[ទីផ្សារចិន] ក្រុមហ៊ុនផលិតរថយន្ត Honda និង GAC បានប្រកាសចេញលក់ជាផ្លូវការនូវរថយន្តអគ្គិសនីសុទ្ធ Honda P7 ប្រភេទ Crossover ជាមួយតម្លៃលក់ចាប់ពី ២៧ ២០០ ដុល្លារ ដល់ ៣៤ ០០០ ដុល្លារ សម្រាប់ទីផ្សារប្រទេសចិន។
រថយន្តនេះ មានប្រវែង ៤ ៧៥០ ម.ម ទទឹង ១ ៩៣០ ម.ម កម្ពស់ ១ ៦២៥ ម.ម និងប្រវែងគម្លាតកង់ ២ ៩៣០ ម.ម ដំណើរការដោយ៖
- ម៉ូទ័រអគ្គីសនីចំនួន ១ ប៉ុង ១ RWD ផលិតកម្លាំងបាន ២៦៨សេះ និងកម្លាំងរមួល ៤២០ញ៉ូតុនម៉ែត្រ ផ្គួបជាមួយអាគុយទំហំ ៨៩,៨ គីឡូវ៉ាត់ម៉ោង អាចបើករបានចម្ងាយ ៦៥០ គីឡូម៉ែត្រ នៅពេលសាកថ្មពេញម្តង ។
- ម៉ូទ័រអគ្គីសនីចំនួន ២ ប៉ុង ២ AWD ផលិតកម្លាំងបាន ៤៦៩សេះ និងកម្លាំងរមួល ៧៧០ញ៉ូតុនម៉ែត្រ ផ្គួបជាមួយអាគុយទំហំ ៨៩,៨ គីឡូវ៉ាត់ម៉ោង អាចបើករបានចម្ងាយ ៦៣០ គីឡូម៉ែត្រនៅពេលសាកថ្មពេញម្តង ជាន់ពី ០ ទៅ ១០០គ.ម/ម៉ោង ប្រើពេល ៤,៦វិនាទី។
បើនិយាយពីការឌីស្សាញផ្នែកខាងក្រៅ គឺមានភាពស្រដៀងគ្នាទៅនឹងម៉ូដែល Honda S7 ដោយបានបំពាក់នូវចង្កៀងមុខ-ក្រោយប្រភេទ LED អូសកាត់ពីផ្នែកម្ខាងទៅផ្នែកម្ខាង ប្រើកញ្ចក់ចំហៀងបែបកាមេរ៉ា ព្រមទាំងថាសកង់ស្ព័រទំហំ ១៩អ៉ីញ។
ចំពោះនៅផ្នែកខាងក្នុងត្រូវបានឌីស្សាញឡើងបែប Minimalistic ដោយមានអេក្រង់កំសាន្ត touchscreen ទំហំធំ ១២,៨ អ៉ីញ និង ១០,៥ អ៉ីញ សម្រាប់បញ្ជាមុខងារទូទៅដែលមានបំពាក់នៅលើរថយន្ត និងកុងទ័របង្ហាញព័ត៌មានឌីជីថលទំហំ ៩,៩ អ៉ីញ ក៏ដូចជាកន្លែងសាកថ្មឥតប្រើខ្សែ អេក្រង់ HUD ទំហំ ៤១,៩អ៊ីញ បាសម៉ាក Bose ចំនួន ១៦គ្រាប់ និងប្រព័ន្ធសុវត្ថិភាព Honda Sensing 360+ ជាដើម៕
ពន្ធគយលើវិស័យរថយន្តដែលត្រូវបានដាក់ដោយរដ្ឋបាលរបស់លោក ត្រាំ (Trump administration) អាចនឹងមានផលប៉ះពាល់យ៉ាងធ្ងន់ធ្ងរទៅលើការលក់ និងតម្លៃរថយន្ដ។ យោងតាមទីភ្នាក់ងារព័ត៌មាន Reuters ក្រុមហ៊ុន Goldman Sachs បានធ្វើការព្យាករណ៍អំពីការលក់រថយន្តប្រចាំឆ្នាំនៅសហរដ្ឋអាមេរិក ពី ១៦.២៥ លានគ្រឿង មកនៅត្រឹម ១៥.៤០ លានគ្រឿង សម្រាប់ឆ្នាំ ២០២៥។ បើគិតពីចំនួននៃការលក់អាចធ្លាក់ចុះចំនួន ៨៥០.០០០ គ្រឿង ហើយក្រុមហ៊ុននេះបានព្យាករណ៍ថា ស្ថានការណ៍អាចនឹងកាន់តែអាក្រក់ទៅទៀតនៅឆ្នាំ ២០២៦។
ចំពោះអត្រាពន្ធគយ ២៥% របស់រដ្ឋបាលលោក ត្រាំ លើការនាំចូលរថយន្ត ត្រូវបានគេដឹងយ៉ាងគ្រប់គ្នាថា វាមិនមែនជាកត្តាតែមួយគត់ដែលអាចបង្កឲ្យចំនូួននៃការលក់រថយន្ដធ្លាក់ចុះទេ ប៉ុន្តែពន្ធគយលើគ្រឿងបន្លាស់រថយន្តមួយចំនួន ក៏អាចនឹងចូលជាធរមាននៅខែឧសភាខាងមុខនេះ ក៏កត្ដាធំមួយរុញច្រានឲ្យការលក់រថយន្ដនៅអាមេរិកធ្លាក់ចុះដែរ។
ក្រៅពីការលក់នៅសហរដ្ឋអាមេរិក ក្រុមហ៊ុននេះក៏បានបន្ទាបការព្យាករណ៍សម្រាប់ការផលិតរថយន្តជាសកលសម្រាប់ឆ្នាំ ២០២៥ ពី ចំនូួន៩០.៤ លានគ្រឿង ថយមកនៅត្រឹម ៨៨.៧ លានគ្រឿងផងដែរ។ តាមការប៉ាន់ស្មានរបស់ពួកគេសម្រាប់ឆ្នាំ ២០២៦ ក៏បានធ្លាក់ចុះផងដែរ ពី ៩២.៦ លានគ្រឿង មកនៅត្រឹម ៩០.៧ លានគ្រឿង៕
