ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 430

មិនមែន Bugatti ទេ! ឡានដើរដោយថាមពលអ៊ីដ្រូសែន Hyperion XP-1 បង្ហាញខ្លួនជាផ្លូវការ

[បរទេស] កាលពីឆ្នាំ ២០២០ ក្រុមហ៊ុន Hyperion បានធ្វើការដាក់បង្ហាញគំរួរថយន្ត Hyperion XP-1 ដើរដោយថាមពលអ៊ីដ្រូសែនជាមួយនឹងលក្ខណៈពិសេសគួរឲ្យចាប់អារម្មណ៍។ ខណៈពេលនេះ បានបង្ហាញខ្លួនជាផ្លូវការនៅឯពិព័រណ៍រថយន្ត Los Angeles Auto Show ។

Hyperion XP-1 នៅតែស្ថិតក្នុងទម្រង់គំរូ ហើយមិនមានការផ្លាស់ប្តូររចនាបថទេ បើប្រៀបធៀបទៅនឹងការ Renders ដែលយើងបានឃើញកាលពីជាង ២ ឆ្នាំមុន រួមទាំងតួខ្លួនដែលអាចលៃតម្រូវបានតាមរចនាប័ទ្មដូចរថយន្ត Bugatti ដែលគ្របដណ្ដប់ដោយបន្ទះសូឡា។

Hyperion XP-1 អាចបើកបរបានចម្ងាយ ១ ៦៣៥ គីឡូម៉ែត្រ នៅពេលដែលធុងកាបូនអ៊ីដ្រូសែនត្រូវបានសាកពេញ ដែលចំណាយពេលតិចជាង ៥នាទី។ ខ្សែថាមពលនេះរួមមានកោសិកាឥន្ធនៈអ៊ីដ្រូសែន (supercapacitors) ដែលជំនួសអាគុយ ភ្ជាប់ដោយប្រអប់លេខ ៣ វគ្គ និងម៉ូទ័រអគ្គិសនីចំនួន ៤ ប្រភេទ axial-flux electric motor ជាមួយប្រព័ន្ធបើកបរ all-wheel drive ។ ថាមពលរួមបញ្ចូលគ្នាមានកម្លាំងដល់​ទៅ ២ ០០០ សេះ​ អាចបង្កើនល្បឿនពី ០-១០០ គីឡូម៉ែត្រ/ម៉ោង ក្នុងរយៈពេល ២,២ វិនាទី និងល្បឿនអតិបរម៉ា ៣៥៦ គីឡូម៉ែត្រ/ម៉ោង ។

យោងតាមក្រុមហ៊ុន រថយន្ត Hyperion XP-1 មានទម្ងន់ ១ ០៣២ គីឡូក្រាម ដែលស្រាលជាងរថយន្តអគ្គិសនីភាគច្រើន ដោយសាររចនាសម្ព័ន្ធ Carbon និងប្រព័ន្ធ aluminum alloy suspension។

ដូចដែលត្រូវបានប្រកាសនៅឆ្នាំ ២០២០ ក្រុមហ៊ុន Hyperion ចង់ផលិតរថយន្ត XP-1 ចំនួន ៣០០ គ្រឿងនៅសហរដ្ឋអាមេរិក ជាមួយនឹងតម្លៃត្រូវបានកំណត់នឹងប្រកាសនៅពេលក្រោយ។ គោលដៅដើមគឺសម្រាប់ការផលិតចាប់ផ្តើមនៅឆ្នាំ ២០២២ ប៉ុន្តែត្រូវបានពន្យារពេល។ កាល​ពី​ឆ្នាំ​មុន ​គំរូ​នៃ​រថយន្ត Hypercar ត្រូវ​បាន​គេ​សាកល្បង​នៅ​ទីក្រុង Las Vegas។ ជាមួយគ្នានេះ Hyperion កំពុងទទួលយកការកក់តាមរយៈទម្រង់ពិសេសនៅលើគេហទំព័រផ្លូវការរបស់ខ្លួនផងដែរ។

គួរឲ្យដឹងថា ក្រៅពីរថយន្ត Hyperion XP-1 ក្រុមហ៊ុនដែលផ្គត់ផ្គង់ប្រព័ន្ធជំរុញអ៊ីដ្រូសែនដល់ក្រុមហ៊ុនផ្សេងទៀតបានប្រកាសស្ថានីយ៍ថាមពល “XF-7 Hyper: Fuel” ដោយប្រើបច្ចេកវិទ្យា NASA ដើម្បីចាក់ប្រេងទាំង FCEVs និង BEVs ។ ស្ថានីយ៍ក៏នឹងអាចផ្តល់ “ការគាំទ្របណ្តាញឧបករណ៍ប្រើប្រាស់សម្រាប់កម្មវិធីបន្ទាន់ និងថាមពលបម្រុង” ផងដែរ។

