ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 79

ចិន បង្ហាញបច្ចេកវិទ្យាសាកថ្មថ្មី អាចសាកឲរថយន្តជិះបានចម្ងាយ ១០០គ.ម ក្នុងពេលត្រឹមតែ ១ នាទី ប៉ុណ្ណោះ!

ដើម្បីជាឆ្លើយតបទៅនឹងតម្រូវការកាន់តែច្រើននៃការប្រើប្រាស់រថយន្តអគ្គិសនីនាពេលសព្វថ្ងៃនេះ ក្រុមហ៊ុន Orange Charging ដែលជាក្រុមហ៊ុនផ្ដល់សេវាកម្មសាកភ្លើងរថយន្តអគ្គិសនីដ៏ធំមួយរបស់ប្រទេសចិន ក៏ជាក្រុមហ៊ុនរបស់ DiDi Chuxing គឺបានប្រកាសបង្ហាញនូវបច្ចេកវិទ្យាសាកថ្មថ្មីមួយរបស់ខ្លួនហើយ ដែលបច្ចេកវិទ្យានេះគឺមានល្បឿនសាកខ្ពស់ និងមានប្រសិទ្ធភាពខ្លាំងដល់ទៅ ១ ៦០០គីឡូវ៉ាត់ ឯណ្ណោះ។

ក្នុងនោះ បច្ចេកវិទ្យាសាកថ្មថ្មីនេះ គឺអាចសាកថ្មក្នុងល្បឿនខ្ពស់ខ្លាំងណាស់ ដោយវាអាចសាកថ្មឲរថយន្តជិះបានចម្ងាយ ១០០ គីឡូម៉ែត្រ ក្នុងរយៈពេលត្រឹមតែ ១ នាទី ប៉ុណ្ណោះ។ ជាមួយគ្នានេះ បច្ចេកវិទ្យានេះ ក៏ត្រូវបានបង្កើតឡើងជាមួយនឹងប្រព័ន្ធប្រតិបត្តិការឆ្លាតវៃ “Unicorn OS” ដែលអាចចែកចាយថាមពលបានយ៉ាងមានប្រសិទ្ធភាព និងបត់បែនទៅតាមតម្រូវការរបស់រថយន្តផងដែរ។

គួរឲដឹងថា បច្ចុប្បន្ននេះ ក្រុមហ៊ុន Orange Charging គឺមានស្ថានីយសាកថ្មជាង ៤៦ ០០០ កន្លែង នៅក្នុងប្រទេសចិន ដែលក្នុងចំណោមនោះស្ថានីយសាកថ្មនីមួយៗគឺអាចសាកបានល្បឿន ១៨០គីឡូវ៉ាត់ ឡើងទៅ។

គួរបញ្ជាក់ថា បើទោះបីជាការសាកថ្មល្បឿនលឿននេះមានអត្ថប្រយោជន៍ខ្លាំងយ៉ាងណាក៏ដោយ ក៏នៅក្នុងពេលបច្ចុប្បន្ននេះ វានៅតែប្រឈមនឹងបញ្ហាមួយចំនួនដូចជាតម្លៃជាដើមផងដែរ ប៉ុន្តែក្រុមហ៊ុន Orange Charging ផ្ទាល់ ក៏គ្រោងនឹងដោះស្រាយបញ្ហាទាំងនេះ ដោយការបញ្ជូលនូវប្រព័ន្ធ AI ក៏ដូចជាប្រព័ន្ធសូឡាឆ្លាវៃ និងការសហការជាមួយអាជ្ញាធរជាតិដើម្បីដោះស្រាយបញ្ហាទាំងនេះផងដែរ៕

ផ្ទាំងផ្សាយពាណិជ្ជកម្ម

រថយន្ត Xpeng G7 ទទួលបានការបញ្ជាទិញ១មុឺនគ្រឿងក្នុងរយៈពេល៩នាទី

រថយន្ត SUV Xpeng G7 ដែលជាដៃគូប្រជែងជាមួយ Xiaomi YU7 ហើយនិង Tesla Model Y ទទួលបានការបញ្ជាទិញ ចំនួន១មុឺនគ្រឿង ត្រឹមតែរយៈពេល៩នាទី ក្រោយការប្រកាសចេញលក់ជាផ្លូវការនៅប្រទេសចិន។

