ស្ងាត់ៗ! Audi បញ្ចេញឡានអគ្គិសនីសុទ្ធថ្មីផលិតនៅចិន សាកថ្មម្តងជិះបាន ៧០០គីឡូម៉ែត្រ

March 24, 2025

[បរទេស] ក្រុមហ៊ុនផលិតរថយន្ត Audi បានបង្កើតម៉ាករថយន្តថ្មីនៅក្នុងប្រទេសចិន ដោយសហការជាមួយក្រុមហ៊ុន SAIC ដែលមានឈ្មោះថា “AUDI” នឹងផ្តោតលើរថយន្តអគ្គិសនីសុទ្ធប៉ុណ្ណោះ ហើយម៉ូដែលទី ១ របស់ពួកគេ គឺជាម៉ូដែល AUDI E នឹងបង្ហាញខ្លួននៅក្នុងកម្មវិធីពិព័រណ៍រថយន្ត Shanghai Auto Show ដែលគ្រោងធ្វើឡើងនៅខែមេសា ឆ្នាំ ២០២៥ ។

រថយន្តនេះ ត្រូវបានផលិតឡើងនៅលើគ្រោងឆ្អឹង Advanced Digitized Platform ដែលអភិវឌ្ឍឡើងដោយក្រុមហ៊ុនបណ្តាក់ទុនរួមគ្នា Audi-SAIC ដែលមានការឌីស្សាញប្លែក ដោយផ្នែកខាងមុខរចនាជាមួយនឹងចង្កៀង LED រាងការ៉េធំ រួមបញ្ចូលជាមួយភ្លើងបំភ្លឺពេលថ្ងៃ និងភ្លើងស៊ីញូ ព្រមទាំងថាសកង់ស្ព័រឌីស្សាញបែប Unique ផងដែរ ។

AUDI E ត្រូវបានបំពាក់ដោយម៉ូទ័រអគ្គីសនីចំនួន ២ អាចផលិតកម្លាំងបានសរុប ៧៦៤ សេះ ផ្គួបជាមួយអាគុយទមហំ ១០០ គីឡូវ៉ាត់ម៉ោង អាចបើកបរបានចម្ងាយ ៧០០ គីឡូម៉ែត្រនៅពេលសាកថ្មពេញម្តង ៕

ផ្ទាំងផ្សាយពាណិជ្ជកម្ម

Tesla បន្តការធ្លាក់ចុះការលក់យ៉ាងខ្លាំងនៅទីផ្សារតំបន់អឺរ៉ុបនៅដើមឆ្នាំនេះ

March 24, 2025

[បរទេស] ក្រុមហ៊ុនផលិតរថយន្ត Tesla បានធ្លាក់ចុះការលក់យ៉ាងខ្លាំងដល់ទៅ ៤៥% ក្នុងរយៈពេល ២ ខែដំបូងនៃឆ្នាំ ២០២៥ នៅទីផ្សារតំបន់អឺរ៉ុប ទោះបីជាទីផ្សាររថយន្តអគ្គិសនី (EV) សរុបបានកើនឡើង ៣១% ក៏ដោជាប្រតិកម្មជាសាធារណៈប្រឆាំងនឹងលោក Elon Musk រួមទាំងទំនាក់ទំនងនយោបាយ និងភាពចម្រូងចម្រាសរបស់គាត់ អាចរួមចំណែកដល់ការធ្លាក់ចុះនៃប្រជាប្រិយភាពរបស់ក្រុមហ៊ុន Tesla នៅអឺរ៉ុប។

ក្នុងនោះ ការលក់សរុបរបស់ក្រុមហ៊ុន Tesla បានចំនួន ២៥ ៨៥២ គ្រឿង ដែលជាការធ្លាក់ចុះយ៉ាងខ្លាំងពីចំនួន ៤៦ ៥៨៤ គ្រឿង បើធៀបនឹងរយៈពេលដូចគ្នាក្នុងឆ្នាំ ២០២៤ ។ មិនត្រឹមតែប៉ុណ្ណោះ Tesla Model Y ដែលលក់ដាច់បំផុតក៏ដោយ ឃើញថាការលក់របស់វាធ្លាក់ចុះ ៥៣% ផងដែរ ។

