រថយន្ដភីកអាប់ PHEV របស់ Geely បង្ហាញខ្លួនផ្លូវការក្នុងពិព័រណ៍រថយន្តសៀងហៃឆ្នាំ២០២៥

April 25, 2025

Geely Radar ជារថយន្តភីកអាប់ Plug-in Hybrid (PHEV) ប្រើប្រាស់ថាមពលអគ្គិសនីលាយសាំង។ រថយន្ដះត្រូវបានបង្ហាញខ្លួនជាលើកដំបូងក្នុងពិព័រណ៍រថយន្តក្រុងសៀងហៃឆ្នាំ ២០២៥ ហើយជារថយន្តភីកអាប់ដំបូងគេបង្អស់របស់ពិភពលោកដែលបំពាក់ដោយប្រព័ន្ធកូនកាត់ Thor EM និងប្រអប់លេខ Hybrid ៣វគ្គ (3DHT)។

រថយន្ដនេះដំណើរការដោយម៉ាស៊ីនចំណុះ ១.៥ រួមជាមួយនឹងប្រអប់លេខ Hybrid ៣ វគ្គ អាចជាន់ស្ទុះពីកុងទ័រ ០ ទៅ ១០០ គីឡូម៉ែត្រក្នុងមួយម៉ោងក្នុងចាយពេលត្រឹមតែ ៦.៥ វិនាទី។ បន្ដែមពីរថយន្ដនេះក៏ភ្ជាប់មកជាមួយម៉ូទ័រអគ្គិសនីចំនួន២ (dual-motor redundancy) ដើម្បីកាត់បន្ថយការប្រើប្រាស់ប្រេងឥន្ធនៈ ២១% បើប្រៀបធៀបទៅនឹងរថយន្តភីកអាប់ប្រើសាំងធម្មតា អ្វីកាន់តែពិសេស វាអាចអនុញ្ញាតឲ្យរថយន្ថបន្តដំណើរការបាន ក្នុងករណីម៉ូទ័រណាមួយមានបញ្ហា។ ។ Geely Radar មានសមត្ថភាពផ្ទុកទម្ងន់ ១,០៣០ គីឡូក្រាម និងGeely Radarសមត្ថភាពអូសសណ្តោង ៣,០០០ គីឡូក្រាម។

រថយន្តភីកអាប់មួយនេះ ត្រូវបានបង្កើតឡើងផ្អែកលើគ្រោងឆ្អឺង M.A.P. ហើយបានបំពាក់មកជាមួយប្រព័ន្ធ Hybrid (Thor EM) របស់ក្រុមហ៊ុន Geely មានទាំងជម្រើសប្រើបាស់អគ្គិសនីសុទ្ធ និងអគ្គិសនីលាយសាំង (plug-in hybrid)។ បន្ទាប់ពីការធ្វើតេស្តជាច្រើនដំណាក់កាល រថយន្ដបានឆ្លងផុតការធ្វើតេស្ដកម្រិត S របស់ប្រទេសចិន ដែលរួមបញ្ចូលការធ្វើតេស្តលើកៅអី (bench tests) ប្រព័ន្ធថាមពល (powertrain) និងប្រព័ន្ធសុវត្ថិភាពជាច្រើនទៀត។

រថយន្ដ Geely Radar ក៏មានបំពាក់មកបច្ចេកវិទ្យាទំនើប ដែលអាចបត់បែនបានសម្រាប់ប្រើប្រាស់ក្នុងវិស័យសន្តិសុខសាធារណៈ នេះឆ្លុះបញ្ចាំងពីការផ្តោតលើការពង្រីកវិសាលភាពនៃការអភិវឌ្ឍសម្រាប់រថយន្តភីកអាប់អគ្គិសនី មានសមត្ថភាពលើសពីតួនាទីដឹកជញ្ជូនទូទៅ៕

ផ្ទាំងផ្សាយពាណិជ្ជកម្ម

គូប្រជែង Tesla Model S មកពីត្រកូល Toyota bZ បង្ហាញខ្លួនជាផ្លូវការ

April 24, 2025

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញជាផ្លូវការនៅរថយន្តអគ្គិសនីដ៏ទំនើបបំផុតរបស់ខ្លួនគឺម៉ូដែល bZ7 នៅឯពិព័រណ៍រថយន្ត Shanghai Auto Show ឆ្នាំ២០២៥ គ្រោងនឹងចេញលក់នៅប្រទេសចិនឆ្នាំ ២០២៦ ជាមួយគោលបំណងដណ្តើមយកទីផ្សាររថយន្តអគ្គិសនីនៅប្រទេសមួយនេះ ។

