MG5 ស៊េរីឆ្នាំ ២០២១ ទំនងចេញលក់នៅវៀតណាមតម្លៃខ្ទង់ ២ម៉ឺនដុល្លារ

រថយន្ត MG5 ស៊េរីឆ្នាំ ២០២១ កំពុងត្រៀមប្រកាសចេញលក់ជាផ្លូវការនៅប្រទេសថៃ ហើយវៀតណាមនឹងជាប្រទេសបន្ទាប់នៅអាស៊ីអាគ្នេយ៍ដែលនឹងមានដាក់លក់រថយន្ត Sedan ទាន់សម័យមួយម៉ូដែលនេះ។

ពេលដែលបង្ហាញវត្តមាននៅវៀតណាមជាផ្លូវការរថយន្ត MG5 ឆ្នាំ ២០២១ នឹងជាគូប្រជែងរបស់ Mazda3, Honda Civic និង Kia Cerato ផងដែរ។ បើផ្អែកតាមតម្លៃរបស់គូប្រកួតប្រជែង រថយន្ត MG5 ស៊េរីឆ្នាំ ២០២១ នេះអាចដាក់លក់នៅវៀតណាមជាមួយខ្ទង់តម្លៃប្រមាណ ២១ ៥០០ដុល្លារ។

ផ្ទាំងផ្សាយពាណិជ្ជកម្ម

រថយន្ត MG5 ជំនាន់ថ្មីបានបង្ហាញវត្តមានជាលើកដំបូងក្នុងកម្មវិធីតាំងបង្ហាញរថយន្ត Beijing Auto Show កាលពីខែកញ្ញាឆ្នាំ ២០២១ កន្លងទៅនេះ។ វាមានប្រើប្រាស់រចនាបថថ្មីដែលទាន់សម័យ ទាក់ភ្នែក មានសម្រស់មិនចាញ់រថយន្តលោកខាងលិចឡើយ។

រថយន្តនេះមានជម្រើសម៉ាស៊ីនពីរប្រភេទគឺម៉ាស៊ីនចំណុះ ១,៥លីត្រ ៤ស៊ីឡាំងផលិតកម្លាំងបាន ១១៨សេះ និងមួយទៀតជាម៉ាស៊ីន Turbocharged ចំណុះ ១,៥លីត្រ អាចផលិតកម្លាំងបាន ១៧១សេះ៕

ផ្ទាំងផ្សាយពាណិជ្ជកម្ម