ផ្ទាំងផ្សាយពាណិជ្ជកម្ម

កូនឡានអគ្គិសនីថ្មីរបស់ Geely លេចរូបរាងនៅប្រទេសចិន

[ទីផ្សារបរទេស] អតិថិជននៅប្រទេសចិននឹងមានជម្រើសទិញរថយន្តអគ្គិសនីខ្នាតតូចថ្មីមួយដែលជាផលិតផលរបស់ក្រុមហ៊ុន Geely មានឈ្មោះថារថយន្ត Panda ដោយមានទ្រង់ទ្រាយស្រដៀងនឹងរថយន្ត Wuling Hongguang Mini EV ជារថយន្តអគ្គិសនីលក់ដាច់ជាងគេនៅប្រទេសចិន។

ព័ត៌មានបញ្ចេញដោយក្រសួងឧស្សាហកម្ម និងបច្ចេកវិទ្យាព័ត៌មានរបស់ប្រទេសចិនបានបង្ហាញថារថយន្តខ្នាតតូចនេះមានប្រវែងត្រឹម ៣០៦៥ម.ម ទទឹង ១៥២២ម.ម កម្ពស់ ១៦០០ម.ម និងមានប្រវែងពីកង់មុខទៅកង់ក្រោយគឺ ២០១៥ម.ម។

រថយន្ត Panda នេះនឹងមានដាក់លក់ក្រោមក្រុមហ៊ុន Geometry ដែលស្ថិតក្រោមក្រុមហ៊ុន Geely ខណៈដែលការប្រកាសចេញនៅមិនទាន់កើតមាននៅឡើយទេ ប៉ុន្តែមានការចុះផ្សាយថាវាមានប្រើប្រាស់ម៉ូទ័រអគ្គិសនីកម្លាំង ៤០សេះ។

បន្ថែមពីនេះបណ្ដាញសារព័ត៌មានក្នុងស្រុកបានចុះផ្សាយថារថយន្ត Panda គឺមានបំពាក់អាគុយខ្នាតតូចប្រភេទលីចូម ដែលទទួលបានការផ្គត់ផ្គង់ពីក្រុមហ៊ុន Gotion Hi-Tech។ គេមិនទាន់ច្បាស់នៅឡើយទេថា Geely នឹងចាប់ផ្ដើមលក់រថយន្ត Panda នៅពេលណា៕

ផ្ទាំងផ្សាយពាណិជ្ជកម្ម

ឡាន Volkswagen Golf ជំនាន់ថ្មីនឹងមានជាប្រភេទអគ្គិសនីសុទ្ធ

[ទីផ្សារបរទេស] រថយន្ត Volkswagen Golf នឹងទទួលបានការផ្លាស់ប្ដូរធំសម្រាប់ជំនាន់ទី៩ បើផ្អែកតាមការលើកឡើងរបស់លោក Thomas Schafer ដែលជានាយកប្រតិបត្តិផ្នែករថយន្តអ្នកដំណើររបស់ Volkswagen ស្របពេលដែលរថយន្តនេះទទួលបានបន្ថែមជម្រើសអគ្គិសនី។

ជាមួយការបន្ថែមជម្រើសអគ្គិសនីនេះ មានការលើកឡើងថារថយន្ត Golf អគ្គិសនីអាចនឹងដណ្ដើមទីផ្សាររបស់រថយន្តអគ្គិសនី ID.3 របស់ Volkswagen ប៉ុន្តែលោកនាយកប្រតិបត្តិបាននិយាយថាវានឹងមិនដូច្នោះឡើយ ដោយលោកជឿថាមានចន្លោះទីផ្សារសម្រាប់រថយន្តទាំងពីរ។

កាលពីខែសីហា លោក Thomas បានបង្ហាញការព្រួយបារម្ភជុំវិញឈ្មោះរថយន្ត Golf ដោយលោកនិយាយថាវាមិនសមហេតុផលឡើយក្នុងការបង្កើតរថយន្តម៉ាស៊ីនពីស្តុងថ្មីដែលមិនអាចរស់បាន ៧ ឬ ៨ឆ្នាំនោះ។ ប៉ុន្តែពេលនេះគេដឹងហើយថារថយន្ត Golf នឹងបន្តមានជីវិតក្នុងនាមជារថយន្តអគ្គិសនី៕