ផ្ទុយទៅវិញ ក្រុមហ៊ុន Volkswagen ទទួលបានសន្ទុះជាមួយនឹងការលក់រថយន្តអគ្គីសនីសុទ្ធ EV ជាពិសេសម៉ូដែល ID.4 កើនឡើង ១៨២% បិទគម្លាតជាមួយនឹងចំណែកទីផ្សាររបស់ក្រុមហ៊ុន Tesla ៕

ផ្ទាំងផ្សាយពាណិជ្ជកម្ម

Alfa Romeo Stelvio ឆ្នាំ២០២៦ មានជម្រើសម៉ាសុីនកូនកាត់ហាយព្រីតនិងអគ្គិសនីសុទ្ធ

March 22, 2025

រថយន្ដប្រេនអុីតាលី Alfa Romeo Stelvio ជំនាន់ទីពីរ ត្រូវបានគេប្រទះឃើញកំពុងធ្វើតេស្តនៅអឺរ៉ុប ហើយគម្រោងបង្ហាញខ្លួនជាផ្លូវការនៅចុងឆ្នាំនេះ មុនពេលដាក់លក់នៅលើទីផ្សារនៅឆ្នាំ ២០២៦។ រថយន្ត Stelvio ស៊េរីថ្មីនឹងមានវត្តមាននៅទឹកដីសហអាមេរិកក្នុងឆ្នាំ ២០២៦ ឬ ២០២៧ នឹងមានជម្រើសប្រើប្រាស់ថាមពលអគ្គិសនីសុទ្ធ និងម៉ាសុីនកូនកាត់ហាយព្រីត (hybrid)។

Alfa Romeo ត្រូវបានគេប្រទះឃើញនៅភាគខាងជើងប្រទេសស៊ុយអែត នៅចុងបញ្ចប់នៃការធ្វើតេស្តជាមួយអាកាសធាតុត្រជាក់។ រូបភាពល្លេចធ្លាយទាំងនេះបានលេចឡើងប៉ុន្មានថ្ងៃ បន្ទាប់ពីនាយកប្រតិបត្តិរបស់ក្រុមហ៊ុន Alfa Romeo លោក Santo Ficili បានបញ្ជាក់ពីការបង្ហាញខ្លួនរបស់រថយន្ដ Stelvio ក្នុងឆ្នាំ ២០២៥ មុនពេលចេញលក់នៅឆ្នាំ ២០២៦។

រថយន្ត Stelvio ជំនាន់ចុងក្រោយនេះនឹងក្លាយជារថយន្តដំបូងគេនៅអឺរ៉ុប ដែលប្រើប្រាស់គ្រោងឆ្អឹង STLA Stellantis ហើយបច្ចុប្បន្នគ្រោងឆ្អឹងបានបំពាក់នៅលើរថយន្ដ Dodge Charger, Jeep Wagoneer S និង Jeep Recon ដែលនឹងបង្ហាញខ្លួនឆាប់ៗនេះ។ ទោះបីជាយ៉ាងក៏រថយន្ដ Stelvio នៅតែរក្សាភាពស្ព័ររបស់ខ្លួន ដោយធានាថារថយន្ត SUV នេះមិនភ្លេចឫសគល់រថយន្ដបែប performance។

គិតមកទល់ពេលនេះយើងមិនទាន់មានព័ត៌មានលម្អិតទាំងអស់នៅឡើយទេ ប៉ុន្តែអតីតនាយកប្រតិបត្តិរបស់ក្រុមហ៊ុន Alfa Romeo លោក Jean-Philippe Imparato ធ្លាប់បានបង្ហើបថារថយន្ដ Stelvio Quadrifoglio អាចបង្កើតកម្លាំងរហូតដល់ ៩៨៦សេះ ជាមួយជម្រើសប្រើប្រាស់អគ្គិសនីសុទ្ធ។ យ៉ាងណាមិញក៏មានការប៉ាន់ស្មានអំពី Alfa Romeo អាចននឹងប្រើម៉ាស៊ីន inline-six twin-turbo ថ្មីរបស់ Charger សម្រាប់កំណែដែលប្រើប្រាស់សាំងផងដែរ។

ម៉ូដែលថ្មីនេះក៏នឹងមានស្ថាបត្យកម្មអេឡិចត្រូនិច STLA Brain ដែលអនុញ្ញាតឲ្យមានការអាប់ដេតតាមប្រព័ន្ធដំណើរការមួយចំនួនតាមអាកាសធាតុជាក់ស្ដែង និងប្រព័ន្ធជំនួយអ្នកបើកបរ (ADAS) កាន់តែទំនើប៕