រថយន្តប្រភេទ sedan នេះ ត្រូវបានផលិតឡើងដោយក្រុមហ៊ុន Toyota ជាមួយ GAC ជាមួយរូបរាងបែបស្ព័រ ផ្តោតសំខាន់លើប្រព័ន្ធលំហូរខ្យល់ aerodynamic ហើយការឌីស្សាញស្រដៀងគ្នាទៅនឹងម៉ូដែលក្នុងត្រកូល bZ ជាមួយប៉ាណាបិទជិត ចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាង ព្រមទាំងប្រព័ន្ធចាប់សញ្ញា LiDar នៅដំបូលខាងមុខផងដែរ ។

ចំពោះនៅផ្នែកខាងក្នុង ត្រូវបានឌីស្សាញបែប Minimalistic មានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ទំហំធំ រួមបញ្ចូលនៅបច្ចេកវិទ្យា HarmonyOS4 របស់ Huawei សម្រាប់បញ្ជាមុខងារទូទៅនៅលើរថយន្ត ក៏ដូចជាកន្លែងសាកថ្មឥតប្រើកខ្សែ ភ្លើងលម្អ abient lighting និងដំបូលកញ្ចក់ panoramic sunroof ជាដើម ។

ទាក់ទងនៅនឹងផ្នែកថាមពលវិញ ក្រុមហ៊ុន Toyota មិនទាន់បង្ហាញព័ត៌មានលម្អិតនៅឡើយទេ ៕

ផ្ទាំងផ្សាយពាណិជ្ជកម្ម

រថយន្ដអាចបើកបរបានដោយខ្លួនឯងរបស់ GAC បង្ហាញវត្តមាននៅពិព័រណ៍រថយន្តសៀងហៃ

April 24, 2025

ក្រុមហ៊ុន GAC Aion បានសហការជាមួយក្រុមហ៊ុន DiDi Autonomous Driving បានធ្វើការដាក់បង្ហាញនូវរថយន្ត មានសមត្ថភាពអាចបើកបរដោយខ្លួនឯងកម្រិត L4 របស់ខ្លួននៅក្នុងពិព័រណ៍រថយន្តសៀងហៃឆ្នាំ ២០២៥។ រថយន្ដនេះបំពាក់មកជាមួយ សេនស័រ LiDAR ចំនួន ១០គ្រាប់និងប្រព័ន្ធសុវត្ថិភាពកម្រិតខ្ពស់។

រថយន្ដនេះត្រូវបានផលិតឡើងផ្អែកលើគ្រោងឆ្អឹងរបស់រថយន្ដ GAC Aion Y “Tyrannosaurus” ។ ម៉ូឌែលថ្មីនេះតំណាងឲ្យការរីកចម្រើនគួរកត់សម្គាល់យ៉ាងឆាប់រហ័សរបស់ក្រុមហ៊ុន GAC លើបច្ចេកវិទ្យាផលិតរថយន្ដអាចបើកបរដោយខ្លួនឯងបាន។ ចំពោះសេនស័រ LiDAR ចំនួន ១០គ្រាប់នោះដើរតួនាទីផ្សេងគ្នា ខណៈ LiDAR ចំនួន៤ ប្រើសម្រាប់ចាប់វត្ថុបានចម្ងាយរហូតដល់ ២០០ម៉ែត្រ ខណៈ LiDAR ចំនួន ៦ទៀត ផ្តល់ការគ្របដណ្តប់ការត្រួតពិនិត្យ ៣៦០ដឺក្រេ ជុំវិញរថយន្ដ។

រថយន្តនេះបានបំពាក់នូវប្រព័ន្ធសុវត្តិភាពជាច្រើនទៀតរួមមាន សេនស័រ ប្រព័ន្ធហ្វ្រាំងសុវត្តិភាព និងគ្រប់គ្រងប្រព័ន្ធថាមពលឆ្លាតវៃ ដើម្បីធានាថារថយន្តអាចបន្តដំណើរការដោយសុវត្ថិភាព ប្រសិនបើប្រព័ន្ធណាមួយបរាជ័យ។