រថយន្តថ្មីនេះ ដំណើរការដោយប្រព័ន្ធ (plug-in hybrid) ដែលមានឈ្មោះថា NordThor ជាបច្ចេកវិទ្យាជំនាន់ចុងក្រោយ អភិវឌ្ឍដោយក្រុមហ៊ុន Geely ផ្ទាល់ មានសមត្ថភាពអាចបើកបរដោយប្រើថាមពលអគ្គិសនីសុទ្ធបានចម្ងាយ ៦០គីឡូម៉ែត្រ និង ១៣០ គីឡូម៉ែត្រ គិតតាមស្តង់ដារវាស់ចម្ងាយ CLTC។ រថយន្ដនេះក៏បានបំពាក់ដោយប្រព័ន្ធជំនួយការបើកបរវៃឆ្លាត G-Pilot។
លក្ខណៈពិសេសរថយន្ដនេះគឺបំពាក់មកជាមួយដៃទ្វារាបស្មើ (Hidden Door Handles), ទ្វារគ្មានស៊ុមកញ្ចប់ (Frameless Windows), ចង្កៀងមុខរាងស្រឡូន (Slender Headlights), ចង្កៀងក្រោយរចនាអូសជាបន្ទាត់ភ្ជាប់មកជាមួយ Logo Geely នៅចំកណ្ដាល និងរូបរាងបែប Fastback និងប្រើកង់យ៉ាន់ទំហំ ១៩ អុីញ។
បន្ថែមពីនេះទៀត Galaxy Starshine 8 ក៏បំពាក់មកជាមួយ Lidar នៅលើដំបូលខាងមុខ និងកាមេរ៉ាចំនួន ១០គ្រាប់គាំទ្រដល់ប្រព័ន្ធបើកបរវៃឆ្លាត G-Pilot (ឈ្មោះជាភាសាចិន Qianli Haohan) ។
រថយន្ដ Geely Galaxy Starshine 8 ដំណើរការជាមួយប្រព័ន្ធ plug-in hybrid NordThor ជាមួយជម្រើស២ផ្សេងគ្នាក្នុងនោះមាន EM-i និង EM-P។
នៅផ្នែកខាងក្នុងបានបំពាក់ចង្កូតបែបស្ព័រ មានអេក្រង់កម្សាន្ដទំហំ ១៥.៤ អុីញ។ ចំពោះប្រព័ន្ធប្រតិបត្តិការនៅផ្នែកខាងក្នុងដំណើរការប្រព័ន្ធ Flyme Auto ដែលអាចប្រើប្រាស់ការបញ្ជាដោយសំឡេងតាមរយៈប្រព័ន្ធបញ្ញាសិប្បនិម្មិត AI។ បន្ថែមពីនេះ Geely Galaxy Starshine 8 បំពាក់មកជាមួយឧបករណណ៍បំពងសម្លេងចំនួន២៣គ្រាប់និងសាកថ្មឥតខ្សែកម្លាំង 40W ចំនួន២។
.jpg)
រថយន្ដ Zeekr 9x ប្រើប្រាស់អគ្គិសនីសុទ្ធ ត្រូវបានគេរំពឹងថានឹងបន្ថែមរយៈចម្ងាយធ្វើដំណើរប្រហែល ៥០០គីឡូម៉ែត្រ ចំណែកប្រភេទ plug-in hybrid ដំណើរដោយម៉ាសុី ២.០ រួមជាមួយម៉ូទ័រអគ្គិសនីចំនួន២។ រថយន្ដនេះអាចបើកបរបានរយៈចម្ងាយជាង ១ ៥០០គីឡូម៉ែត្រ នៅប្រើប្រាស់អគ្គិសនីលាយជាមួយសាំង។
រថយន្ត Zeekr 9X ត្រូវបានគេរំពឹងថានឹងមានលក្ខណៈស្រដៀងគ្នាជាមួយរថយន្ត Lynk & Co 900 ដោយវាមានប្រវែងតួខ្លួនសរុប ៥ ២៩០មម និងគម្លាតកង់មុខក្រោយប្រវែង ៣ ២០២០មម។ រថយន្ត 9X អាចផ្ទុកអ្នកដំណើរបានប្រាំមួយ ឬប្រាំពីរនាក់ ជាមួយនឹងមុខងារកៅអីដែលអាចរុញ និងផ្អៀងបាន។
អ្វីកាន់តែពិសេសរថយន្ត 9X ដំណើរការដោយបន្ទះឈីប Thor ថ្មីរបស់ក្រុមហ៊ុន NVIDIA។ បច្ចេកវិទ្យាទំនើបនេះនឹងរួមបញ្ចូលសេនស័រកាមេរ៉ា និង LiDAR ដើម្បីអាចដំណើរការមុខងារបើកបរកម្រិត 3 ។ យ៉ាងណាមិញចំពោះការបង្ហាញរូបរាងជាផ្លូវ រួមជាមួយព័ត៌មានលម្អិត នឹងត្រូវបង្ហាញនៅក្នុងថ្ងៃពិព័រណ៍យានយន្តសៀងហៃឆ្នាំ២០២៥៕