ផ្ទាំងផ្សាយពាណិជ្ជកម្ម

ចេញហើយ! Denza N9 តម្លៃខ្ទង់ ៥មុឺនដុល្លារ អាចបើកបាន ១ពាន់ជាងគីឡូម៉ែត្រ

March 22, 2025

[ទីផ្សារចិន] ក្រុមហ៊ុនផលិតរថយន្ត BYD បានធ្វើការប្រកាសចេញលក់ជាផ្លូវការនូវរថយន្តសេរ៊ីថ្មីរបស់ខ្លួនគឺ BYD Denza N9 ដែលជារថយន្តប្រណិតប្រភេទ SUV ខ្នាតធំ កៅអី ៣ជួរ ប្រភេទ Plug-in Hybrid ជាមួយតម្លៃលក់ចាប់ពី ៥៤ ០០០ ដុល្លារ ដល់ ៦២ ០០០ ដុល្លារ នៅក្នុងទីផ្សារប្រទេសចិន។

ចំពោះរថយន្ត BYD Denza N9 ត្រូវបានផលិតឡើងនៅលើគ្រោងឆ្អឹង BYD e-Platform 3.0 មានប្រវែងតួខ្លួនសរុប ៥ ២៥៨ ម.ម កម្ពស់ ១ ៨៣០ ម.ម ទទឹង ២ ០៣០ ម.ម និងប្រវែងគម្លាតកង់មុខ-ក្រោយ ៣ ១២៥ ម.ម ដំណើរការដោយម៉ាសុីនកូនកាត់ Plug-in Hybrid ធ្វើការរួមគ្នារវាងម៉ាសុីនសាំងចំណុះ ២,០លីត្រ turbocharged ទំហំ ៤សុីឡាំង អាចផលិតកម្លាំងបាន ២០៤ សេះ និងម៉ូទ័រអគ្គិសនីចំនួន ៣ អាចផលិតកម្លាំងបាន ៩០៧ សេះ ផ្គួបជាមួយអាគុយទំហំ ៤៦,៩គីឡូវ៉ាត់ អាចបើកបរបានចម្ងាយ ២០២ គីឡូម៉ែត្រ ដោយប្រើប្រាស់អគ្គិសនីសុទ្ធ និងសរុប ១ ៣០២ គីឡូម៉ែត្រ ជាន់ស្ទុះពី ០ ទៅ ១០០គ.ម/ម៉ោង ប្រើពេល ៣,៩ វិនាទី សុីប្រេង ៦,៣លីត្រ/១០០គ.ម។

ទាក់ទងទៅនឹងរូបរាង និងការឌីស្សាញផ្នែកខាងក្រៅ រថយន្ត BYD Denza N9 ត្រូវបានរចនាបំពាក់ជាមួយប៉ាណាមុខបិទជិត អបដោយសំណុំចង្កៀងមុខប្រភេទគុជ LED ចំនួន ៣គ្រាប់ ព្រមទាំងថាសកង់ស្ព័ររចនាថ្មីមានឡូហ្គូលទំហំ ២១ និង ២២អ៊ីញ រួមនឹងចង្កៀងក្រោយប្រភេទ LED អូសពីម្ខាងទៅម្ខាង។

សម្រាប់នៅផ្នែកខាងក្នុងវិញ ទទួលបានបច្ចេកវិទ្យាឆ្លាតវៃ និងប្រព័ន្ធសុវត្ថិភាព BYD’s God Eye និងប្រព័ន្ធជំនួយការបើកបរដ៏សំបូរបែប រួមជាមួយនឹងអេក្រង់កុងទ័របង្ហាញព៌ត័មានឌីជីថលទំហំ ១៣,២អ៊ីញ អេក្រង់បញ្ជារ touchsreen ទំហំ ១៧,៣ អ៊ីញ អេក្រង់កម្សាន្ត touchsreen ទំហំ ១៣,២អ៊ីញ អេក្រង់លើកញ្ជក់ HUD ទំហំ ៥០អ៊ីញ កន្លែងសាកថ្មឥតខ្សែចំនួន២ អេក្រង់កម្សាន្ត touchsreen ទំហំ ១៧,១អ៊ីញ សម្រាប់អ្នកដំណើរផ្នែកខាងក្រោយ និងទូរទឹកកកទំហំ ១១,២លីត្រ មានមុខងារក្តៅ-ត្រជាក់ជាដើម៕