New Xpeng G7 EV clocks up more than 10,000 orders in just one hourរថយន្ដ Xpeng G7 ដាក់លក់ជាមួយជម្រើស៣ម៉ូឌែលផ្ដល់ជូនអតិថិជនក្នុងនោះរួមមាន៖

  • ម៉ូឌែល 602 Max បំពាក់មកជអាគុយទំហំ 68.5 kWh អាចបើកបានចម្ងាយ 602 គីឡូម៉ែត្រ តម្លៃ 27,325 ដុល្លាេ
  • ម៉ូឌែល 702 Max បំពាក់មកជអាគុយទំហំ 80.8 kWh អាចបើកបានចម្ងាយ 702 គីឡូម៉ែត្រ តម្លៃ 28, 721 ដុល្លារ
  • ម៉ូឌែល Ultra បំពាក់មកជអាគុយទំហំ 80.8 kWh អាចបើកបានចម្ងាយ 702 គីឡូម៉ែត្រ មានសមត្ថភាពគណនា 2,250 TOPS តម្លៃ 31, 512 ដុល្លារ

Xpeng G7 is a Tesla Model Y rival that costs just $27,000 - Autoblogរថយន្ត Xpeng G7 ម៉ូឌែលស្ដង់ដារបំពាក់ដោយបន្ទះឈីប Nvidia Drive Orin ចំនួនពីរ ដែលមានសមត្ថភាព 508 TOPS (trillion operations per second) ប៉ុន្តែសម្រាប់ ម៉ូឌែលខ្ពស់បំផុត Ultra ត្រូវ​បាន​បំពាក់​ដោយ​បន្ទះ​ឈីប AI Turing ចំនួនបី អភិវឌ្ឍន៍ដោយ Xpeng ផ្ទាល់ ហើយ​គាំទ្រប្រព័ន្ធគណនា​ថាមពល​សរុប 2,250 TOPS ដែល​គាំទ្រ​មុខងារ​ជំនួយ​ការ​បើកបរ​កម្រិត​ខ្ពស់ ក្នុងការបើកបរនៅ​ទីក្រុង, នៅលើ​ផ្លូវ​ហាយវេនិង​ជំនួយ​ការចូល​ចត​កម្រិត​ខ្ពស់ ហើយត្រូវបាន​អះអាង​ថា​មានកម្រិតសមត្ថភាពស្មើ​នឹង​ថាមពល​នៃ​បន្ទះ​ឈីប Nvidia Orin-X ចំនួន​ប្រាំបួន។

បើប្រៀបធៀបជាមួយរថយន្ត Xiaomi YU7 មានបន្ទះឈីប ADAS ពី Nvidia គាំទ្រប្រព័ន្ធគណនា​ថាមពល​សរុបតែ 700 TOPS ហើយ Tesla Model Y ផលិតនៅចិនបំពាក់ជាមួយបន្ទះឈីប ADAS គាំទ្រប្រព័ន្ធគណនា​ថាមពល​សរុបតែ 720 TOPS ដូច្នេះមាន័យថា Xpeng G7 ម៉ូឌែលកំពូលមានសមត្ថភាពគណនា​ថាមពលខ្ពស់ជាងរថយន្ដ Xiaomi SU7 និង Tesla Model Y ។

Xpeng debuts G7 SUV and begins its pre-sales, featuring up to 3 in-house self-driving chips - CnEVPostអ្វីដែលគួរឲ្យចាប់អារម្មណ៍បំផុត រថយន្ដអគ្គិសនី Xpeng G7 បានដកចេញអេក្រង់កុងទ័រ ដោយបំពាក់ជាមួយប្រព័ន្ធ AR-HUD ដែលសហការផលិតជាមួយក្រុមហ៊ុន Huawei និងប្រព័ន្ធជំនួយការបើកបរ ដែលដំណើរការដោយបន្ទះឈីប AI Turing របស់ក្រុមហ៊ុនផ្ទាល់។