រថយន្ត GAC Aion ក៏បំពាក់នូវប្រព័ន្ធសុវត្ថិភាព redundancy ចំនួន ៣រួមមាន៖ algorithm redundancy, software redundancy, និង hardware redundancy ។ ចំពោះមុខងារបើកបរដោយខ្លួនឯងកម្រិត L4 ដោយផ្តល់នូវ redundancies ជាច្រើនសម្រាប់ប្រព័ន្ធហ្វ្រាំង ចង្កូត ការទំនាក់ទំនង ផ្ដល់ព័ត៌មានជាពិសេស។

យោងតាមក្រុមហ៊ុន DiDi Autonomous Driving រថយន្តថ្មីនេះផ្តល់ជូន នូវទំហំផ្ទុកឥវ៉ាន់ដែលអាចប្រើប្រាស់បានច្រើន ដើម្បីសម្រួលដាក់តម្រូវការប្រើប្រាស់ប្រចាំថ្ងៃ។ រថយន្តនេះត្រូវបានគ្រោងធ្វើការការផលិតនៅចុងឆ្នាំ ២០២៥ ចំពោះប្រព័ន្ធប្រតិបត្តិការសាកល្បងដែលគ្រោងនឹងចាប់ផ្តើម តេស្ដសាកល្បងបន្តិចម្តងៗនៅក្នុងតំបន់មួយចំនួននៃទីក្រុង Guangzhou និង Beijing ក្នុងឆ្នាំ ២០២៦។

ផ្ទាំងផ្សាយពាណិជ្ជកម្ម

ឡានអគ្គីសនីសុទ្ធ Lexus ES EV សាកថ្មម្តងជិះបាន ៦១០ គីឡូម៉ែត្រ បង្ហាញខ្លួនជាផ្លូវការ

April 24, 2025

[បរទេស] ក្រុមហ៊ុនផលិតរថយន្ត Lexus បានធ្វើការដាក់បង្ហាញចេញជាផ្លូវការ (Global Debut) នៅរថយន្ត All-new Lexus ES ប្រភេទ sedan ប្រើអគ្គីសនីសុទ្ធ នៅឯពិព័រណ៍រថយន្ត Shanghai Auto Show 2025 ដែលកំពុងធ្វើឡើងនៅប្រទេសចិន ។

All-new Lexus ES ផលិតឡើងនៅលើគ្រោងឆ្អឹង GA-K platform ដំណើរការដោយម៉ូទ័រអគ្គិសនីចំនួន ២ អាចផលិតកម្លាំងបាន ៣៣៨ សេះ ប្រភេទប៉ុង ២ Direct4 AWD ផ្គួបជាមួយអាគុយ ដែលអាចចម្ងាយនៃការបើកបរបាន ៦១០ គីឡូម៉ែត្រនៅពេលសាកថ្មពេញម្តង ។ លើសពីនេះ ក៏មានជម្រើសកូនកាត់ Hybrid ផងដែរ ។

សម្រាប់រូបរាង និងការឌីស្សាញផ្នែកខាងក្រៅ ទទួលបានឌីស្សាញថ្មី យកលំនាំតាមរថយន្ត Lexus LF-ZC ដោយផ្នែកខាងមុខរន្ធលំហូខ្យល់ធំ Spindle grills ចង្កៀងមុខប្រភេទ LED រក្សានៅ DNA របស់ Lexus ប៉ុន្តែឌីស្សាញ ២ជាន់ ប្រើប្រាស់នៅថាសកង់ស្ព័រទំហំ ២០អ៉ីញ និងចង្កៀងក្រោយ LED អូសកាត់ពីផ្នែកម្ខាង ទៅផ្នែកម្ខាង ។

ចំពោះនៅផ្នែកខាងក្នុង មានកុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១៤ អ៉ីញ ខណៈឡូហ្គោនៅលើដៃចង្កូតត្រូវបានជំនួសជាអក្សរ LEXUS វិញ ក៏ដូចជាកន្លែងសាកថ្មឥតប្រើខ្សែ ឧបករណ៍បំពងសំលេងម៉ាក Mark-Levinson និងប្រព័ន្ធជំនួយការអ្នកបើកបរ Lexus Safety System+ ទៀតផង ។

គួរបញ្ជាក់ផងដែរថា សម្រាប់ All-new Lexus ES ប្រភេទ sedan នេះ គ្រោងនឹងធ្វើការចេញលក់ជាផ្លូវការនៅចុងឆ្នាំ ២០២៥ ឬដើមឆ្នាំ ២០២៦ ៕