ផ្ទាំងផ្សាយពាណិជ្ជកម្ម

រថយន្តដឹកទំនិញអគ្គីសនីម៉ាក Karry ដែលជាផលិតផលរបស់អាមេរិកប្រើអគ្គីសនីសុទ្ធ មានវត្តមាននៅលើទីផ្សារនៃព្រះរាជាណាចក្រកម្ពុជាហើយ

March 21, 2025

ថ្មីៗ មកដល់ហើយ ! រថយន្តដឹកទំនិញអគ្គីសនីម៉ាក Karry ដែលជាផលិតផលរបស់អាមេរិក រួមមានរថយន្តប្រភេទ Cargo Van ទូត្រជាក់ ទូស្ងួត ក្បាលអូសសណ្ដោង រមក កុងតឺន័រ ដែលប្រើអគ្គីសនីសុទ្ធ 100% ឥឡូវនេះមានវត្តមាននៅលើទីផ្សារនៃព្រះរាជាណាចក្រកម្ពុជាហើយ។

Electric Cargo Van

Electric 1.5T to 5T Truck with Dry Box and Cool Box

Electric Tractor Head

ក្រុមហ៊ុន RACHNA ECO ENERGY EV AUTOMOTIVE (CAMBODIA) CO., LTD បានទទួលសិទ្ធចែកចាយផ្តាច់មុខស្របច្បាប់ពីរោងចក្រ Karry Commercial Vehicle (Anhui) CO., LTD ដែលបានចុះហត្ថលេខានៅថ្ងៃទី១៤ ខែមករា ឆ្នាំ ២០២៥។

គួរបញ្ជាក់ផងដែរ Chery Holding Group បានបែងចែកជា 3 Product Lineups

ក្រៅពីរថយន្តដឹកទំនិញ ក្រុមហ៊ុនក៏នាំចូលនូវរថយន្តគ្រួសារដែលមាន Model៖ Exeed, Luxeed, Chery, Omoda, Jaecoo, Exlantix។

លោកអគ្គនាយកប្រតិបត្តិ អូន រចនា (Kelvin Heng) បានបញ្ជាក់អំពីគោលបំណងក្នុងការបង្កើតក្រុមហ៊ុននេះឡើងថា៖

ដើម្បីជួយកាត់បន្ថយថ្លៃដើមនៃទំនិញនៅលើទីផ្សារឱ្យមានតម្លៃសមរម្យ។
ជាដៃគូសហការដ៏ល្អសម្រាប់ម្ចាស់អាជីវកម្មដែលរួមមានក្រុមហ៊ុនដឹកជញ្ជូន ឃ្លាំងស្តុកចែកចាយទំនិញ គ្រឿងឧបភោគបរិភោគ(អាហារបង្កកនិងបន្លែស្រស់) ផ្សារទំនើប រោងច្រក កសិកម្ម និងឧស្សាហកម្ម ។ល។ជំនួសឱ្យការប្រើប្រាស់ប្រេងឥន្ធនៈដែលមានថ្លៃដើមខ្ពស់
ប្ដូរមកវិញនូវការប្រើប្រាស់ថាមពលស្អាត(EV) ដែលមានថ្លៃដើមទាបត្រឹមតែ $3 ទៅ $4 ក្នុង 100 km។
ចូលរួមចំណែកក្នុងការការពារបរិស្ថានដោយការប្រើប្រាស់ថាមពលស្អាត(EV)។

លេខទំនាក់ទំនង: 017 563 355 / 087 353 355
Facebook, LinkedIn, Instagram, TikTok, Telegram: Karry & Chery EV Cambodia

Website : rna-ev.com

អាស័យដ្ឋាន ៖ ផ្លូវជាតិលេខ៣ ភូមិដូនតី សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ https://maps.app.goo.gl/q9CxTZppubNxMYAQ9

