[បរទេស] ក្រុមហ៊ុនផលិតរថយន្ត Kia បានធ្វើការដាក់បង្ហាញចេញជាផ្លូវការនៅគំរូរថយន្តអគ្គិសនីសុទ្ធ Kia EV2 ស៊េរីថ្មីចុងក្រោយ ប្រភេទ compact-SUV នៅឯព្រឹត្តិការណ៍ KIA EV Day 2025 ដែលកំពុងធ្វើឡើងក្នុងប្រទេសអេស្ប៉ាញ ។

សម្រាប់រថយន្តអគ្គិសនីសុទ្ធ Kia EV2 ត្រូវផលិតឡើងនៅលើគ្រោងឆ្អឹង E-GMP platform ត្រូវបានឌីស្សាញឡើងដោយប្រើប្រាស់ភាសារចនាឲ្យឈ្មោះថា Opposites United design concept មានលក្ខណៈបែបអនាគត ដោយមានប៉ាណាមុខបិទជិត ចង្កៀងមុខ-ក្រោយប្រភេទ LED ឌីស្សាញបញ្ឈរ ២ឆ្នូត ក៏ដូចជាដៃទ្វារបើក-បិទដូចរថយន្ត Roll-Royce ព្រមទាំងថាសកង់ស្ព័រឌីស្សាញថ្មីផងដែរ ។

ចំពោះនៅផ្នែកខាងក្នុង មានកៅអីស្ព័រស្រោបដោយស្បែកជាប់គ្នាអាចបង្វិលបានដែលជាការឌីស្សាញបែបអនាគត ក៏ដូចជាមានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen អ៉ីញជាប្រភេទអេក្រង់ភ្លោះ និងកន្លែងសាកថ្មឥតប្រើខ្សែជាដើម ។

ទាក់ទងនឹងផ្នែកថាមពលវិញ ក្រុមហ៊ុនមិនទាន់បង្ហាញនៅឡើយទេ ប៉ុន្តែបានបញ្ជាក់ថា រថយន្តនេះនឹងធ្វើការចេញលក់នៅក្នុងឆ្នាំ ២០២៦ ជាមួយតម្លៃរំពឹងចាប់ពីខ្ទង់ ៣១ ៤០០ ដុល្លារ ៕

ផ្ទាំងផ្សាយពាណិជ្ជកម្ម

[បរទេស] ក្រុមហ៊ុនផលិតរថយន្ត Kia បានធ្វើការដាក់បង្ហាញចេញជាផ្លូវការនៅរថយន្តអគ្គិសនីសុទ្ធ Kia EV4 ស៊េរីថ្មីចុងក្រោយ ផ្តល់ជូនប្រភេទ sedan និង hatchback នៅឯព្រឹត្តិការណ៍ KIA EV Day ប្រទេសអេស្ប៉ាញ ជាមួយតម្លៃលក់ចាប់ពី ៣៥ ០០០ ដុល្លារ គ្រោងនឹងចេញលក់នៅទីផ្សារសហរដ្ឋអាមេរិកឆាប់ៗនេះ ។

Kia EV4 ត្រូវបានផលិតឡើងនៅលើគ្រោងឆ្អឹង E-GMP platform ដំណើរការដោយម៉ូទ័រអគ្គីសនីចំនួន ១ អាចផលិតកម្លាំងបាន ២០១ សេះ ខណៈប្រភេទប្រើម៉ូទ័រអគ្គិសនីចំនួន ២ នឹងមកដល់ពេលក្រោយ ផ្តល់ជូនជម្រើសអាគុយចំនួន ២ ប្រភេទរួមមាន៖

• អាគុយទំហំ ៥៨,៣ ដល់ ៨១,៤ គីឡូវ៉ាត់ម៉ោង អាចបើកបរបានចម្ងាយ ៤១០ គីឡូម៉ែត្រ ដល់ ៥៩០ គីឡូម៉ែត្រនៅពេលសាកថ្មពេញម្តង សម្រាប់ម៉ូដែល hatchback ។
• អាគុយទំហំ ៥៨,៣ ដល់ ៨១,៤ គីឡូវ៉ាត់ម៉ោង អាចបើកបរបានចម្ងាយ ៤៣០ គីឡូម៉ែត្រ ដល់ ៦៣០ គីឡូម៉ែត្រនៅពេលសាកថ្មពេញម្តង សម្រាប់ម៉ូដែល sedan ។ សម្រាប់ម៉ូដែលទាំង ២ នេះ អាចសាកថ្មបានពី ១០-៨០% ប្រើរយៈពេល ៣០ នាទី ។