ផ្ទាំងផ្សាយពាណិជ្ជកម្ម

ខ្លាំងមែនវៀតណាម! VinFast នាំយកឡានអគ្គិសនីចំនួន ៤ម៉ូដែល ទៅកាន់ពិរព័ណ៍រថយន្តនៅ​សហរដ្ឋអាមេរិក

[បរទេស] ក្រុមហ៊ុន​ផលិត​រថយន្ត​វៀតណាម VinFast បានធ្វើការ​នាំ​យក​រថយន្ត​អគ្គិសនី​ចំនួន ៤ ម៉ូដែល​ទៅ​ចូលរួម​កម្មវិធីតាំងពិរព័ណ៍ Los Angeles Auto Show ដែល​ខ្លួន​គ្រោង​នឹង​ដាក់លក់រនៅ​ទីផ្សារសហរដ្ឋអាមេរិក។

ជាមួយគ្នានេះ ក្រុមហ៊ុនបានបើកការបញ្ជាទិញជាមុននៃរថយន្តអគ្គិសនី VF 8 និង VF 9 នៅសហរដ្ឋអាមេរិក ហើយនៅ Los Angeles ក៏បានដាក់បង្ហាញនៅរថយន្ត subcompact VF 6 និង compact VF 7 ផងដែរ។ រថយន្តទាំងនេះជារថយន្តផ្នែក B, C, D, និង E ជាខ្នាតកណ្តាលនៅសហរដ្ឋអាមេរិក។

ខណៈពេលដែល VinFast មិនទាន់បានប្រកាសអំពីលក្ខណៈពិសេសពេញលេញសម្រាប់ម៉ូដែល VF 6 និង VF 7 ។  ដោយបាននិយាយថា សម្រាប់អ្នកដែលចូលរួមក្នុងកម្មវិធី LA Auto Show នឹងអាចទទួលបានបទពិសោធន៍ដោយផ្ទាល់ជាមួយនឹងបច្ចេកវិទ្យាឆ្លាតវៃរួមបញ្ចូលគ្នា និងការរចនាលម្អិតនៃម៉ូដែល VF 6 និង VF 7 ។ បន្ថែមពីនេះ អ្នកចូលរួមនឹងមានឱកាសទទួលបានបទពិសោធន៍បើកបរ VF 8 នៅកន្លែងសាកល្បងក្នុងអំឡុងពេលព្រឹត្តិការណ៍នេះទៀតផង។

គួរឲ្យដឹងថា រថយន្តអគ្គិសនី VF 8 និង VF 9 ទទួលបានការកក់ច្រើនជាង ៦៥ ០០០ គ្រឿងនៅជុំវិញពិភពលោក ទោះបីជាវាមិនច្បាស់ថាចំនួនទាំងនេះត្រូវបានធ្វើឡើងនៅក្នុងសហរដ្ឋអាមេរិកក៏ដោយ អ្វីដែលគេដឹងគឺថា VinFast នឹងទទួលយកគំរូលក់ដ៏គួរឲ្យចាប់អារម្មណ៍មួយនៅក្នុងសហរដ្ឋអាមេរិកដែលជាកន្លែងដែល VF 8 មានតម្លៃលក់ចាប់ពី ៤២ ២០០ ដុល្លារ ដោយ​មិន​ប្រើ​អាគុយ ខណៈ​អាគុយត្រូវ​បាន​ជួល​ក្នុង​តម្លៃ​ប្រចាំខែ ៣៥ ដុល្លារ។ ដូចគ្នានេះដែរ រថយន្តអគ្គិសនី VF 9 មានតម្លៃចាប់ពី ៥៧ ៥០០ ដុល្លារ ដោយមិនចំបាច់ប្រើអាគុយបូកនឹងថ្លៃសេវាប្រចាំខែ ៤៤ ដុល្លារ សម្រាប់ថ្ម។

បើយោងតាមគេហទំព័រ Auto News បានរាយការណ៍ថាក្រុមហ៊ុនផលិតរថយន្តបានទទួលការជំរុញខ្លះប្រឆាំងនឹងម៉ូដែលលក់នេះ ហើយថាខ្លួនក៏នឹងដាក់លក់ម៉ូដែល VF 8 ក្នុងតម្លៃ ៥៧ ០០០ ដុល្លារ ដុល្លារបូកទាំងអាគុយ និង VF 9 ក្នុងតម្លៃ ៧៦ ០០០ ដុល្លារបូករួមទាំងថ្មដូចគ្នា។