ផ្ទាំងផ្សាយពាណិជ្ជកម្ម

មានលុយក្រោម៣ម៉ឺនដុល្លារ ចង់បានឡានអគ្គិសនីថ្មី អាចពិចារណា៤ម៉ូដែលនេះ

March 21, 2025

ថ្ងៃនេះ Cambo Auto សូមធ្វើការបង្ហាញជូននូវឡានអគ្គិសនីតម្លៃក្រោម៣ម៉ឺនដុល្លារ ៤ម៉ូដែល ដែលបងប្អូនអាចធ្វើការពិចារណាទិញយកទៅប្រើប្រាស់តាមតម្រូវការបាន៖

រថយន្ដអគ្គិសនីទី១ តម្លៃក្រោម៣ម៉ឺនដុល្លារគឺរថយន្ដ NETA AYA។ បច្ចុប្បន្នរថយន្ដមានតម្លៃត្រឹមតែ ២២ ៦០០ដុល្លារប៉ុណ្ណោះនៅទីផ្សារកម្ពុជា។ រថយន្ត Neta AYA បំពាក់មកជាមួួយអាគុយទំហំ ៤០.៧kWh សាកថ្មមួយពេញ អាចបើកបរបានចម្ងាយ ៤០១គីឡូម៉ែត្រ គិតតាមស្ដង់ដារវាស់ល្បឿន CLTC។ រថយន្ដនេះបំពាក់មកជាមួយក្រង់កម្សាន្ត ទំហំ ១៤.៦អុីង ដំណើរការដោយប្រព័ន្ធ Android OS អាចដាក់ SIM 4G បាននិងភ្ជាប់មកជាមួយប្រព័ន្ធសោរ ឆ្លាតវ័យ។ NETA AYA ក៏មានការធានា ២០ម៉ឺនគីឡូម៉ែត្រ ឬ ១០ឆ្នាំ ទៅលើតួររថយន្ត និង១៦ម៉ឺនគីឡូម៉ែត្រ ឬ ៨ឆ្នាំ ទៅលើថ្ម និងម៉ូទ័ររថយន្តផងដែរ។

រថយន្ដអគ្គិសនីទី២ តម្លៃក្រោម៣ម៉ឺនដុល្លារគឺរថយន្ត BYD Atto 2 ។ រថយន្ដនេះប្រើប្រាស់អាគុយទំហំ ៤៥.១ kWh សាកថ្មមួយពេញ អាចបើកបរបានចម្ងាយ៤០១គីឡូម៉ែត្រ ។ រថយន្ដនេះត្រូវបានផលិតឡើងដោយឈរនៅប្រព័ន្ធសាកស៊ី e-Platfrom ៣.០ រថយន្ដនេះមានបណ្តោយ ប្រវែង ៤៣១០មម ទទឹង ១៨៣០មម កំពស់ ១៦៧៥មម និងគម្លាតកង់មុខទៅកង់ក្រោយប្រវែង ២៦២០មម។ បច្ចុប្បន្នរថយន្ដនេះកំពុងដាក់លក់ក្នុងតម្លៃ ២២ ៣០០ដុល្លារ ជាមួយការធានារយៈពេល ៨ឆ្នាំ និង ១៦ម៉ឺនគីឡូម៉ែត្រ។

រថយន្ដអគ្គិសនីទី៣ តម្លៃក្រោម៣ម៉ឺនដុល្លារគឺរថយន្ត Baojun YEP Plus។ រថយន្ដនេះប្រើប្រាស់អាគុយទំហំ ៤១.៩ kWh សាកថ្មពេញម្តង អាចបើកបរបានចម្ងាយ៤០១គីឡូម៉ែត្រ គិតតាមស្ដង់ដារវាស់ល្បឿន CLTC។ រថយន្ដនេះ មានបណ្តោយប្រវែង ៤០០០មម ទទឹង ១៧៦០មម កំពស់ ១៧៣០mm និងគម្លាតចន្លោះកង់មុខទៅកង់ក្រោយ ២៥៦០មម។ Baojun YEP Plus កំពុងដាក់លក់ក្នុងតម្លៃត្រឹមតែ ២៦ ៩០០ដុល្លារ។ក៏មានធានារយៈពេល ៣ឆ្នាំ ឬ ១០ម៉ឺនគីឡូម៉ែត្រ លើថ្ម និងម៉ូទ័រពីក្រុមហ៊ុនផងដែរ។