ផ្ទាំងផ្សាយពាណិជ្ជកម្ម

BYD Seal 06 DM-i wagon បង្ហាញជាផ្លូវការក្នុងពិព័រណ៍រថយន្តសៀងហៃឆ្នាំ ២០២៥

April 24, 2025

នៅក្នុងពិព័រណ៍រថយន្តសៀងហៃឆ្នាំ ២០២៥ ក្រុមហ៊ុន BYD បានដាក់បង្ហាញរថយន្ត Seal 06 DM-i wagon ជារថយន្ត ប្រភេទ Plug-in Hybrid ប្រភេទ Estate ថ្មី ក្រោយពួកគេទទួលបានជោគជ័យនៃរថយន្ត Seal 06 DM-i sedan ដែលបច្ចុប្បន្នជារថយន្តលក់ដាច់បំផុតនៅក្នុងប្រទេសចិនជាមួយនឹងការលក់ជាង ២២០ ០០០ គ្រឿងចាប់តាំងពីការបង្ហាញខ្លួនដំបូងរបស់ខ្លួននៅក្នុងខែឧសភា ឆ្នាំ ២០២៤។

រថយន្ត Seal 06 DM-i wagon រក្សាបាននូវរចនាបថ “Ocean” របស់ត្រកូល ខណៈពេលដែលបង្កើនភាពបត់បែនជាមួយនឹងផ្នែកខាងក្រោយវែងជាងមុនដើម្បីបង្កើនទំហំផ្ទុកឥវ៉ាន់។ រថយន្ដនេះមានប្រវែងតួខ្លួនសរុប ៤ ៨៥០មម ទទឹង ១ ៨៩០មម នកម្ពស់ ១ ៥០៥មម និងប្រវែងគម្លាតកង់មុខក្រោយ ២ ៧៩០មម។

រថយន្ដនេះដំណើរការដោយម៉ាស៊ីន BYD472QC ចំណុះ ១.៥ ផលិតកម្លាំងបាន ៩៩សេះ នៅពេលដំណើររួមគ្នាជាមួយម៉ូទ័រអគ្គិសនី Permanent Magnet Synchronous អាចផលិតកម្លាំងបាន ១៦១សេះ ឬ ២១៤សេះ។ BYD Seal 06 DM-i wagon បំពាក់មកជាមួយប្រភេទអាគុយ Lithium-iron-phosphate។

រថយន្ដនេះមាន២ជម្រើសផ្ដល់ភាពងាយស្រួលក្នុងការប្រើប្រាស់ប្រចាំថ្ងៃ ក្នុងនោះជម្រើសទី១ ប្រើអគ្គិសនីសុទ្ធអាចបើកបាន ៥៣ គីឡូម៉ែត្រ គិតតាមស្តង់ដារវាស់ចម្ងាយ CLTC) ខណៈជម្រើសទី២ មានថាមពលខ្លាំងជាងអាចបើបានចម្ងាយ ៨៣គីឡូម៉ែត្រ ពេលប្រើអគ្គិសនីសុទ្ធ។ រថយន្ដទាំង២ម៉ូឌែលនេះ សុទ្ធតែដំណើរការដោយប្រព័ន្ធ Plug-in Hybrid DM-i ជំនាន់ទី ៥ របស់ BYD។

រថយន្តប្រភេទ Wagon របស់ក្រុមហ៊ុន BYD នេះគ្រោងនឹងចេញលក់នៅក្នុងត្រីមាសទី ២ ឆ្នាំ ២០២៥ ជាមួយនឹងតម្លៃចន្លោះពី ១២០ ០០០ ទៅ ១៥០ ០០០ យ័ន (ប្រហែលពី ១៦ ៤០០ ទៅ ២០ ៥០០ ដុល្លារអាមេរិក)៕

ផ្ទាំងផ្សាយពាណិជ្ជកម្ម

MG បង្ហាញឡាន Cyber X របស់ខ្លួន មានចង្កៀងមុខប្រភេទ Pop-Up Headlights

April 24, 2025

ក្រុមហ៊ុន MG បានបង្ហាញចេញនូវរថយន្ត MG Cyber X ដែលជារថយន្តប្រភេទ SUV ប្រើថាមពលអគ្គិសនីសុទ្ធរបស់ខ្លួន នៅក្នុងកម្មវិធី Shanghai Auto Show ក្នុងប្រទេសចិន។ នេះគឺជារថយន្តម៉ូឌែលទី ២ នៅក្នុងត្រកូល Cyber បន្ទាប់ពី MG Cyberster ដែលបានប្រកាសចេញនៅក្នុងខែវិច្ឆិកា ឆ្នាំ ២០២៣។

