ក្រុមហ៊ុន Renault បង្ហាញរថយន្ត Van អគ្គិសនីថ្មីបីម៉ូឌែលមើលទៅទាក់ទាញខ្លាំង

May 2, 2025

ក្រុមហ៊ុន Renault បានបង្ហាញជាសាធារណៈនូវរថយន្ដ Van អគ្គិសនីបីម៉ូឌែល នៅឯពិព័រណ៍យានយន្តពាណិជ្ជកម្មឆ្នាំ 2025 នៅទីក្រុង Birmingham។

រថយន្ដ Van អគ្គិសនីបីម៉ូឌែលមានឈ្មោះ Trafic, Estafette និង Goelette ហើយក្រុមហ៊ុនេះបានសន្យានឹងបំពាក់មកជាមួយបច្ចេកវិទ្យាការសាកថ្មលឿនបំផុតលើរថយន្ដផងដែរ។ រថយន្តថ្មីទាំង៣ម៉ូឌែលនេះគឺជាផ្នែកមួយនៃការបណ្ដាក់ទុនរួមគ្នាហៅថា Flexis ដែលជាភាពជាដៃគូរវាងក្រុមហ៊ុន Renault, ក្រុមហ៊ុន Volvo Group និង CMA CGM។

រថយន្ត Trafic ត្រូវបានរចនាឡើងវិញ ក្នុងទម្រង់ជារថយន្តប្រើប្រាស់អគ្គិសនីសុទ្ធនេះ។ រថយន្ដនេះគឺជារថយន្ត mid-sized panel van នឹងត្រូវបានលក់រួមគ្នាជាមួយរថយន្ត Trafic ជំនាន់ចាស់ដែលប្រើម៉ាស៊ីនចំហេះខាងក្នុង។

រថយន្ត Goelette គឺជាមូលដ្ឋានប្រភេទ chassis cab ដែលមានពីទ្វារទៅមុខនិងទូសម្រាប់ដឹកឥវ៉ាន់ ដែលសមត្ថភាពផ្ទុកបានរហូតដល់ ៤តោន។ រថយន្ត Goelette ត្រូវបានដាក់ឱ្យដំណើរការនៅឆ្នាំ ១៩៥៦ ហើយជាប្រភេទរថយន្ត Van ខ្នាតតូចដែលមានគោលបំណងសម្រាប់អ្នករកស៊ីឯករាជ្យ ឬអាជីវកម្មខ្នាតតូច។

រថយន្ត Estafette គឺជារថយន្តធំជាងគេក្នុងចំណោមរថយន្តទាំងបីម៉ូឌែល ដោយមានកម្ពស់ខ្ពស់រហូតដល់ ២,៦ ម៉ែត្រ ដែលអនុញ្ញាតឱ្យអ្នកដែលមានកម្ពស់ ១,៩ ម៉ែត្រ អាចឈរត្រង់នៅផ្នែកខាងក្រោយបាន។ រថយន្ត Estafette រចនាឡើងក្នុងគោលបំណងសម្រាប់អ្នកដឹកជញ្ជូនទាំងភ្ញៀវនិងឥវ៉ាន់។ ឈ្មោះរបស់វាបានមកពីរថយន្ត Estafette ដែលបានដាក់ឱ្យដំណើរការនៅឆ្នាំ ១៩៥៩។

រថយន្ដ Van ទាំងបីម៉ូឌែលនេះ ផលិតឡើងផ្អែកលើគ្រោងឆ្អឹង ‘skateboard’ ដែលមានថ្មរាបស្មើដាក់នៅពីក្រោម និងម៉ូទ័រអគ្គិសនីដែលដំឡើងនៅផ្នែកខាងក្រោយ។

ក្រុមហ៊ុន Renault មិនទាន់បានបង្ហាញអំពីប្រភេទម៉ូទ័រ ដែលបំពាក់លើរថយន្ដ Van ទាំង៣នេះនៅឡើយទេ បន្ថែមពីនេះពួកគេគ្រាន់តែបញ្ជាក់ថារថយន្ដខាងលើនេះ មានបំពាក់មកជាមួួយអាគុយ២ជម្រើសផ្សេង ដែលមានទំហំ 60kWh និង 81kWh។ ជាអាគុយដែលមានទំហំធំជាងគេ អាចបើកបានចម្ងាយរហូតដល់ ៤៤៩គីឡូម៉ែត្រ ខណៈអាគុយទំហំតូចជាងគេអាចបើកបានចម្ងាយ ៣៤៩គីឡូម៉ែត្រ៕

ផ្ទាំងផ្សាយពាណិជ្ជកម្ម

ក្រុមហ៊ុន Volvo ប្ដូរយុទ្ធស្រាស្ដថ្មីដើម្បីរក្សាផលចំណេញនិងទីផ្សារខ្លួននៅអាមេរិក

May 2, 2025

រឿងពន្ធគយក្នុងសម័យកាលរបស់លោក ដូណាល់ ត្រាំ ប្រធានាធិបតីអាមេរិក បានកំពុងជំរុញឱ្យក្រុមហ៊ុនផលិតរថយន្ដ Volvo ធ្វើមូលដ្ឋានីយកម្មផលិតកម្មតាមតំបន់ ដោយផ្ទេរការផលិតរថយន្តកាន់តែច្រើនទៅកាន់សហរដ្ឋអាមេរិក ដើម្បីគេចផុតពីរឿងពន្ធគយនាំចូល។