ទន្ទឹមនឹងនេះ ចំពោះតម្លៃលក់របស់រថយន្តអគ្គិសនី VF 6 និង VF 7 នៅទីផ្សារសហរដ្ឋអាមេរិកនៅមិនទាន់បានប្រកាសទេ។ ទោះជាយ៉ាងណាក៏ដោយ សម្រាប់ម៉ូដែល ២ នេះនឹងមានតម្លៃថ្លៃជាងការគ្រោងទុក ដោយសារ VinFast លែងមានសិទ្ធិទទួលបានឥណទានពន្ធសហព័ន្ធចំនួន ៧ ៥០០ ដុល្លារ បន្ទាប់ពីការអនុវត្តច្បាប់កាត់បន្ថយអតិផរណារបស់ប្រធានាធិបតី Joe Biden ៕

ផ្ទាំងផ្សាយពាណិជ្ជកម្ម

BYD សម្រេចការលក់ឡានអគ្គិសនីបានដល់ ៣លានគ្រឿងទូទាំងសកលលោក

[ទីផ្សារបរទេស] ក្រុមហ៊ុនរថយន្តចិន BYD សម្រេចបានការលក់រថយន្តអគ្គិសនីចំនួនទី៣លានគ្រឿងនៅទូទាំងសកលលោក ស្របពេលដែលក្រុមហ៊ុនកំពុងបន្តពង្រីកខ្លួនទៅកាន់ទីផ្សារបរទេស។

រថយន្តថាមពលថ្មី (មានរាប់បញ្ចូលរថយន្ត PHEV និងរថយន្តអគ្គិសនីសុទ្ធ) ទីបីលានគ្រឿងរបស់ BYD ត្រូវផលិតរយៈពេល៦ខែបន្ទាប់ពីការផលិតរថយន្តថាមពលថ្មីទីពីរលានគ្រឿង។

នៅរយៈពេល៩ខែដំបូងនៃឆ្នាំ២០២២នេះ BYD រាយការណ៍ថាខ្លួនលក់រថយន្តថាមពលថ្មីបានប្រមាណ ១,១៨លានគ្រឿង ដោយក្នុងនោះមានប្រមាណ ៥៨ម៉ឺនគ្រឿង គឺជារថយន្តអគ្គិសនីសុទ្ធ ដែលកើនឡើង ២១៥% ធៀបនឹងពេលដូចគ្នាកាលពីឆ្នាំ២០២១។

BYD អះអាងថាខ្លួនបានពង្រីកទីផ្សារដល់ប្រទេសចំនួន៧០ នៅតាមទ្វីបចំនួន៦ រួមមាននៅអូស្ត្រាលី អឺរ៉ុប អាមេរិក និងតាមផ្នែកមួយចំនួននៃតំបន់អាស៊ីអាគ្នេយ៍ផងដែរ៕

ផ្ទាំងផ្សាយពាណិជ្ជកម្ម

ញាក់សាច់! សាកភ្លើងឡានភីកអាប់អគ្គិសនី Hummer EV មួយពេញ អស់លុយ១០០ដុល្លារ

[ទីផ្សារបរទេស] វីដេអូចេញផ្សាយដោយ YouTuber ឈ្មោះថា Out Of Spec Reviews បានបង្ហាញថាការសាកភ្លើងពី ០ ដល់ ១០០% សម្រាប់រថយន្តអគ្គិសនី Hummer EV ត្រូវចំណាយអស់ប្រមាណ ១០០ដុល្លារ ដោយចំណាយពេល ២ម៉ោង និង ៣០នាទី។

ការចំណាយនេះពិតជាច្រើន ប៉ុន្តែត្រូវដឹងថារថយន្តភីកអាប់អគ្គិសនីមានបំពាក់អាគុយដែលមានចំណុះធំរហូតដល់ ២០៥kWh ដែលទំហំនេះគឺធំជាងអាគុយរបស់រថយន្ត F-150 Lightning ប្រភេទ Standard Range រហូតដល់ពីរដងឯណោះ (៩៨kWh)។