ប្រព័ន្ធ AR-HUD គឺជាផ្ទាំងបញ្ចាំងព័ត៌មាន Head-up Display ដែលមានទំហំរហូតដល់ ៨៧អុីញ ហើយបង្ហាញព័ត៌មានជា្រចើនដូចជាល្បឿនក្នុងការបើករ ការរុករកផ្លូវហើយនាំផ្លូវឆ្លាតវៃ និងការព្រមានផ្សេងៗ ទៅលើកញ្ចក់ខាងមុខរថយន្ត ដោយផ្អែកលើរូបភាពជាក់ស្ដែងពិតៗ ពេលកំពុងបើកបរតែម្ដង ការធ្វើបែបនេះដើម្បីឲ្យអ្នកបើកបរផ្ដោតអារម្មណ៍លើការការបើកកាន់តែល្អ ហើយមិនចាំបាច់ងាកភ្នែកចេញពីផ្លូវ ដើម្បីបង្កើនសុវត្ថិភាព និងកាត់បន្ថយការរំខានកាន់តែខ្ពស់។

Xpeng and Huawei show interactive car windshieldXpeng G7 ឌីស្សាញបែប “X Face” ជំនាន់ទីពីរ បំពាក់មកជាមួយភ្លើងបំភ្លឺពេលថ្ងៃអូសកាត់ពេញទឹទឹងផ្នែកខាងមុខ ហើយចង្កៀងមុខរចនាមកបំពាក់ក្នុងរន្ធខ្យល់តែម្ដង។ រថយន្តប្រភេទ mid-size SUV នេះមានប្រវែងតួខ្លួនសរុប ៨៩២ម.ម, ទទឹង ១ ៩២៥ម.ម, កម្ពស់ ១ ៦៥៥ម.ម និងប្រវែងគម្លាតកង់មុខក្រោយ ២ ៨៩០ម.ម។  រថយន្តនេះក៏បន្ថែមមកជាទ្វារអត់ស៊ុមកញ្ចក់ ហើយមានមុខងារបិទទ្វារដោយស្វ័យប្រវត្តិ, ដៃទ្វាររាបស្មើ។ ការរចនាផ្នែកខាងក្រោយបានបំពាក់មកជាមួយចង្កៀងរាងជាបន្ទាត់អូសកាត់ពេញទទឹងផ្នែកខាងក្រោយ ភ្ជាប់ជាមួយកាងក្រោយនៅជាប់ដំបូល។

នៅផ្នែកខាងក្នុងរថយន្ដបានលុបអេក្រង់កុងទ័របង្ហាញព័ត៌មាន ដោយសាររថយន្ដមានបំពាក់មកជាមួយប្រព័ន្ធ AR-HUD ហើយអេក្រង់កណ្តាលទំហំ 15.6 អុីញ ដើម្បីបង្ហាញទិន្នន័យបើកបរ និងប្រព័ន្ធកម្សាន្ត រួមបញ្ចូលគ្នាតែម្ដង។ បរិក្ខានៅផ្នែកខាងក្ននុងប្រើប្រាស់ជាមួយឈ, ប្រាក់ និងស្បែក ហើយមានជម្រើសពណ៌ខាងក្នុងចំនួន៤ប្រភេទ។

2025 Xpeng Motors G7 - Big on Size, Light on the Ego - DailyRevsXpeng G7 ផ្តល់ជូននូវផាសុកភាព និងបច្ចេកវិទ្យាកម្រិតខ្ពស់នៅខាងក្នុងកាប៊ីន ដោយកៅអីខាងក្នុងស្រោបដោយ Nappa មានមុខងារខ្យល់ក្ដៅ ត្រជាក់និងម៉ាស្សា។ គ្រឿងបរិក្ខារបន្ថែមរួមមាន កន្លែងសាកថ្មឥតខ្សែ 50W ចំនួនពីរនៅខាងមុខ ដំបូលកញ្ចក់បែប Panoramic  ភ្លើងបំភ្លឺលម្អក្នុងរថយន្ដ ២៥៦ពណ៌ កញ្ចក់មើលក្រោយបែបឌីជីថល ហើយបានបន្ថែមមកជាមួយអេក្រង់បញ្ជាទំហំ ៨អុីញសម្រាប់អ្នករួមដំណើរនៅផ្នែកខាងក្រោយ៕