Cyber X មានការរចនារូបរាងផ្នែកខាងក្រៅពណ៌ខ្មៅបែបជ្រុងៗ លាយឡំជាមួយនឹងរូបរាងបែបស្ព័រ និងអនាគត រួមជាមួយចង្កៀងមុខដែលលេចចេញឡើងនៅពេលកំពុងប្រើប្រាស់ ហើយដកចូលតួខ្លួនវិញពេលបិទ ហៅថា Pop-Up Headlights ។

រថយន្តនេះ ត្រូវបានបង្កើតឡើងដោយអ្នករចនារថយន្តជើងចាស់ជនជាតិស្លូវ៉ាគីលោក Jozef Kabaň ដែលពីមុនគាត់បានធ្វើការនៅក្នុងក្រុមហ៊ុន Volkswagen, BMW និង Rolls-Royce មុនពេលចូលរួមជាមួយ SAIC ក្នុងខែមេសា ឆ្នាំ ២០២៤ ជាកន្លែងដែលគាត់ទទួលខុសត្រូវលើការរចនាម៉ាកយីហោ MG ។

ចំពោះការរចនាកាប៊ីនផ្នែកខាងក្នុងវិញ គឺត្រូវបានដំណើរការដោយប្រព័ន្ធប្រតិបត្តិការដែលបង្កើតឡើងដោយក្រុមហ៊ុនផលិតស្មាតហ្វូន Oppo ។ ខណៈព័ត៌មានលម្អិតអំពីតម្លៃ ក៏ដូចជាផ្នែកផ្សេងៗទៀតរបស់ Cyber X គឺមិនទាន់ត្រូវបានបង្ហាញចេញនៅឡើយនោះទេ ប៉ុន្តែត្រូវបានគេរំពឹងថានឹងចេញលក់នៅឆ្នាំក្រោយ។

គួរឲដឹងថា កៅពី Cyber X ក្រុមហ៊ុន MG ក៏គ្រោងនឹងបញ្ចេញរថយន្តអគ្គិសនីថ្មីចំនួន ៨ ម៉ូឌែល របស់ខ្លួនក្នុងរយៈពេល ២ ឆ្នាំខាងមុខផងដែរ រួមមានរថយន្ត SUV ខ្នាតធំ រថយន្ត Sedan និងរថយន្តស្ព័រ។ ខណៈនៅឆ្នាំ ២០២៥ នេះ ក្រុមហ៊ុន MG បានបញ្ជាក់ថា ពួកគេនឹងចេញលក់រថយន្តចំនួន ២ ម៉ូឌែលបន្ថែមទៀតក្រៅពី Cyber X គឺរថយន្ត SUV ប្រភេទ ៥ កៅអី និងរថយន្ត sedan អគ្គិសនីខ្នាតតូច៕

ផ្ទាំងផ្សាយពាណិជ្ជកម្ម

ក្តៅៗ! ឡានអគ្គីសនី Mazda EZ-60 បង្ហាញខ្លួនជាផ្លូវការ និងត្រៀមចេញលក់ក្នុងឆ្នាំនេះ

April 24, 2025

[បរទេស] ក្រុមហ៊ុនផលិតរថយន្ត Mazda បានធ្វើការដាក់បង្ហាញជាផ្លូវការនៅរថយន្តម៉ូដែលថ្មី Mazda EZ-60 ប្រភេទ Crossover នៅឯពិព័រណ៍រថយន្ត Shanghai Auto 2025 ដែលកំពុងធ្វើឡើងនៅប្រទេសចិន គ្រោងនឹងចេញលក់នៅក្នុងឆ្នាំ ២០២៥ ខណៈតម្លៃមិនទាន់បង្ហាញទេ ៕

Mazda EZ-60 ត្រូវបានផលិតឡើងរួមគ្នារវាងក្រុមហ៊ុន Mazda និង Changan នៅប្រទេសចិន ដោយប្រើប្រាស់នៅគ្រោងឆ្អឹង EPA platform របស់ក្រុមហ៊ុន Changan ដូចគ្នាទៅនឹងម៉ូដែល Deepal L07. Deepal S07 រួមទាំង Mazda EZ-6 ផ្តល់នៅជម្រើសថាមពលចំនួន ២