រថយន្តដែលបានបង្ហាញក្នុងវីដេអូគឺជាប្រភេទ Edition 1 ដែលមានន័យថាវាមានមកជាស្តង់ដារនូវម៉ូទ័រអគ្គិសនីចំនួនបី អាចផលិតកម្លាំងបាន ១០០០សេះ និងមានចម្ងាយបើកបរប្រមាណ ៥២៩គីឡូម៉ែត្រ។

ត្បិតថារថយន្តមានអាគុយចំណុះតែ ២០៥kWh ប៉ុន្តែវិក័យបត្រគិតប្រាក់បង្ហាញថាវាបានប្រើប្រាស់ថាមពលអស់ ២២៤kWh ដោយសារការបាត់បង់ថាមពលពេលសាកភ្លើង ហើយការសាកនេះបានចំណាយអស់ ១០២,៣១ដុល្លារ គិតបញ្ចូលទាំងពន្ធ។

ម្ចាស់វីដេអូបានធ្វើការគណនាបង្ហាញថាការសាកភ្លើងនៅតាមផ្ទះប្រហែលជាចំណាយអស់ប្រមាណ ១៦ដុល្លារ ប៉ុណ្ណោះ សម្រាប់អ្នកដែលរស់នៅឯរដ្ឋ Colorado សហរដ្ឋអាមេរិក៕

ផ្ទាំងផ្សាយពាណិជ្ជកម្ម

ឡានស្ព័រ Acura NSX Type-S រថយន្តចុងក្រោយបង្អស់បានរំកិលចេញពីរោងចក្រហើយ

[បរទេស] ក្រុមហ៊ុនផលិតរថយន្ត Acura បានធ្វើការប្រកាសថារថយន្តស្ព័រ Acura NSX Type-S ជារថយន្តចុងក្រោយបានរំកិលចេញពីរោងចក្រហើយ។ ​សម្រាប់​ព្រឹត្តិការណ៍​ដ៏​សំខាន់​នេះ​បាន​ផលិតឡើង​នៅ​រោងចក្រ PMC ក្នុង​ទីក្រុង Marysville រដ្ឋ Ohio សហរដ្ឋអាមេរិក ។

Acura NSX Type-S ចុងក្រោយមកជាមួយស្លាកលេខ “350/350” ហើយត្រូវបានបញ្ចប់ដោយពណ៌ប្រផេះ (Gotham Grey Matte) ម៉ូដែលនេះក៏ជា NSX ជំនាន់ទី ២ ចុងក្រោយផងដែរ ដែលជាបង្ហាញពីការបញ្ចប់នៃរថយន្ត Supercar កូនកាត់ Hybrid Honda/Acura ផងដែរ។

គួរឲ្យដឹងថា រថយន្តនេះត្រូវបានដាក់បង្ហាញចេញនៅឆ្នាំ ២០២១ ហើយត្រូវបានបង្ហាញជាសាធារណៈនៅពិរព័ណ៍ Monterey Car Week ក្នុងឆ្នាំនោះ Acura NSX Type-S ត្រូវបានផលិតក្នុងចំនួនកំណត់ ត្រឹម ៣៥០​ គ្រឿងប៉ុណ្ណោះ។ ក្នុងចំណោមចំនួននេះ មានរថយន្ត ៣០០ គ្រឿងសម្រាប់ទីផ្សារសហរដ្ឋអាមេរិក និង ៣០ គ្រឿងសម្រាប់ទីផ្សារប្រទេសជប៉ុនខណៈពេលដែល ១៥ គ្រឿងទៀតទុកសម្រាប់ទីផ្សារប្រទេសកាណាដា។

NSX Type-S គឺជា​ប្រភេទ​រថយន្ត​ supercar ប្រើម៉ាស៊ីនកូនកាត់ hybrid ​ដែល​មាន​ថាមពល​ខ្លាំង​បំផុត ដោយ​ប្រើប្រាស់​ម៉ូទ័រ​អគ្គិសនី​ដែល​បាន​កែលម្អ​ចំនួន​៣ និង​ម៉ាស៊ីន​ចំណុះ ៣,៥ លីត្រ Twin-Turbo V6 អាច​ផលិត​កម្លាំងបាន ៦០០ សេះ និង​កម្លាំងរមួល ៦៦៧ ញ៉ូតុនម៉ែត្រ ។