ក្រុមហ៊ុនផលិតរថយន្តដែលនាំចូលរថយន្តមកសហរដ្ឋអាមេរិកនៅពេលបច្ចុប្បន្ន កំពុងជួបការលំបាកហើយឈឺក្បាលយ៉ាងខ្លាំង ជាក់ស្ដែងដូចជាក្រុមហ៊ុន Volvo បានលក់រថយន្តនៅអាមេរិករាប់ទសវត្សរ៍មកហើយ ប៉ុន្តែស្ទើរតែ ៩០% ហើយរថយន្តដែលខ្លួនលក់នៅទីនោះសុទ្ធតែផលិតនៅតំបន់អឺរ៉ុប។ ដើម្បីរក្សាទីផ្សាររបស់ខ្លួននៅសហរដ្ឋអាមេរិក ទើបធ្វើឲ្យក្រុមហ៊ុនមួយនេះកំពុងងាកបង្កើនការវិនិយោគទ្វេដងលើរោងចក្ររថយន្ដរបស់ខ្លួននៅរដ្ឋ South Carolina ជាមួយនឹងផែនការផលិតរថយន្តកាន់តែច្រើននៅលើទឹកដីអាមេរិក។

គិតត្រឹមពេលនេះ រថយន្តអគ្គិសនីសុទ្ធ EX90 គឺជាតែមួយគត់ដែលក្រុមហ៊ុន Volvo ផលិតនៅក្នុងស្រុក។ លោក Hakan Samuelsson នាយកប្រតិបត្តិក្រុមហ៊ុន Volvo បានបង្ហើបថា៖«ម៉ូដែលបន្ទាប់គួរតែមានទាំងកំណែទម្រង់ថ្មី mild-hybrid និង plug-in hybrid ដែលមានន័យថាវាទំនងជាអាចជាម៉ូដែល XC60 ឬ XC90»។

ចំពោះរថយន្តប្រភេទ Wagon ឬ Sedan គឺមិនសូវទទួលបានការគាំទ្រទេនៅអាមេរិក បើក្រឡេកមើលរថយន្តណាដែលលក់ដាច់ជាងគេនៅសហរដ្ឋអាមេរិក ច្រើនជាងគេគឺជារថយន្ដប្រភេទ SUV ណាមួយ។ នេះជាអ្វីដែលលោក Samuelsson បានប្រាប់ទស្សនាវដ្តី Auto News ។

ខណៈពេលនេះលោក Samuelsson មិនបានផ្តល់តម្រុយណាមួយអំពីពេលដែលក្រុមហ៊ុន Volvo នឹងសម្រេចចិត្តថានឹងផលិតម៉ូដែលថ្មីមួយណាទៀតនៅអាមេរិកនោះ លោកបានលើកឡើងពីផែនការនឹងទៅទស្សនាសហរដ្ឋអាមេរិកក្នុងពេលឆាប់ៗនេះ ដើម្បីពិភាក្សាជាមួយតំណាងចែកចាយ និងស្វែងយល់ថាម៉ូដែលណាដែលសមស្របបំផុត។

រឿងពន្ធគយរបស់រដ្ឋបាលលោក Trump ក៏កំពុងជះឥទ្ធិពលដល់យុទ្ធសាស្ត្រលក់របស់ក្រុមហ៊ុន Volvo ផងដែរ។ ឆ្នាំក្រោយ ក្រុមហ៊ុន Volvo មានគម្រោងបញ្ឈប់ការលក់រថយន្តប្រភេទ S90 sedan នៅអាមេរិក ដោយសារតែរថយន្ដនេះត្រូវបាននាំចូលពីប្រទេសចិន ជំនួសមកវិញ ពួកគេនឹងផ្តោតលើម៉ូដែលពេញនិយមជាងរបស់ពួកគេដូចជា XC40, XC60, និង XC90 ជាដើម។

ខណៈពេលដែលក្រុមហ៊ុន Volvo កំពុងធ្វើការលើម៉ូដែលបន្ទាប់ដែលនឹងផលិតនៅសហរដ្ឋអាមេរិក លោក Samuelsson ក៏បានសង្កត់ធ្ងន់ថា ក្រុមហ៊ុនកំពុងខិតខំប្រឹងប្រែងយ៉ាងសំខាន់ក្នុងការជំរុញរថយន្តអគ្គិសនីសុទ្ធ EX90 ដោយមានក្តីសង្ឃឹមជំរុញការលក់រថយន្តដែលកំពុងផលិតរួចហើយនៅរដ្ឋ South Carolina ឲ្យកើនឡើង៕

ផ្ទាំងផ្សាយពាណិជ្ជកម្ម

ការលក់រថយន្តរបស់ Tesla នៅត្រីមាសទី ២ ក្នុងតំបន់អឺរ៉ុប បន្តការធ្លាកចុះកាន់តែខ្លាំង