ផ្ទាំងផ្សាយពាណិជ្ជកម្ម

រថយន្ដ Audi A5L ផលិតសហការជាគ្នាមួយចិនដាក់លក់ក្នុងតម្លៃ៣មុឺនដុល្លារជាង

រថយន្ត Audi A5L Sportback កើតចេញពីការបណ្តាក់ទុនរួមគ្នារវាងក្រុមហ៊ុន SAIC-Audi ត្រូវបានបើកលក់ជាផ្លូវការ ជាមួយនូវជម្រើសសរុបចំនួន៥ម៉ូឌែល ដាក់លក់ក្នុងតម្លៃចាប់ពី ៣៦ ៣០០ ដល់ ៤៤ ៧០០ដុល្លារ ។ A5L ផលិតឡើងផ្អែកលើគម្រូរថយន្ត Audi A5 ត្រូវបានកែប្រែបន្ដែមដើម្បីដាក់លក់នៅទីផ្សារប្រទេសចិន។


យោងតាមការប្រកាសផ្លូវការ រថយន្ត Audi A5L Sportback គឺជារថយន្តប្រើសាំងដំបូងគេបង្អស់របស់ពិភពលោកដែលបំពាក់ដោយប្រព័ន្ធ Huawei Qiankun ADS (ប្រព័ន្ធបើកបរកម្រិតខ្ពស់)។ រថយន្តនេះមានបំពាក់នូវ Lidars ចំនួនពីរ កាមេរ៉ាចំនួន ១១គ្រាប់ រ៉ាដា៦ មីល្លីម៉ែត្ររលកចំនួន៦គ្រាប់ និងរ៉ាដា ultrasonic ចំនួន១២គ្រាប់ នៅជុំវិញរថយន្តទាំងមូល។ 

ប្រព័ន្ធនេះគាំទ្រដល់មុខងារជំនួយចតរថយន្ត ក៏ដូចជាការរុករកដោយស្វ័យប្រវត្តិនៅលើផ្លូវល្បឿនលឿន និងក្នុងទីក្រុង រួមមាន៖ ការជៀសវាងឧបសគ្គដោយស្វ័យប្រវត្តិ (dynamic obstacle avoidance) ការគ្រប់គ្រងល្បឿនបើកបរដោយស្វ័យប្រវត្តិ (automatic cruise control) ប្រព័ន្ធជំនួយបត់ឆ្វេងដែលគ្មានការការពារ (unprotected left-turn assist) និងប្រព័ន្ធជំនួយប្ដូរគន្លងផ្លូវ (lane change assist)។


រថយន្ដនេះត្រូវបានផលិតឡើងផ្អែកលើគ្រោងឆ្អឹង PPC (Premium Platform Combustion) ដំណើរការដោយ ម៉ាស៊ីន EA888 Evo5 2.0 ភ្ជាប់មកជាមួយប្រអប់លេខ S-tronic ៧វគ្គ។ Audi A5L ផ្ដល់ជូនជម្រើសម៉ាស៊ីនចំនួន២ប្រភេទេ ក្នងម៉ាសុីនមានកម្លាំងទាបអាចផលិតកម្លាំងបាន  ២០១សេះ ហើយម៉ាស៊ីនកម្លាំងខ្ពស់អាចផលិតកម្លាំងបាន ២៦៨សេះ។ រថយន្តនេះដំណើរប្រព័ន្ធបើកបរប្រើបុង២ (four-wheel drive system)។

រថយន្ត Audi A5L Sportback មានប្រវែងតួខ្លួនសរុប ៤ ៩០៣មម  ទទឹង ១ ៨៨៣មម កម្ពស់ ១ ៤២៧មម និងប្រវែងគម្លាតកង់មុខក្រោយប្រវែង ២ ៩២២មម។ រថយន្ដនេះមានប្រវែងបណ្ដោយវែងជាង ៧៤មម ទទឹងធំជាង ២៣មម ទាបជាង ១៧មម បើធៀបនឹងរថយន្ត Audi A5៕

ផ្ទាំងផ្សាយពាណិជ្ជកម្ម

Nio ES8 ជំនាន់ទី ៣ នឹងប្រកាសចេញនៅចុងឆ្នាំនេះនៅចិន ជាមួយតម្លៃខ្ទង់ ៨មុឺនដុល្លារ!