រថយន្ដអគ្គិសនីទី៤ តម្លៃក្រោម៣ម៉ឺនដុល្លារគឺរថយន្ត Bestune Pony ។ រថយន្ដដ៏ឃ្យូតមួយនេះ កំពុងដាក់លក់ក្នុងតម្លៃត្រឹមតែ ៨៨៨៨ដុល្លារ។ រថយន្ដនេះប្រើប្រាស់អាគុយទំហំ ១៣.៩ kWh សាកថ្មពេញម្តង អាចបើកបរបានចម្ងាយ១៧០គីឡូម៉ែត្រ គិតតាមស្ដង់ដារវាស់ល្បឿន CLTC។ រថយន្ដនេះមានបណ្តោយ ប្រវែង ៣០០០មម ទទឹង ១៥១០មម កំពស់ ១៦៣០mm និងគម្លាតចន្លោះកង់មុខទៅកង់ក្រោយ ១៩៥៣ម។

ក្នុងចំណោមរថយន្ដទាំង៤ម៉ូដែលប្រសិនបើបងប្អូនចាប់អារម្មណ៍លើម៉ូដែល មួួយណាអាចទំនាក់ទំនងទៅកាន់ក្រុមហ៊ុនផ្ទាល់ ដើម្បីទទួលបានព័ត៌មានលម្អិត៕

ផ្ទាំងផ្សាយពាណិជ្ជកម្ម

Honda ចាប់ដៃ GAC បញ្ចេញម៉ូដែលថ្មី ឯតម្លៃអត់ដល់ ២មុឺនដុល្លារ នៅប្រទេសចិន

March 21, 2025

[បរទេស] ក្រុមហ៊ុនផលិតរថយន្តបណ្តាក់ទុនរួមគ្នា GAC និង Honda បានធ្វើការដាក់បញ្ចេញនៅរថយន្ត Honda Integra ដែលផលិតនៅក្នុងប្រទេសចិន មានតម្លៃលក់ចាប់ពី ១៧ ៩២០ ដុល្លារ ដល់ ១៩ ៣០០ ដុល្លារ ។

Honda Integra ដំណើរការដោយម៉ាស៊ីនសាំងចំណុះ ១,៥ លីត្រ ជំនួយដោយ Turbocharged ទំហំ ៤ស៊ីឡាំង អាចផលិតកម្លាំងបាន ១៨២ សេះ និងកម្លាំងរមួល ២៤០ ញ៉ូតុនម៉ែត្រ ផ្តល់នៅជម្រើសប្រអប់លេខអូតូ និងប្រអប់លេខដៃ ។

សម្រាប់រូបរាង និងការឌីស្សាញផ្នែកខាងក្រៅរបស់រថយន្តនេះ មានលក្ខណៈបែបស្ព័រ ជាមួយមានប៉ាណា និងរន្ធលំហូរខ្យល់ខាងមុខទំហំធំ អបសងខាងដោយចង្កៀងមុខ LED មុខងារទម្លើង-ទម្លាក់អូតូ ព្រមទាំងថាសកង់ស្ព័រទំហំ ១៨អ៉ីញ និងចង្កៀងក្រោយក៏ជាប្រភេទ LED ។

ចំពោះនៅផ្នែកខាងក្នុង មានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ទំហំ ១០,២ អ៉ីញ ក៏ដូចជាហ្រ្វាំងដៃអេឡិចត្រូនិច ជាមួយមុខងារ Auto Hold, ឧបករណ៍បំពងសំឡេងម៉ាក Bose និងដំបូលកញ្ចក់ Panoramic sunroof ផងដែរ ៕

ផ្ទាំងផ្សាយពាណិជ្ជកម្ម

មានអ្វីពិសេសបានជា Mercedes-AMG GT 63 Pro ឆ្នាំ២០២៥ មានតម្លៃជិត២០ម៉ឺននៅទីផ្សារបរទេស

March 21, 2025

[ទីផ្សារបរទេស] រថយន្ត Mercedes-AMG GT 63 PRO 4MATIC Plus ឆ្នាំ២០២៥ គឺជាកំពូលរថយន្ដ ក្នុងត្រកូល AMG GT ដែលត្រូវបានរចនាឡើងសម្រាប់អ្នកចូលចិត្តទាំងការបើកបរតាមផ្លូវធម្មតា និងការប្រណាំងលើទីលាន។