May 2, 2025

[បរទេស] ការលក់រថយន្តរបស់ក្រុមហ៊ុនផលិតរថយន្ត Tesla នៅក្នុងទីផ្សារអឺរ៉ុបសំខាន់ៗមួយចំនួនបន្តធ្លាក់ចុះយ៉ាងខ្លាំងនៅក្នុងត្រីមាសទី ២ ឆ្នាំ ២០២៥ គិតត្រឹមតែមេសា ទោះបីជាម៉ូដែល Tesla Model Y ស៊េរីឆ្នាំ ២០២៥ ត្រូវបានដាក់ចេញលក់ក៏ដោយ ។

ក្នុងនោះ នៅប្រទេសបារាំង Tesla ត្រូវបានគេរាយការណ៍ថា លក់រថយន្តបានចំនួនត្រឹមតែ ៨៦៣ គ្រឿងប៉ុណ្ណោះ ក្នុងខែមេសា ឆ្នាំ២០២៤ ធ្លាក់ចុះ ៥៩% ពីមួយឆ្នាំទៅមួយឆ្នាំ និងធ្លាក់ចុះ ២៤% ពីខែដំបូងនៃត្រីមាសទី ១ ក្នុងឆ្នាំ ២០២៥។ នៅប្រទេសដាណឺម៉ាក Tesla លក់រថយន្តបានចំនួនត្រឹមតែ ១៨០ គ្រឿងប៉ុណ្ណោះក្នុងខែមេសា ធ្លាក់ចុះដល់ទៅ ៦៧% បើប្រៀបធៀបទៅនឹងខែមេសា ២០២៤ និងបានធ្លាក់ចុះ ៥៩% ចាប់ពីខែមករា ២០២៥ ។ ខណៈនៅក្នុងប្រទេសព័រទុយហ្គាល់ ក្រុមហ៊ុន Tesla លក់រថយន្តបានត្រឹមតែ ២៣៩ គ្រឿងក្នុងខែមេសា ជាចំនួនធ្លាក់ចុះ ៤៧% ពីមួយឆ្នាំទៅមួយឆ្នាំ និងធ្លាក់ចុះ ៣៩% ពីខែដំបូងនៃត្រីមាសទី ១ ឆ្នាំ ២០២៥ ។

ខណៈពេលដែលនេះគឺជាសញ្ញាអាក្រក់សម្រាប់ Tesla រួចហើយ ការលក់បានចាប់ផ្តើមធ្លាក់ចុះក្នុងអត្រាកាន់តែខ្លាំងឡើងនៅឆ្នាំ ២០២៥ បើប្រៀបធៀបទៅនឹងឆ្នាំ ២០២៤ ៕

ផ្ទាំងផ្សាយពាណិជ្ជកម្ម

ភីកអាប់ម៉ូដែលថ្មីរបស់ Nissan ប្រភេទ PHEV ដាក់លក់ pre-sale តម្លៃតែខ្ទង់ ២មុឺនដុល្លារ

May 1, 2025

[បរទេស] ក្រុមហ៊ុនផលិតរថយន្តបណ្តាក់ទុនរួមគ្នា Dongfeng-Nissan បានធ្វើការដាក់បង្ហាញចេញនៅរថយន្តភីកអាប់ Nissan Z9 ស៊េរីថ្មីចុងក្រោយ ប្រភេទ PHEV ជាមួយតម្លៃលក់ pre-sale ចាប់ពី ២៤ ១៩០ ដុល្លារឡើងទៅ នៅប្រទេសចិន ។

ភីកអាប់ Nissan Z9 ដំណើរដោយប្រព័ន្ធ Plug-in hybrid ធ្វើការជាមួយម៉ាស៊ីនសាំងចំណុះ ១,៥ លីត្រ និងម៉ូទ័រអគ្គិសនីចំនួន ១ អាចផលិតកម្លាំងបានសុរប ៤៣០ សេះ និងកម្លាំងរមួល ៨០០ ញ៉ូតុនម៉ែត្រ ផ្គួបជាមួយអាគុយ ដែលអាចបើកបរបានចម្ងាយ ១៣៥ គីឡូម៉ែត្រពីការប្រើថាមពលអគ្គិសនីសុទ្ធ ខណៈ ដោយចាក់សាំងពេញ បូកទាំងថាមពលអគ្គិសនី អាចបើកបរបានចម្ងាយ ១ ១០០ គីឡូម៉ែត្រ ។

រថយន្តនេះមានប្រវែងតួខ្លួនសរុប ៥ ៥២០ ម.ម ទទឹង ១ ៩៦០ ម.ម កំពស់ ១ ៩៥០ ម.ម និងប្រវែងគន្លាតកង់មុខ-ក្រោយ ៣ ៣០០ ម.ម ។ សម្រាប់ការឌីស្សាញផ្នែកខាងក្រៅមាន ប៉ាណាមុខឌីស្សាញរាងជាសំណាញ់ធំ ចង្កៀងមុខ-ក្រោយ LED រាងជាអក្សរ Z ព្រមទាំងថាសកង់ស្ព័រទំហំ ១៨អ៉ីញ ឌីស្សាញបែប unique ។

ចំពោះនៅផ្នែកខាងក្នុងវិញ មានកុងទ័របង្ហាញព័ត៌មានឌីជីថល ១០,២៥ អ៉ីញ និងអេក្រង់កំសាន្ត touchscreen ទំហំ ១៤,៦ អ៉ីញ សម្រាប់បញ្ជាមុខងារទូទៅនៅលើរថយន្តទាំងស្រុង ក៏ដូចជាងកន្លែងសាកថ្មឥតប្រើខ្សែ និងប្រព័ន្ធជំនួយការអ្នកបើកបរ L2 Driver Assistance System ផងដែរ ៕