ដំណើរការដោយម៉ូទ័រអគ្គិសនីចំនួន ២ ផ្គួបជាមួយអាគុយ ដែលអាចបើកបរបានចម្ងាយ ៦០០ គីឡូម៉ែត្រ នៅពេលសាកថ្មពេញម្តង សម្រាប់ម៉ូដែល EV
ដំណើរការដោយម៉ាស៊ីនសាំងចំណុះ ១,៥ លីត្រ ម៉ូទ័រអគ្គិសនីចំនួន ១ មានកម្លាំងសរុប ៣០០ សេះ ផ្គួបជាមួយអាគុយទំហំ ៣១,៧ គីឡូវ៉ាត់ម៉ោង ដែលអាចបើកបរបានចម្ងាយ ១៦១ គីឡូម៉ែត្រដោយប្រើថាមពលអគ្គិសនីសុទ្ធ និងអាចបើកបរបានចម្ងាយ ១ ៣០០ គីឡូម៉ែត្រនៅពេលប្រើអគ្គិសនី និងសាំងជាមួយគ្នា ។

រថយន្តនេះមានប្រវែងតួខ្លួនសរុប ៤ ៨៥០ ម.ម ទទឹង ១ ៩៣៥ ម.ម កំពស់ ១ ៦២០ ម.ម និងប្រវែងគម្លាតកង់មុខ-ក្រោយ ២ ៩០២ ម.ម ។ សម្រាប់ការផ្នែកខាងក្រៅ ត្រូវបានឌីស្សាញសំខាន់លើប្រព័ន្ធលំហូរខ្យល់ Aerodynamic ផ្តល់នៅភាពស្ព័រខ្លាំង ដោយផ្នែកខាងមុខមានចង្កៀងមុខ LED លេងការឌីស្សាញរាងស្លីមអូសកាត់ក្រោមប៉ាណា មានឡូហ្គោ Mazda ថ្មីនៅចំកណ្តាល កញ្ចក់ចំហៀងប្រើជាប្រភេទកាមេរ៉ាឌីជីថល ក៏ដូចដៃទ្វារប្រភេទ flush-door ព្រមទាំងថាសកង់ស្ព័រទំហំ ២១អ៉ីញ និងចង្កៀងក្រោយឌីស្សាញរាងស្លីមប្រភេទ LED ផងដែរ ។

ចំពោះនៅផ្នែកខាងក្នុង បានឌីស្សាញបែប Minimalistic មានអេក្រង់កំសាន្ត touchscreen ទំហំដល់ទៅ ២៦,៤៥ អ៉ីញ កម្រិត 5K សម្រាប់បញ្ជាមុខងារទូទៅនៅរថយន្ត និងកុងទ័របង្ហាញលើកញ្ចក់ HUD កម្រិត 3D ឧបករណ៍បំពងសំលេង ២៣ ចំណុច កន្លែងសាកថ្មឥតប្រើខ្សែ រួមទាំងមុខងារសំខាន់ៗជាច្រើនទៀតផងដែរ ៕

ផ្ទាំងផ្សាយពាណិជ្ជកម្ម

AUDI E5 Sportback បង្ហាញខ្លួនផ្លូវការនៅក្នុងពិព័រណ៍រថយន្តសៀងហៃឆ្នាំ ២០២៥

April 23, 2025

រថយន្ត AUDI E5 Sportback ជាផ្លែផ្កាដំបូងនៃភាពជាដៃគូសហការរវាងក្រុមហ៊ុន Audi និង SAIC ដែលផលិតឡើងសម្រាប់ទីផ្សារប្រទេសចិន។

ក្រុមហ៊ុន Audi បានដាក់បង្ហាញជាផ្លូវការនូវម៉ូដែលផលិតដំបូងបំផុតរបស់ខ្លួន AUDI ថ្មីរបស់ខ្លួន គឺរថយន្ត E5 Sportback ។ ម៉ាកយីហោ AUDI ថ្មីសរសេរជាអក្សរធំ ដោយគ្មានកងរង្វង់ជានិមិត្តរូប វានិមិត្តសញា្ញតំណាងឲ្យការបោះជំហានថ្មីមួយ ដែលមានភាពខុសគ្នាម៉ាកយីហោ Audi បែបប្រពៃណីដែលរក្សាបាននូវ DNA របស់ក្រុមហ៊ុនមួយនេះ។ AUDI ជាម៉ាកយីហោផ្តាច់មុខសម្រាប់ប្រទេសចិននេះ ដែលបានរួមបញ្ចូលគ្នានូវជាមួយវិស្វកម្មរបស់ក្រុមងហ៊ុន Audi ជាមួយនឹងនវានុវត្តន៍ដែលត្រូវបានរៀបចំឡើងយ៉ាងជាក់លាក់សម្រាប់អ្នកប្រើប្រាស់ជនជាតិចិន។