ចំពោះរថយន្ដ Mercedes-AMG GT 63 PRO 4MATIC Plus នឹងត្រូវដាក់លក់ ក្នុងតម្លៃចាប់ផ្តើមពី ១៩៧ ០៥០ដុល្លារ ខណ:រថយន្ដ AMG GT 63 កម្រិតស្តង់ដារនឹងត្រូវដាក់លក់ក្នុងតម្លៃ ១៨០ ២០០ដុល្លារ ។

រថយន្ត Mercedes-AMG GT 63 PRO 4MATIC Plus ដំណើរដោយម៉ាស៊ីន ៤.០ turbocharged ៨សុីឡាំង អាចផលិតកម្លាំងបាន ៦០៣សេះ ផលិតកម្លាំងបង្វិល ៨៤៩ញ៉ូតុនម៉ែត្រ ដំណើរការដោយប៉ុង២ អបជាមួយប្រអប់លេខអូតូ ៩វគ្គ។

ចំពោះមូលហេតុដែលធ្វើឲ្យរថយន្ដ GT 63 Pro 4Matic Plus មានតម្លៃខ្ពស់ណាស់ ដោយសារម៉ូដែលសេរីចុងក្រោយបង្អស់នេះ បានបន្ថែមថាមពល ២៦សេះ កម្លាំងបង្វិល ៥០ញ៉ូតុនម៉ែត្រ ដើម្បីធ្វើឲ្យរថយន្ដកាន់តែស្ទុះជាងមុន សាកសមបំផុតសម្រាប់អ្នកចូលចិត្តប្រណាំងរថយន្ដនៅលើទីលាន។

រថយន្ត AMG GT 63 Pro 4Matic Plus ក៏មានប្រព័ន្ធ All-wheel-drive (AWD) ដែលអាចធ្វើឲ្យអ្នកបើកបរ អាចគ្រប់គ្រងការបែងចែកថាមពល សាកសមជាមួយលក្ខខណ្ឌក្នុងការប្រណាំងនិងប្រើប្រាស់ប្រចាំថ្ងៃ។

អ្វីដែលកាន់តែពិសេសរថយន្ដនេះក៏បំពាក់មកជាមួយប្រព័ន្ធ Sports active cooling ដែលវាដើរតួយ៉ាងសំខាន់ក្នុងការជួយសម្រួលដល់អ្នកបើកបរក្នុងទីលានប្រណាំងដែលមានអាកាសធាតុក្ដៅបានយ៉ាងល្អ។

មិនទាន់អស់ទេរថយន្ត AMG GT 63 Pro 4Matic Plus ក៏បានបំពាក់មកជាមួយប្រព័ន្ធហ្វ្រាំង AMG High Performance Carbon Composite Braking ស្តង់ដារ ដោយមានបន្ទះគ្របហ្វ្រាំងនិងក្រោមស្លាកលេខ អបជាមួយការរចនាផ្នែកខាងក្រោមកាន់តែពិសេស ដែលជំរុញឲ្យមានលំហូរខ្យល់ល្អ ដើម្បីធ្វើឲ្យហ្វ្រាំងត្រជាក់។

អ្វីដែលកាន់តែគួរឲ្យចាប់អារម្មណ៍ គឺបងប្អូនក៏អាចបន្ថែមកៅអីនៅផ្នែកខាងក្រោយ២បន្ថែមទៀត លើម៉ូដែល AMG GT63 Pro 4Matic Plus ដើម្បីផ្លាស់ប្ដូរពីរថយន្ដបែបប្រណាំងទៅជារថយន្ដជិះបែបគ្រួសារបានផងដែរ៕

ផ្ទាំងផ្សាយពាណិជ្ជកម្ម

Chery បញ្ចេញកូនឡាន EV ថ្មី គ្រោងចេញលក់នៅខែក្រោយនេះ

March 21, 2025

ក្រុមហ៊ុនផលិតរថយន្ត Chery បានធ្វើការដាក់បង្ហាញចេញនូវរថយន្ត Chery QQ Duomi ប្រភេទ hatchback ប្រើប្រាស់នូវអគ្គិសនីសុទ្ធ ហើយគ្រោងប្រកាសចេញជាផ្លូវការ និងលក់នៅខែក្រោយនេះ នៅក្នុងប្រទេសចិន ជាមួយតម្លៃលក់អាចខ្ពស់ជាង ១មុឺនដុល្លារ។