ផ្ទាំងផ្សាយពាណិជ្ជកម្ម

ក្រុមហ៊ុន Xpeng ដាក់បង្ហាញមនុស្សយន្តប្រើប្រាស់សម្រាប់ផលិតរថយន្តរបស់ខ្លួន

May 1, 2025

ក្រុមហ៊ុន Xpeng បានដាក់បង្ហាញមនុស្សយន្តដូចមនុស្ស (humanoid robot) ចុងក្រោយបង្អស់របស់ខ្លួនឈ្មោះ Iron នៅក្នុងពិព័រណ៍រថយន្តសៀងហៃឆ្នាំ ២០២៥។ មនុស្សយន្ដនេះ ដំណើរការដោយបន្ទះឈីប AI Turing ដែលជាកម្មសិទ្ធិរបស់ក្រុមហ៊ុន Xpeng។

តាមការឲ្យដឹងពីក្រុមហ៊ុន Xpeng មនុស្សយន្ត Iron កំពុងដំណើរការរួចជាស្រេចនៅលើខ្សែសង្វាក់ផលិតកម្មរថយន្តរបស់ខ្លួន ក្នុងការជួយដំឡើងរថយន្តអគ្គិសនីជំនាន់ក្រោយរបស់ពួកគេ។ មនុស្សយន្ត Iron មានកម្ពស់ ១,៧៣ ម៉ែត្រ និងទម្ងន់ ៧០ គីឡូក្រាម ហើយត្រូវបានរចនាឡើងដូចទៅនឹងសមាមាត្ររបស់មនុស្សពិត។ ដៃរបស់វាត្រូវបានបង្កើតឡើងតាមមាត្រដ្ឋាន 1:1 scale ជាមួយនឹងកម្រិតនៃសេរីភាព ២២ដឺក្រេ (degrees of freedom) អនុញ្ញាតឲ្យវាចាប់កាន់វត្ថុបានយ៉ាងងាយនិងបត់បែនបានល្អ។

តាមការឲ្យដឹងពីក្រុមហ៊ុន Xpeng ចលនាដ៏ទំនើបរបស់មនុស្សយន្ត Iron គឺដំណើរការដោយ end-to-end large models និង reinforcement learning ដែលអាចឲ្យវាធ្វើចលនាបានរលូន ធម្មជាតិ និងដើរបានដោយគ្មានភាពរឹងហើយពិបាកបត់បែន ដូចទៅនិងមនុស្សធយន្តជំនាន់មុនៗនោះទេ។

ប្រព័ន្ធឆ្លើយតបដោយសំឡេងរបស់មនុស្សយន្ត Iron ត្រូវបានកែសម្រួលពីប្រព័ន្ធ smart cockpit របស់ក្រុមហ៊ុន Xpeng ដែលអនុញ្ញាតឲ្យមានការសន្ទនាបែបធម្មជាតិ តាមរយៈការគិតពិចារណាសកម្ម និងការគិតតាមតក្កវិជ្ជា។ វាក៏រួមបញ្ចូលទាំងបច្ចេកវិទ្យាបើកបរដោយខ្លួនឯងរបស់ក្រុមហ៊ុន Xpeng ដោយប្រើប្រាស់ប្រព័ន្ធ AI ស្នូលដូចគ្នាទៅនឹងរថយន្តអគ្គិសនីរបស់ម៉ាកយីហោនេះ ដែលជាការភ្ជាប់គម្លាតរវាងប្រព័ន្ធអេកូឡូស៊ីរថយន្ត និងមនុស្សយន្ត។

សម្រាប់ប្រព័ន្ធដំណើរការខាងក្នុង មនុស្សយន្ត Iron ដំណើរការលើ «បន្ទះឈីប AI Turing» របស់ក្រុមហ៊ុន Xpeng និងប្រព័ន្ធ Software «Tianji AIOS» សហការផលិតរួមគ្នា ដើម្បីផ្តល់នូវភាពវៃឆ្លាតកម្រិតខ្ពស់ សម្រាប់ការយល់ដឹង (perception) ចលនា (movement) និងអន្តរកម្ម (interaction)។ ក្រុមហ៊ុនXpeng អះអាងថា ប្រព័ន្ធរបស់មនុស្សយន្ត Iron ឥឡូវនេះមានថាមពលដំណើរការ (processing power) រហូតដល់ ៣.០០០ TOPS។

ប្រព័ន្ធចក្ខុវិស័យ «Eagle Eye» របស់មនុស្សយន្តនេះ ដំណើរការដោយកាមេរ៉ាទំនើបៗ ដើម្បីធានាបាននូវការយល់ដឹងពីបរិយាកាសជុំវិញបានយ៉ាងជាក់លាក់ និងសមត្ថភាពក្នុងការសម្រេចចិត្ត។ ក្រុមហ៊ុនរំពឹងថាពេលអនាគតមនុស្សយន្ដ Iron នឹងក្លាយជាជំនួយការផ្ទាល់ខ្លួន (personal assistant) សម្រាប់ដោះស្រាយកិច្ចការងារ ដូចជាការគ្រប់គ្រង ការផ្ដល់សេវាកម្មជូនអតិថិជន នៅតាមហាងលក់ទំនិញ ការិយាល័យ និងនៅតាមផ្ទះផងដែរ៕