ដូចដែលបានរៀបរាប់រួចមកហើយ ការបញ្ចប់ផលិតកម្មរបស់ NSX គឺជាការចាប់ផ្តើមនៃរយៈពេលរង់ចាំសម្រាប់អ្នកស្នងតំណែងរបស់ខ្លួន។ Acura បានបញ្ជាក់ជាថ្មីថា NSX ជំនាន់ក្រោយនឹងក្លាយជារថយន្ត supercar អគ្គិសនី ទោះបីជាព័ត៌មានលម្អិតផ្សេងទៀតអំពីម៉ូដែលនេះនៅមិនទាន់បញ្ចេញក៏ដោយ។ ទោះជាយ៉ាងណាក៏ដោយ ក្រុមហ៊ុន Honda ប្រហែលជាបានបញ្ចេញគំរូរថយន្តនេះ នៅក្នុងការប្រកាសអំពីផែនការអនាគតរបស់ខ្លួន ដែលបានកើតឡើងកាលពីដើមឆ្នាំនេះ។

ទន្ទឹមនឹងនេះ នៅពេលបានបញ្ចប់ផលិតកម្ម NSX របស់ខ្លួនហើយនោះ ខ្លួននឹងបន្តធ្វើការផលិតរថយន្តម៉ូដែលពិសេស Acura TLX Type S PMC Edition ស៊េរីឆ្នាំ ២០២៣ ជាមួយចំនួនមានកំណត់ត្រឹមតែ ១០០ គ្រឿងប៉ុណ្ណោះនៃជម្រើសពណ៌ដែលបានមកពី NSX នីមួយៗរួមមាន៖ Curva Red, 130R White និង Long Beach Blue ហើយនឹងបើកទទួលការកក់ទុកមុនចាប់ពីថ្ងៃទី ៨ ខែធ្នូ ឆ្នាំ ២០២២ ៕

ផ្ទាំងផ្សាយពាណិជ្ជកម្ម

ឡានអគ្គិសនី Toyota bZ4x ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពី ENCAP (មានវីដេអូ)

[បរទេស] កាលពីថ្ងៃទី ១៦ ខែវិច្ឆិកា ឆ្នាំ ២០២២ កន្លងទៅនេះ រថយន្តអគ្គិសនី Toyota bZ4x ស៊េរីឆ្នាំ ២០២២ បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំអឺរ៉ុប Euro NCAP ដោយទទួលបានចំណាត់ថ្នាក់ផ្កាយ ៥។

សម្រាប់ការធ្វើតេស្តសុវត្ថិភាពនេះដែរ រថយន្តអគ្គិសនី Toyota bZ4x បានទទួលពិន្ទុទៅលើការ

  • ការពារអ្នកដំណើរពេញវ័យចំនួន ៨៨ភាគរយ
  • ការការពារអ្នកដំណើរវ័យក្មេង ៨៧ភាគរយ
  • មុខងារជំនួយការបើកបរ និងសុវត្ថិភាព ៩១ភាគរយ
  • ការការពារអ្នកថ្មើរជើង ឬអ្នកធ្វើដំណើរនៅតាមដងផ្លូវចំនួន ៧៩ភាគរយ

សម្រាប់ការធ្វើតេស្តបុកប៉ះបានទទួលពិន្ទុទៅលើការ

  • ការធ្វើតេស្តបុកប៉ះផ្នែកខាងមុខ ៥០ភាគរយ ក្នុងល្បឿន ៥០ គីឡូម៉ែត្រក្នុងមួយម៉ោង។
  • ការធ្វើតេស្តបុកប៉ះផ្នែកទទឹងខាងមុខក្នុងល្បឿន ៥០ គីឡូម៉ែត្រក្នុងមួយម៉ោង។
  • ការធ្វើតេស្តបុកប៉ះនៅផ្នែកចំហៀងក្នុងល្បឿន ៦០ គីឡូម៉ែត្រក្នុងមួយម៉ោង។
  • ការធ្វើតេស្តបុកជាមួយបង្គោលរឹងក្នុងល្បឿន ៣២ គីឡូម៉ែត្រក្នុងមួយម៉ោង។

សូមបញ្ជាក់ថាទ្បានអគ្គិសនី Toyota bZ4X ត្រូវបានផលិតដោយប្រើប្រាស់ជាមួយគ្រោងឆ្អឹង Toyota New Global Architecture (e-TNGA) ប្រើម៉ូទ័រអគ្គិសនីមួយដែលផលិតកម្លាំងបាន ២០១សេះ និងមួយទៀតប្រើម៉ូទ័រអគ្គិសនីពីរដែលអាចផលិតកម្លាំងបាន ២១៥ សេះ ផ្គួបជាមួយអាគុយទំហំ ៧១,៤ គីទ្បូវ៉ាត់ និងមួយទៀតមានអាគុយ ៧២,៨ គីទ្បូវ៉ាត់ ដែលមានសមត្ថភាពអាចបើកបរបានចម្ងាយប្រមាណ ៤៥០គីឡូម៉ែត្រក្នុងការសាកម្តង ហើយអាគុយរបស់វាអាចសាកបានដល់ ៨០% ក្នុងពេលប្រមាណ៣០នាទី ដោយប្រើប្រាស់ប្រព័ន្ធសាកភ្លើងលឿន ១៥០ គីទ្បូវ៉ាត់៕

