែពេលនេះ Lamborghini ប្រហែលជានឹងផ្ដល់ជូនប្រភេទ PHEV នេះមកជាមួយនឹង Urus ស៊េរីថ្មីដែលកំពុងស្ថិតក្រោមការផលិត។
ការចុះផ្សាយរបស់ Car Magazine បានអះអាងថារថយន្ត Urus ប្រភេទ PHEV នឹងមានបំពាក់ម៉ាស៊ីនសាំងដែលអាចផលិតកម្លាំងបានរហូតដល់ ៥៩២សេះ ដែលគេមិនច្បាស់ថាម៉ាស៊ីន ៦ស៊ីឡាំង ឬ ៨ស៊ីឡាំងនោះទេ។ យ៉ាងណាវាក៏មានមកជាមួយនូវម៉ូទ័រអគ្គិសនីដែលធ្វើឲ្យកម្លាំងសរុបឡើង ៨០៨សេះ។
រថយន្ត Urus PHEV អាចនឹងបង្ហាញវត្តមាននៅឆ្នាំ ២០២២ ខាងមុខ ដែលវាប្រហែលជាមានទម្ងន់ធ្ងន់ជាងប្រភេទធម្មតាប្រមាណជាង ២៥០គីឡូក្រាម ដែលទម្ងន់សរុបអាចមានដល់ ២២០០គីឡូក្រាម។
គួរដឹងថារថយន្ត Urus មួយប្រភេទទៀតក៏កំពុងស្ថិតក្រោមការផលិតដែរ ដែលមានឈ្មោះថា Urus Sport RS មានសមត្ថភាពអាចផលិតកម្លាំងបាន ៦៦៥សេះ។ នេះបើផ្អែកតាមការចុះផ្សាយរបស់ប្រភពខាងលើ៕