ផ្ទាំងផ្សាយពាណិជ្ជកម្ម

Honda Accord ប្រភេទ PHEV ចេញលក់ជាផ្លូវការនៅចិន ឯតម្លៃខ្ទង់ ៣ម៉ឺនដុល្លារ

May 1, 2025

[បរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅរថយន្ត Honda Accord ស៊េរីថ្មីចុងក្រោយ មុខមាត់ថ្មី ដែលជាការផលិតរួមគ្នាជាមួយក្រុមហ៊ុន GAC ជាមួយតម្លៃលក់ចាប់ពី ៣១ ០៥៣ ដុល្លារ ដល់ ៣៥ ៥៩០ ដុល្លារ នៅទីផ្សារប្រទេសចិន ។

Honda Accord ស៊េរីថ្មីចុងក្រោយ នេះ ដំណើរការដោយប្រព័ន្ធ Plug-in hybrid ធ្វើការជាមួយម៉ាស៊ីនសាំងចំណុះ ២,០ លីត្រ ម៉ូទ័រអគ្គីសនីចំនួន ២ អាចផលិតកម្លាំងបានសរុប២០៧ សេះ និងកម្លាំងរមួល ៣៣៥ ញ៉ូតុនម៉ែត្រ ប្រអប់លេខអូតូ ផ្គួបនឹងអាគុយទំហំ ១៧,៧ គីឡូវ៉ាត់ម៉ោង ផ្តល់ចម្ងាយនៃបើកបរបាន ១០៦ គីឡូម៉ែត្រដោយប្រើថាមពលអគ្គីសនីសុទ្ធ ខណៈប្រើអគ្គីសនី លាយសាំង អាចបើកបាន ២ ១៣២ គីឡូម៉ែត្រ និងមានកម្រិតស៊ីប្រេងខ្ទង់ ៤លីត្រ/១០០ គីឡូម៉ែត្រ ។

សម្រាប់រូបរាងផ្នែកខាងក្រៅរបស់ រថយន្តប្រភេទ sedan នេះ ទទួលបានការឌីស្សាញថ្មីទៅ ប៉ាណាមុខ រួមទាំងចង្កៀងមុខ LED លេងការឌីស្សាញស៊ីគ្នានៅនឹងប៉ាណា ព្រមទាំងថាសកង់ស្ព័រទំហំ ១៨អ៉ីញ និងចង្កៀងក្រោយ LED ផងដែរ ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ១០,២ អ៉ីញ និងអេក្រង់កំសាន្ត touchscreen ទំហំ ១២,៣ អ៉ីញ ភ្ជាប់ជាមួយប្រព័ន្ធ Honda Connect 4.0 system អាចប្រើមុខងារ Apple CarPlay/Android Auto ក៏ដូចជាកន្លែងសាកថ្មឥតប្រើខ្សែ រួមទាំងហ្វ្រាំងដៃអេឡិចត្រូនិចជាមួយមុខងារ Auto Hold ជាដើម។ លើសពីនេះ ក៏បានបញ្ចូលនៅប្រព័ន្ធសុវត្ថិភាព Honda Sensing safety system និងប្រព័ន្ធចេញ-ចូលចំណតដោយស្វ័យប្រវត្តិទៀតផង ៕

ផ្ទាំងផ្សាយពាណិជ្ជកម្ម

CATL ក្លាយជាក្រុមហ៊ុនដំបូងគេដែលបំពេញតាមស្តង់ដារថ្ម “No Fire, No Explosion” របស់ចិន

May 1, 2025

ក្នុងដំណើរការពង្រឹងសុវត្ថិភាពសម្រាប់រថយន្តអគ្គិសនី, ប្រទេសចិនបានចេញស្តង់ដារថ្មីមួយដែលមានឈ្មោះថា GB 38031-2025 ដើម្បីធានាថាថ្ម ឬអាគុយរបស់រថយន្តនឹងមិនបង្កជាកាឆេះ ឬការផ្ទុះនាពេលអនាគត។ ក្នុងនោះ ក្រុមហ៊ុនផលិតថ្មដ៏ធំបំផុតរបស់ពិភពលោក CATL បានក្លាយជាក្រុមហ៊ុនដំបូងគេដែលអាចបំពេញតាមស្តង់ដារថ្មីនេះបានដោយជោគជ័យ ហើយស្តង់ដារនេះនឹងចូលជាធរមាននៅថ្ងៃទី ០១ ខែកក្កដា ឆ្នាំ ២០២៦។

ចំពោះការធ្វើតេស្តស្តង់ដារថ្មីរបស់ចិននេះ ត្រូវបានធ្វើឡើងដោយ CATARC ដែលជាស្ថាប័នអនុវិញ្ញាបនបត្ររថយន្ត និងធ្វើតេស្តសុវត្ថិភាពរបស់ប្រទេសចិន ដែលតម្រូវឱ្យថ្មមិនឆេះ ឬផ្ទុះសោះ បើទោះជាមានបញ្ហាបច្ចេកទេសកើតឡើងភ្លាមៗក៏ដោយ ជាមួយការតេស្តចំនួន ២ គឺការតេស្តស៊ាំកំដៅ និងការសាកល្បឿនលឿន ដែលអាចធានាបានថាថ្មអាចធន់នឹងសម្ពាធបច្ចេកទេសដោយគ្មានគ្រោះថ្នាក់។