ផ្ទាំងផ្សាយពាណិជ្ជកម្ម

Cadillac CT6 ស៊េរីឆ្នាំ ២០២៤ ជំនាន់ថ្មី បង្ហាញរូបរាងជាលើកដំបូងនៅក្នុងប្រទេសចិន

[បរទេស] រថយន្ត Cadillac CT6 ជំនាន់ទី ២ ត្រូវបានបែកធ្លាយដោយក្រសួងឧស្សាហកម្ម និងបច្ចេកវិទ្យារបស់ប្រទេសចិន បង្ហាញពីការរចនាផ្នែកខាងក្រៅ និងលក្ខណៈពិសេសមួយចំនួន។ ម៉ូដែលថ្មីនេះជាម៉ូដែលខ្ពស់បំផុតរបស់ Cadillac ដែលប្រើថាមពលចំហេះសម្រាប់តែទីផ្សារប្រទេសចិនប៉ុណ្ណោះ។

second-generation

ផ្នែក​ខាង​ក្រៅ​នៃ​រថយន្ត​​ត្រូវ​បាន​រចនា​ឡើង​វិញ​ដោយ​ប្រើ​ភាសា​រចនា​ថ្មី​ជាង​របស់ Cadillac។ ផ្នែកខាងមុខមានបំពាក់ប៉ាណាមុខមួយផ្ទាំងធំអបដោយចង្កៀងមុខ LED រាងស្លីម និងអំពូលបំភ្លឺដែលដាក់បញ្ឈរនៅលើកាងបឺតខ្យល់។ ចង្កៀងខាងក្រោយរាងអក្សរ L មានរាងស្លីម ខ្ពស់ជាងមុន និងបំពង់ស៊ីមាំង ២ ដែលបង្ហាញពីកម្លាំងម៉ាស៊ីនរបស់រថយន្ត។

first-generation

តាមរូបភាពលេចធ្លាយពីមុនបានបង្ហាញនៅផ្នែកខាងក្នុង មានការរចនាបែប Escalade-style digital នៅលើផ្ទៃតាឡូដែលបានរចនាឡើងវិញ ជាមួយកុងទ័រព័ត៌មានឌីជីថល និងអេក្រង់កំសាន្ត touchscreen ជាប់គ្នាតែមួយ។ ម៉ូដែលនេះក៏ត្រូវបានគេរំពឹងថានឹងទទួលបានមុខងារបច្ចេកវិទ្យាបន្ថែមទៀត រួមទាំងប្រព័ន្ធចុងក្រោយបំផុតនៃប្រព័ន្ធ Super Cruise semi-autonomous system រួមជាមួយជម្រើសថ្មីសម្រាប់គ្រឿងបរិក្ខាដ៏ប្រណិត។

Cadillac CT6 ជំនាន់ទី  មានប្រវែងសរុប ៥ ២២៣ ម.ម ទទឹង ១ ៨៩០ ម.ម កម្ពស់ ១ ៤ ៧៣ ម.ម ដែលប្រហាក់ប្រហែលនឹងជំនាន់ទី ១ និងប្រវែងគន្លាតកង់មុខ-ក្រោយ ៣ ១០៩ ម.ម ម៉ូដែលថ្មីនេះ បានធ្វើឲ្យប្រសើរឡើងនៅប្រព័ន្ធជើងក្រោយនៃ GM Omega RWD ផងដែរ។

ទាក់ទងនឹងផ្នែកម៉ាស៊ីនវិញ រថយន្តនេះដំណើរការដោយម៉ាស៊ីនសាំងចំណុះ ២,០ លីត្រ​ turbocharged ទំហំ ៤ ស៊ីឡាំង អាចផលិតកម្លាំងបាន ២៣៣ សេះ និងកម្លាំងអតិបរម៉ា ២៣០ គីឡូម៉ែត្រ/ម៉ោង។ សម្រាប់ព័ត៌មានបន្ថែមនឹងបង្ហាញនៅពេលរថយន្តនេះបង្ហាញខ្លួនជាផ្លូវការនៅឆ្នាំ ២០២៣៕