Chery QQ Duomi មានប្រវែងតួខ្លួនសរុប ៣ ៧២០ ម.ម ទទឹង ១ ៧០០ ម.ម កម្ពស់ ១ ៥៩៩ ម.ម និងប្រវែងគម្លាតកង់មុខ-ក្រោយ ២ ៥២០ ម.ម ដំណើរការដោយម៉ូទ័រអគ្គិសនីចំនួន ១ ប៉ុង ១ FWD ផលិតកម្លាំងបាន ៥៣ សេះ។

សម្រាប់ផ្នែកខាងក្រៅ មានការរចនារូបរាងបែបឃ្យូតជាមួយប៉ាណាមុខបិទជិត ចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាង ព្រមទាំងថាសកង់ស្ព័រទំហំ ១៥អ៉ីញ និងឡូហ្គូលអក្សរ QQ និង 多米 (Duomi) ជាដើម។ ខណៈកម្លាំងអាគុយ ការរចនាផ្នែកខាងក្នុង និងចម្ងាយបើកបរមិនទាន់ត្រូវបានបង្ហាញចេញនៅឡើយនោះទេ៕

ផ្ទាំងផ្សាយពាណិជ្ជកម្ម

Huawei Aito M9 ស៊េរីឆ្នាំ២០២៥ ផ្តល់ទាំងអគ្គិសនីសុទ្ធ និងលាយសាំង ចេញលក់ជាផ្លូវការហើយ

March 21, 2025

[បរទេស] ក្រុមហ៊ុនបច្ចេកវិទ្យាយក្យរបស់ប្រទេសចិន Huawei បានធ្វើការដាក់លក់ជាផ្លូវការនៅរថយន្ត Aito M9 ស៊េរីថ្មីឆ្នាំ២០២៥ ប្រភេទ SUV ក្នុងទីផ្សារប្រទេសចិន ជាមួយតម្លៃលក់ចាប់ពី ៦៦ ៩៧០ ដុល្លារ ដល់ ៧៨ ៨០០ ដុល្លារ ។

Huawei Aito M9 ស៊េរីថ្មីចុងក្រោយ ទទួលបានជម្រើសថាមពលចំនួន ២ ៖

ម៉ាស៊ីនសាំងចំណុះ ១,៥លីត្រ អាចផលិតកម្លាំងបាន ១៥៤សេះ និងម៉ូទ័រអគ្គិសនីចំនួន ២ អាចផលិតកម្លាំងបាន ៤៨៩ សេះ ផ្គួបជាមួយអាគុយទំហំ ៥២ គីឡូវ៉ាត់ម៉ោង ដោយប្រើអគ្គិសនី និងសាំងរួមគ្នា អាចបើកបរបានចម្ងាយ ១៤៧៤ គីឡូម៉ែត្រ សម្រាប់ម៉ូដែល EREV
ម៉ូទ័រអគ្គិសនីចំនួន ២ អាចផលិតកម្លាំងបាន ៥២៣ សេះ ផ្គួបជាមួយអាគុយទំហំ ១០០ គីឡូវ៉ាត់ម៉ោង អាចបើកបរបានចម្ងាយ ៦៣០ គីឡូម៉ែត្រនៅពេលសាកថ្មពេញម្តង សម្រាប់ម៉ូដែល EV ។

សម្រាប់ការឌីស្សាញផ្នែកខាងក្រៅ នៅតែបន្តការរចនារូបរាងរបស់ Aito M9 មានប៉ាណាមុខបិទជិត ចង្កៀងមុខ-ក្រោយ LED ព្រមទាំងថាសកង់ស្ព័រទំហំ ២១អ៉ីញ និងប្រព័ន្ធចាប់សញ្ញា LiDARS ចំនួន ៤ ។

ចំពោះនៅផ្នែកខាងក្នុងវិញ មានកុងទ័របង្ហាញព័ត៌មានឌីជីថលទំហំ ១២,៣ អ៉ីញនិងអេក្រង់កំសាន្ត touchscreen ទំហំ ១៥,៦ អ៉ីញ ក៏ដូចជាអេក្រង់ទំហំ ១៦អ៉ីញ សម្រាប់អ្នកដំណើរខាងមុខផងដែរ ៕