នៅក្នុងការការតេស្តនេះ CATL បានប្រកាសថា ថ្ម Qilin ដែលជាបច្ចេកវិទ្យាថ្មជំនាន់ទី ៣ នៃ “Cell-to-Pack” (CTP) របស់ខ្លួនបានឆ្លងផុតការតេស្តនេះទាំងអស់តាមស្តង់ដារថ្មី។ ថ្ម Qilin នេះ មានដង់ស៊ីតេថាមពលរហូតដល់ 255 Wh/kg និងត្រូវបានប្រើប្រាស់យ៉ាងទូលំទូលាយដោយក្រុមហ៊ុនផលិតរថយន្តធំៗជាច្រើនដូចជា Aito, Xiaomi, Zeekr, Li Auto, Neta, Avatr និង Lotus ៕

ផ្ទាំងផ្សាយពាណិជ្ជកម្ម

BYD បញ្ជាក់ពីកាលបរិច្ឆទដាក់បង្ហាញរថយន្ដ Sealion 07 DM-i ជាផ្លូវការ

April 30, 2025

រថយន្ត BYD Sealion 07 DM-i ដែលជាប្រភេទរថយន្ត SUV plug-in hybrid នឹងត្រូវដាក់បង្ហាញជាផ្លូវការនៅថ្ងៃទី ៨ ខែឧសភា ខណៈបច្ចុប្បន្នកំពុងបើកទទួលការកក់ទុកមុន (pre-sale) ក្នុងតម្លៃចន្លោះពី ១៨៩ ៨០០ ទៅ ២២៩ ៨០០ យន់ ស្មើនិង ២៦ ១០០ ដល់ ៣១ ៦១១ ដុល្លារ។

រថយន្ត Sealion 07 DM-i ប្រើប្រាស់ការរចនាបែប “Ocean Aesthetics” បំពាក់នូវចង្កៀង LED រាងអក្សរ E តភ្ជាប់គ្នាដោយបន្ទះអំពូលនិងរន្ធខ្យល់នៅចំហៀង។ រូបរាងចំហៀងរបស់វារួមបញ្ចូលទាំងSoutien រាងមូលៗ នៅផ្នែកខាងក្រោយ បំពាក់មកជាមួយចង្កៀង LED អូសកាត់ពីផ្នែកម្ខាងទៅទៅផ្នែកម្ខាង។ រថយន្តនេះមានប្រវែង ៤.៨៨០ មីល្លីម៉ែត្រ ទទឹង ១.៩២០ មីល្លីម៉ែត្រ និងកំពស់ ១.៧៥០ មីល្លីម៉ែត្រ ជាមួយនឹងប្រវែង wheelbase ២.៨២០ មីល្លីម៉ែត្រ។

នៅខាងក្នុង រថយន្តនេះមានការរចនាផ្ទាំងតាប្លូ (dashboard) រួមបញ្ចូលទាំងអេក្រង់កុងទ័រឌីជីថលទំហំ ១០,២៥ អុីញ និងអេក្រង់ថាច់ស្គ្រីនកណ្ដាលវិលបានទំហំ ១៥,៦ អុីញ។ ប្រព័ន្ធព័ត៌មាន និងការកម្សាន្ត (infotainment system) គឺជាប្រព័ន្ធ DiLink 100 របស់ BYD គាំទ្រមុខងារបញ្ជាដោយសំឡេងដោយប្រើ AI DeepSeek។ បន្ថែមពីរថយន្ដនេះភ្ជាប់មកជាមួយទូរទឹកកក មានមុខងារកម្ដៅនិងត្រជាក់ សម្រាប់មុខងារត្រជាក់អាចកំណត់បានដល់ -៦°C និងមុខងាកម្ដៅអាចតំឡើងដល់ ៥០°C។

ជាមួយគ្នារថយន្ដនេះក៏បំពាក់បន្ថែមមកជាមួយប្រព័ន្ធ Drone ដែលក្រុមហ៊ុន BYD បបានអភិវឌ្ឍន៍ជាមួយក្រុមហ៊ុន DJI ឈ្មោះថា Lingyuan BYD Intelligent Drone System អនុញ្ញាតឲ្យមានមុខងារ Drone ដូចជាការហោះឡើងថសកម្មភាពពេលរថយន្ដកំពុងបើកបរ និងការត្រលប់មកទីតាំងដើមវិញ តាមការយៈកម្មវិធីបញ្ជានៅក្នុងរថយន្ត។

រថយន្តនេះគាំទ្រមុខងារជំនួយអ្នកបើកបរកម្រិតខ្ពស់ (advanced driver assistance functions) មានជម្រើសចំនួនពីរ៖ ប្រព័ន្ធ DiPilot 300 រួមបញ្ចូលទាំង LiDAR និងប្រព័ន្ធ DiPilot 100 ប្រើប្រាស់ការបំពាក់ Mélangeur ជំនួយចំនួនបី (triple-camera setup)។ មុខងារទាំងនេះរួមមានប្រព័ន្ធ Navigation សម្រាប់ការបើកបរក្នុងទីក្រុង និងលើផ្លូវហាយវេ និងការចតដោយស្វ័យប្រវត្តិ។