សម្រាប់រូបរាង និងការឌីស្សាញផ្នែកខាងក្រៅរបស់រថយន្ត Kia EV4 ត្រូវបានឌីស្សាញឡើងដោយប្រើប្រាស់ភាសារចនាឲ្យឈ្មោះថា Opposites United design concept មានលក្ខណៈបែបស្ព័រ ព្រមទាំងផ្តោតលើការឌីស្សាញ aerodynamic ដោយផ្នែកខាងមុខឲ្យឈ្មោះថា Tiger face មានប៉ាណាមុខបិទជិត អបសងខាងចង្កៀងមុខ LED លេងការឌីស្សាញបញ្ឈ ព្រមទាំងថាសកង់ស្ព័រប្រភេទ alloy-wheels ទំហំ ១៩ អ៉ីញ និងចង្កៀងក្រោយ LED បញ្ឈរផងដែរ ។

ចំពោះនៅផ្នែកខាងក្នុងវិញ មានកុងទ័របង្ហាញព័ត៌មានឌីជីថលទំហំ ១២.៣ អ៉ីញ និងអេក្រង់កំសាន្ត touchscreen ទំហំ ១២,៣ អ៉ីញជាប្រភេទអេក្រង់ភ្លោះ ក៏ដូចជាអេក្រង់បង្ហាញលើកញ្ចក់ HUD ព្រមទាំងបានភ្ជាប់មកជាមួយប្រព័ន្ធអាប់ដេត OTA និងប្រព័ន្ធ Digital Key 2.0 system ដែលអាចភ្ជាប់ជាមួយនាឡិកាដៃ Apple Watch បានទៀតផង ៕

ផ្ទាំងផ្សាយពាណិជ្ជកម្ម

ក្រុមហ៊ុន Kia បានប្រកាសធ្វើការបើកការបញ្ជាទិញរថយន្តអគ្គិសនី Kia EV9 ជាផ្លូវការ សម្រាប់ជម្រើស Standard ដែលជាជម្រើសថ្មីបំផុតក្នុងត្រកូល SUV អគ្គិសនីរបស់ខ្លួន។

ចំពោះរថយន្តនេះ បំពាក់ដោយថ្មទំហំ ៧៦,១គីឡូវ៉ាត់ម៉ោង អាចបើកបរបានចម្ងាយ ៣៧៤ គីឡូម៉ែត្រ ក្នុងការសាកពេញម្តង (ផ្អែកលើស្តង់ដាររបស់កូរ៉េ)។ សម្រាប់ជម្រើស Standard នេះត្រូវបានរចនាឡើងដើម្បីបំពេញតម្រូវការអ្នកប្រើប្រាស់ដែលស្វែងរករថយន្តអគ្គិសនីដែលមានតម្លៃសមរម្យ និងងាយស្រួលប្រើប្រាស់ក្នុងជីវិតប្រចាំថ្ងៃ ជាពិសេសសម្រាប់អ្នករស់នៅទីក្រុង និងអ្នកមានគ្រួសារ។

គួរឲដឹងថា រថយន្ត EV9 ជម្រើស Standard នេះ មានតម្លៃលក់ខ្ទង់ ៦៤,១២ លានវ៉ុន ឫ ៤៤ ៨០០ ដុល្លារ នៅក្នុងទីផ្សារប្រទេសកូរ៉េខាងត្បូង ខណៈនៅទីផ្សារអឺរ៉ុប និងអាមេរិក នឹងដាក់លក់បន្ទាប់ពីការប្រកាសចេញជាផ្លូវការនៅទីផ្សារកូរ៉េនេះ៕

ផ្ទាំងផ្សាយពាណិជ្ជកម្ម