លោក Gernot Döllner ប្រធានក្រុមប្រឹក្សាភិបាលគ្រប់គ្រងនៃក្រុមហ៊ុន AUDI AG បាននិយាយថា៖«ជាមួយនឹងម៉ាកយីហោ AUDI ថ្មីរបស់យើងសម្រាប់តែប្រទេសចិន» ។ លោកបានបន្ថែមថា៖«រថយន្ត E5 Sportback ផ្តល់ជូននូវគុណភាពល្អបំផុតរបស់ Audi ដែលត្រូវបានស្រមៃឡើងវិញ និងរៀបចំឡើងយ៉ាងពិសេសសម្រាប់អតិថិជននៅក្នុងប្រទេសចិន»។

រថយន្តនេះប្រវែងតួខ្លួនសរុប ៤ ៨៧០មម ទទឹង ១ ៩៩០មម កម្ពស់ ១ ៤៦០មម និងគម្លាតកង់មុខក្រោយប្រវែង ២ ៩៥០មម។ ការរចនាបែបទំនើប ស្ព័រ របស់វាមានលក្ខណៈពិសេសគឺរូបរាង fastback លេចធ្លោជាមួយនឹងសមាមាត្រដែលមើលទៅមានថាមពល។

សមត្ថភាពរបស់រថយន្ដ AUDI E5 Sportback

អាចផលិតកម្លាំងបាន ៧៧៦ កម្លាំងសេះ
បើកបរបានចម្ងាយ ៧៧០ គីឡូម៉ែត្រ គិតតាមស្តង់ដារវាស់ចម្ងាយ CLTC
ជាន់ស្ទុះពីកុងទ័រ ០-១០០ គីឡូម៉ែត្រក្នុងមួយម៉ោង ប្រើពេលត្រឹមតែ ៣.៤ វិនាទី
ដំណើរការដោយម៉ូត័រអគ្គិសនីចំនួន ៤
គាំទ្រការសាកថ្មល្បឿន ៨០០ វ៉ុល សាកថ្ម១០ នាទី អាចបើកាបាន ៣៧០ គីឡូម៉ែត្រ
បំពាក់មកជាមួយអាគុយទំហំ ១០០ kWh

ផ្ទាំងផ្សាយពាណិជ្ជកម្ម

Dongfeng Warrior M817 ប្រភេទ SUV off-road បង្ហាញខ្លួនជាផ្លូវការ

April 23, 2025

[បរទេស] ក្រុមហ៊ុនផលិតរថយន្ត Dongfeng បានធ្វើការដាក់បង្ហាញចេញជាផ្លូវការនៅ Dongfeng Warrior M817 ផ្តោតលើផ្លូវលំបាកៗ ឬ Off-Road នៅឯព្រឹត្តិការណ៍ពិព័រណ៍រថយន្ត Shanghai Auto Show ឆ្នាំ២០២៥ នៅទីផ្សារប្រទេសចិន ។

Dongfeng Warrior M817 ផលិតឡើងនៅលើគ្រោងឆ្អឹងដែលអភិវឌ្ឍឡើងដោយក្រុមហ៊ុន Huawei ព្រមទាំងរួមបញ្ចូលគ្នានៅវិស្វកម្មកម្រិតយោធាជាមួយនឹងបច្ចេកវិទ្យាឆ្លាតវៃ និហជារថយន្តអគ្គិសនីដ៏ប្រណិត Off-road ដំបូងគេបង្អស់ដែលបំពាក់ដោយប្រព័ន្ធបើកបរឆ្លាតវៃ Qiankun ADS 4.0 របស់ក្រុមហ៊ុន Huawei ផងដែរ ។