ចំពោះបច្ចេកវិទ្យា DM-i របស់ក្រុមហ៊ុន BYD ដែលមានឈ្មោះពេញថា Dual Mode-Intelligent ក្នុងនោះ DM តំណាងឲ្យពាក្យ Dual Mode រីឯ i តំណាងឲ្យពាក្យ Intelligent គឺជាប្រព័ន្ធ Plug-in Hybrid ដែលបង្កើតឡើងដោយក្រុមហ៊ុន BYD ដែលបានរួមបញ្ចូលគ្នាយ៉ាងឆ្លាតវៃនូវម៉ូទ័រអគ្គិសនី និងម៉ាស៊ីនចំហេះខាងក្នុង៕

ផ្ទាំងផ្សាយពាណិជ្ជកម្ម

ដឹងពេលភីកអាប់ Isuzu D-Max ប្រើអគ្គីសនីសុទ្ធចូលផលិតកម្ម និងចេញលក់ហើយ

April 30, 2025

[បរទេស] កាលពីឆ្នាំមុនកន្លងទៅក្រុមហ៊ុន Isuzu បានបង្ហាញនូវគម្រូឡានភីកអាប់អគ្គិសនីរបស់ខ្លួននៅពិពណ៌យានយន្តបាងកក ឆ្នាំ២០២៤ ខណ:ពេលនេះក្រុមហ៊ុនជប៉ុននេះបានប្រកាសចាប់ផ្តើមផលិតកម្មនៃរថយន្តអគ្គិសនីហើយគឺនៅរោងចក្រក្នុងប្រទេសថៃ ដោយផលិតកម្មសម្រាប់ម៉ូឌែលចង្កូតឆ្វេងនឹងចាប់ផ្តើមមុន ទើបបន្តចាប់ផ្តើមផលិតកម្មសម្រាប់ម៉ូឌែលចង្កូតស្តាំនៅចុងឆ្នាំ។ ចំពោះការនាំចេញទៅកាន់ទីផ្សារផ្សេងៗរំពឹងថានឹងចាប់ផ្តើមនាំចេញទៅកាន់ទីផ្សារអឺរ៉ុបនៅត្រីមានទី៣ ឆ្នាំ២០២៥នេះ ខណ:ទីផ្សារជាប់កម្ពុជាគឺប្រទេសថៃនេះរំពឹងថានឹងមានវត្តមានភីកអាប់អគ្គិសនីនេះបើកបរលើផ្លូវនៅក្នុងឆ្នាំ ២០២៦។

ISUZU D-MAX ជាម៉ូដែល 4-door body ផលិតឡើងលើកគ្រោងឆ្អឹងដូចគ្នាទៅនឹងប្រភេទប្រើម៉ាស៊ីនម៉ាស៊ូត ពោលគឺគ្រោងឆ្អឹង Isuzu Dynamic Mobility Driving Platform បំពាក់ម៉ូទ័រអគ្គិសនីចំនួន ២ ចំនួន ២ អាចផលិតកម្លាំងបាន ១៩០ សេះ និងកម្លាំងរមួល ៣២៥ ញ៉ូតុនម៉ែត្រ ផ្គួបជាមួយអាគុយទំហំ ៦៦,៩ គីឡូវ៉ាត់ម៉ោង សាកថ្មម្តង ផ្តល់នៅចម្ងាយបើកបរបាន ៣៦១ គីឡូម៉ែត្រ ប្រើឆ្នាំងសាកកម្លាំង ៥០ គីឡូវ៉ាត់ អាចសាកបានពី ២០-៨០% ប្រើរយៈពេល ៦០នាទី ប្រភេទបើកបរប៉ុង ២ ប្រព័ន្ធ 4WD Full Time 4WD ។ លើសពីនេះ សំណុំម៉ូទ័រអគ្គិសនីត្រូវបានអភិវឌ្ឍថ្មី ធ្វើការជាមួយគ្នាទាំងផ្នែកខាងមុខនិងខាងក្រោយ ព្រមទាំងបំពាក់ដោយប្រព័ន្ធ suspension ខាងក្រោយប្រភេទ De-Dion suspension ថ្មីទាំងស្រុង ។

រថយន្តនេះមានប្រវែងតួខ្លួនសរុប ៥ ២៨០ ម.ម ទទឹង ១ ៨៧០ ម.ម កំពស់ ១ ៨១០ ម.ម ប្រវែងគម្លាតកងមុខ-ក្រោយ ៣ ១២៤ ម.ម កំពស់ពីទៅបាតរថយន្ត ២១០ មម និងទំងន់ ២ ៣៥០ គីឡូក្រាម អាចផ្ទុកបាន ១ ០១០ គីឡូក្រាម ជាមួយសមត្ថិភាពអូសសណ្តោងបានដល់ ២ ៣៥០ គីឡូក្រាម ។

សម្រាប់រូបរាង និងការឌីស្សាញផ្នែកខាងក្រៅ មិនមានអ្វីខុសប្លែកពីម៉ូដែលប្រើម៉ាស៊ីនម៉ាស៊ូតនោះទេ ដោយផ្នែកខាងមុខមានប៉ាណាទំហំធំ អបសងខាងដោយចង្កៀងមុខប្រភេទ bi-LED ក៏ដូចជាសេនស័រជំនួយដល់ប្រព័ន្ធចេញ-ចូលចំណត កុងទ័របង្ហាញព័ត៌មានឌីជីថលទំហំ ៧អ៉ីញ និងអេក្រង់កំសាន្ត touchscreen ទំហំ ៩អ៉ីញជាដើម ៕