ផ្ទាំងផ្សាយពាណិជ្ជកម្ម

Toyota ប្រាប់ច្បាស់ៗពីកម្រិតស៊ីប្រេងឡាន Prius ស៊េរីឆ្នាំ២០២៣

[ទីផ្សារបរទេស] ក្រោយពីបានប្រកាសចេញតាមរយៈការផ្សាយផ្ទាល់លើបណ្ដាញ YouTube សម្រាប់ទីផ្សារប្រទេសជប៉ុនរួច ពេលនេះ Toyota បានប្រកាសចេញរថយន្ត Prius ជំនាន់ថ្មីនៅក្នុងកម្មវិធី Los Angeles Auto Show សម្រាប់ទីផ្សារសហរដ្ឋអាមេរិក ដោយបានប្រាប់បន្ថែមពីព័ត៌មានសំខាន់មួយ។

រថយន្ត Prius ស៊េរីឆ្នាំ២០២៣សម្រាប់ទីផ្សារអាមេរិក មានបំពាក់ម៉ាស៊ីន ២,០លីត្រ ៤ស៊ីឡាំង ចូលរួមដោយអាលុយលីចូម-អ៉ីយ៉ុងថ្មីដែលមានថាមពលខ្លាំងក្លាជាងមុន ១៥% ទោះបីជាមានទម្ងន់ស្រាល និងតូចជាងអាគុយនីកែល-ដែកពីមុនក្ដី។

Prius ស៊េរីថ្មីនេះអាចផលិតកម្លាំងបាន ១៩៤សេះ ដែលខ្លាំងក្លាជាងមុន ៧៣សេះ អាចឲ្យវាស្ទុះពី ០ ដល់ ៩៦គ.ម/ម៉ ក្នុងពេល ៧,២វិនាទី ដែលលឿនជាងមុនប្រមាណ ២,៦វិនាទី។

ត្បិតថាខ្លាំងក្លា និងលឿនជាងមុន ប៉ុន្តែរថយន្ត Prius ស៊េរីថ្មីនៅតែអាចរក្សាសមត្ថភាពសន្សំសំចៃប្រេងបានល្អ ដោយ Toyota បានប៉ាន់ស្មានថារថយន្តនេះមានកម្រិតស៊ីប្រេងជាមធ្យមប្រមាណ ៤,១២លីត្រ សម្រាប់ការបើកបរចម្ងាយ១០០គីឡូម៉ែត្រ ធៀបនឹងម៉ូដែលមុនមានកម្រិតស៊ីប្រេង ៤,២លីត្រ។

និយាយពីការសន្សំសំចៃប្រេងនេះ Prius ជំនាន់ថ្មីក៏មានជាប្រភេទ PHEV ថ្មីឈ្មោះថា Prius Prime ដោយក្រុមហ៊ុនមិនបានលម្អិតពីលក្ខណៈបច្ចេកទេសនៃម៉ាស៊ីននោះទេ ប៉ុន្តែបានប្រាប់ថាវាអាចផលិតកម្លាំងបានសរុប ២២០សេះ អាចស្ទុះដល់ ៩៦គ.ម/ម៉ ក្នុងពេល ៦,៦វិនាទី ហើយវាអាចើកបរដោយប្រើថាមពលអគ្គិសនីសុទ្ធបានឆ្ងាយជាងមុន ៥០% ដោយស៊េរីមុនបើកបរបានចម្ងាយ ៦១គីឡូម៉ែត្រ។

Toyota Prius Prime ជំនាន់ថ្មីក៏មានភាពលេចធ្លោដោយមកជាស្តង់ដារនូវមុខងារ Traffic Jam Assist ហើយវាក៏មានជាផ្ទាំងសូឡារដែលអាចសាកបញ្ចូលអាគុយរថយន្តពេលចតរថយន្តដែលនេះគឺជា Option ដែលត្រូវចំណាយលុយបន្ថែម។

បញ្ជាក់ថាអំពីតម្លៃលក់ និងកាលបរិច្ឆេទនៃការចេញលក់នឹងត្រូវប្រកាសចេញនៅអំឡុងចុងឆ្នាំ២០២២នេះ៕

ផ្ទាំងផ្សាយពាណិជ្ជកម្ម
1...429430431...1,085ទំព័រ 430 នៃ 1,085

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com