សម្រាប់ការរចនានៅផ្នែកខាងក្រៅ មានលក្ខណៈរថយន្តប្រើប្រាស់ក្នុងជួរកងទ័ព ដែលការឌីស្សាញឲ្យឈ្មោះថា Heroic Soul 2.0 ដែលសង្កត់ធ្ងន់ទៅភាពរឹងមាំ ហាប់ណែន និងអំណាច ដែលនៅផ្នែកខាងមុខមានគម្របម៉ាស៊ីនទំហំធំ ប៉ាណារាងជាសំណាញ់ ចង្កៀងមុខ-ក្រោយប្រភេទ LED កាងការពារទំហំធំ ប្រើប្រាស់នៅថាសកង់ថាសកង់ទំហំ ២០ អ៉ីញ ស្រោបដោយសំបងកង់ប្រភេទ Off-Road និងកាងដែក roof-rial លើដំបូលជាដើម ។

ទាក់ទងនៅនឹងផ្នែកថាមពលម៉ាស៊ីន រថយន្តនេះ ជាប្រភេទអគ្គិសនី លាយសាំង EREV ដំណើរការដោយម៉ាស៊ីនសាំងចំណុះ ១,៥ លីត្រ អបដោយម៉ូទ័រអគ្គិសនីចំនួន ៣ ៕

ផ្ទាំងផ្សាយពាណិជ្ជកម្ម

Toyota bZ3C ប្ដូរឈ្មោះថ្មី បើកបញ្ជាការទិញកក់មុននៅចិនជាមួយតម្លៃ១មុឺនដុល្លារជាង

April 23, 2025

រថយន្តអគ្គិសនី Toyota bZ5 ដែលពីមុនត្រូវបានគេស្គាល់ថា bZ3C ឥឡូវនេះត្រូវបានបើកបញ្ជាការទិញកក់ទុកមុនបាននៅក្នុងប្រទេសចិន មុនពេលការដាក់បង្ហាញខ្លួនក្នុងព្រឹត្តិការណ៍ពិព័រណ៍រថយន្តសៀងហៃឆ្នាំ ២០២៥ (Shanghai Auto Show 2025) ហើយត្រូវបានគេរំពឹងថានឹងដាក់លក់ជាផ្លូវការនៅក្នុងខែមិថុនាខាងមុខនេះ។

រថយន្តប្រភេទ SUV អគ្គិសនីសុទ្ធ ម៉ូឌែលនេះត្រូវបានអភិវឌ្ឍដោយមានការបណ្តាក់ទុនរួមគ្នារវាងក្រុមហ៊ុន GAC Toyota។ សម្រាប់ម៉ូឌែលនេះគឺជារថយន្តអគ្គិសនីសុទ្ធទី៣ ត្រកូល bZ របស់ Toyota សហការផលិតជាមួយក្រុមហ៊ុនចិន។ bZ5 ជារថយន្ត SUV ៥ កៅអី ឥឡូវនេះរថយន្ដនេះ បានបើកការបញ្ជាទិញកុកមុនជាផ្លូវការ ជាមួយតម្លៃចាប់ពី ១៧ ៧០០ ដល់ ២១ ៨០០ដុល្លារ។

ការរចនាផ្នែកខាងក្រៅ

ចង្កៀងមុខ LED រាងអក្សរ C ជាមួយនឹងអំពូល Daylight វែង
កាងខាងមុខបែបស្ព័រ ជាមួយនឹងរន្ធខ្យល់ពណ៌ខ្មៅ និងរចនាបថផ្នែកខាងក្រោមរលោង
ផ្នែកខាងចំហៀងមានរាងរថយន្ត Coupe SUV ជាមួយនឹងដំបូលទេរ
ផ្នែកខាងក្រោយមានតែផ្លាកសញ្ញាប្តូរទៅជា “bZ5” ប៉ុណ្ណោះ ជាមួយនឹងភ្លើងក្រោយវែងភ្ជាប់គ្នាទាំងសងខាង

ការរចនាផ្នែកខាងក្នុង

អេក្រង់កម្សាន្ដទំហំ ១៤.៦ អុីញ និងអេក្រង់កុងទ័រទំហំ ៨.៨ អុីញ
ប្រើប្រាស់ប្រព័ន្ធបើកបរបញា្ញឆ្លាតវៃកម្រិតខ្ពស់ Momenta 5.0
ដំណើរការដោយឈីប Qualcomm Snapdragon 8155 ជាមួយនឹង NVIDIA DRIVE AGX Orin X 254 TOPS
កុងសូលកណ្ដាលមានក្បាលលេខបង្វិល និងកន្លែងដាក់កែវចំនួនពីរ

ផ្ទាំងផ្សាយពាណិជ្ជកម្ម