ផ្ទាំងផ្សាយពាណិជ្ជកម្ម

រថយន្ដអគ្គិសនី Dongfeng Nammi 06 បើកការបញ្ជាទិញទុកមុននៅចិន ក្នុងតម្លៃចាប់ពី១មុឺនដុល្លារ

April 30, 2025

រថយន្តអគ្គិសនីប្រភេទ Crossover ខ្នាតតូចម៉ូដែល Nammi 06 របស់ក្រុមហ៊ុន Dongfeng បានចាប់ផ្តើមទទួលការបញ្ជាទិញកក់ទុកមុននៅក្នុងប្រទេសចិន ក្នុងតម្លៃចាប់ពី ៨៩ ៩០០ យន់ ស្មើនឹង ១២ ៣២០ ដុល្លារអាមេរិក។

រថយន្ដនេះដំណើរការដោយម៉ូទ័រអគ្គិសនីចំនួន១ អាចកម្លាំង ១៨១សេះ ភ្ជាប់មកជាមួយអាគុយ Mélangeur LFP ទំហំ ៥១,៨៧ គីឡូវ៉ាត់ម៉ោង អាចបើកបរបានចម្ងាយរហូតដល់ ៤៧១ គីឡូម៉ែត្រ គិតតាមស្ដង់ដារវាស់ចម្ងាយ CLTC ។ រថយន្ដអគ្គិសនី Nammi 06 នឹងក្លាយជាគូប្រជែងជាមួយរថយន្ត BYD Yuan Up (Atto 2) នៅក្នុងទីផ្សារក្នុងប្រទេសចិន។

ក្រុមហ៊ុន Nammi ដែលជាម៉ាកយីស្ថិតក្រោម បុត្រសម្ព័ន្ធជាមួយរបស់ក្រុមហ៊ុន Dongfeng បានផ្ដោតលើការផលិតរថយន្តអគ្គិសនីខ្នាតតូច។ រថយន្ត Nammi 06 ជាប្រភេទ Crossover ផលិតមកសម្រាប់តម្រូវការប្រើប្រាស់ក្នុងទីក្រុង។ រថយន្ដនេះមានប្រវែងតួខ្លួនសរុប ៤ ៣០៦មម ទទឹង ១ ៨៦៨មម កំពស់ ១៦៤៥មម និងមានគម្លាតកង់មុខក្រោយ ២ ៧១៥មម។

ការរចនាផ្នែកខាងមុខរថយន្ដ Nammi 06 បានបំពាក់មកជាមួយចង្កៀង LED ចំនួន២គ្រាប់ រចនាបែបបញ្ឍរ បន្ថែមមកជាមួយ Logo Dongfeng នៅចំកណ្ដាលនិងដៃទ្វារលឹបទៅក្នុងតួរថយន្ត។ ផ្នែកខាងក្រោយនៃរថយន្ត បំពាក់មកជាមួយចង្កៀងក្រោយ LED បញ្ឈរ លេងបន្ថែមជាមួយបន្ទាត់អូសកាត់ពីផ្នែកម្ខាងទៅផ្នែកម្ខាង។

សម្រាប់ការរចនានៅផ្នែកខាងក្នុងមានភាពសាមញ្ញបំផុត (minimalist) ភ្ជាប់ជាមួយនឹងអេក្រង់កម្សាន្ដទំហំ ១២,៨ អុីញ និងអេក្រង់កុងទ័រទំហំ ៨,៨ អុីញ។ លក្ខណៈពិសេសនៅផ្នែកខាងក្នុងគឺមានកន្លែងដាក់កែវដែរអាចបិទបាន (hidden cupholders), មុខងារសាកទូរស័ព្ទឥតខ្សែរកម្លាំងទំហំ ៥០ វ៉ាត់ ដំបូលបែប Panoramic, ភ្លើង ambient light ចំនួន ១២៨ពណ៌, និងទ្វារខាងក្រោយបំបែកជាពីរផ្នែក (split tailgate) អាចផ្ទុកទម្ងន់បាន ១៥០ គីឡូក្រាមនិងកៅអីខាងមុខមាននមុខងារកម្ដៅ មុខងារបញ្ចេញខ្យល់ និងមុខងារម៉ាស្សានិងអាចបត់រាបស្មើដូចគ្រែ។

Dongfeng's electric crossover Nammi 06 started presales in China រថយន្ត Nammi 06 នឹងចាប់ផ្តើមលក់ជាផ្លូវការនៅក្នុងត្រីមាសទីពីរនៃឆ្នាំ ២០២៥ នៅក្នុងប្រទេសចិន។ រថយន្តនេះមានឱកាសខ្ពស់ក្នុងការប្រកួតប្រជែងជាមួយរថយន្តអគ្គិសនីខ្នាតតូចប្រេនដ៏ទៃទៀត ដោយសារវាមានតម្លៃសមរម្យនិងលក្ខណៈសម្បត្តិពិសេសគួរសម៕