បន្ទាប់ពីធ្វើការរង់ចាំអស់រយៈពេលជាយូរ ពេលនេះ រូបរាងផ្លូវការរបស់រថយន្ត Nio ES8 ជំនាន់ទី ៣ គឺត្រូវបានបង្ហាញចេញហើយ ហើយនឹងប្រកាសចេញជាផ្លូវការនៅក្នុងកម្មវិធី Nio Day 2025 ដែលនឹងធ្វើឡើងនៅចុងឆ្នាំនេះ នៅក្នុងប្រទេសចិន។

រថយន្តសេរ៊ីថ្មីនេះ គឺត្រូវបានផលិតឡើងនៅលើគ្រោងឆ្អឹង NT3.0 មានប្រវែងតួខ្លួនសរុប ៥ ២៨០ ម.ម ទទឹង ២ ០១០ ម.ម កម្ពស់ ១ ៨០០ ម.ម និងប្រវែងគម្លាតកង់ ៣ ១៣០ ម.ម ដំណើរការដោយម៉ូទ័រអគ្គីសនីចំនួន ២ ប៉ុង ២ (AWD) អាចផលិតកម្លាំងសរុបបានចំនួន ៦៩៧សេះ មានល្បឿនអតិបរមា ២២០គីឡូម៉ែត្រ ក្នុងមួយម៉ោង។ លើសពីនេះទៀត វាក៏គាំទ្រនូវការរសាកថ្មល្បឿនលឿន (5C) ដែលជិះបានចម្ងាយ ២៥០ គីឡូម៉ែត្រ ដោយគ្រាន់តែសាកក្នុងរយៈពេលត្រឹមតែ ៥ នាទី ផងដែរ។

គួរបញ្ជាក់ថា សម្រាប់ព័ត៌មានលម្អិតផ្សេងៗ និងតម្លៃរបស់រថយន្តជំនាន់ថ្មីនេះគឺពុំទាន់បង្ហាញចេញនៅឡើយទេ តែអាចនឹងមានតម្លៃលក់ប្រហាក់ប្រហែលទៅនឹងជំនាន់ទី ២ របស់វាដែរ ជាមួយតម្លៃលក់ចាប់ពី ៦៩ ៥០០ ដុល្លារ ដល់ ៨៣ ៤៦០ដុល្លារ នៅក្នុងទីផ្សារប្រទេសចិន៕

ផ្ទាំងផ្សាយពាណិជ្ជកម្ម

ការលក់របស់ Tesla បានកើនឡើងជាលើកដំបូងនៅទីផ្សារប្រទេសចិន

[បរទេស] ក្រុមហ៊ុនផលិតរថយន្ត Tesla ប្រចាំនៅទីផ្សារប្រទេសចិន បានប្រកាសថា នៅក្នុងខែមិថុនា ឆ្នាំ ២០២៥ ក្រុមហ៊ុនបានលក់រថយន្តបានចំនួនដល់ទៅ ៧១ ៥៩៩ គ្រឿង ជាចំនួនកើនឡើង ១៦,១% ពីខែឧសភា និងកើនឡើង ០,៨% ធៀបនឹងពេលដូចគ្នាក្នុងឆ្នាំ ២០២៤ ។

ជាមួយតួរលេខនេះ គឺជាការបញ្ចប់រយៈពេល ៨ខែនៃការថយចុះការលក់ពីមួយឆ្នាំទៅមួយឆ្នាំសម្រាប់ក្រុមហ៊ុន Tesla ប្រចាំនៅប្រទេសចិន ចាប់តាំងពីខែតុលា ឆ្នាំ ២០២៤ ហើយក៏ជាលើកដំបូងការកើនឡើងការលក់ពីមួយឆ្នាំ ទៅមួយឆ្នាំ ចាប់តាំងពីខែកញ្ញាឆ្នាំមុន ប៉ុន្តែការលក់ធ្លាក់ចុះ ១៤,៦% សម្រាប់នៅក្នុងត្រីមាសទី ១ នៃឆ្នាំ ២០២៥ ដែលបានចំនួន ៣៦៤ ៤៧៤ គ្រឿង ខណៈឆ្នាំមុនលក់បានដល់ទៅ ៤២៦ ៦២៣ គ្រឿងក្នុងរយៈពេលដូចគ្នា ។

គួរឲ្យដឹងថា នៅឆ្នាំ ២០២៥ គិតចាប់ពីខែមករា ដល់ខែ ឧសភា ក្រុមហ៊ុន Tesla បានចែកចាយរថយន្តបានចំនួន ២០១ ៩២៦ គ្រឿងនៅក្នុងប្រទេសចិន បានធ្លាក់ចុះ ៧,៨% បើធៀបនឹងរយៈពេលដូចគ្នាកាលពីឆ្នាំមុន ខណៈការលក់រថយន្ត Tesla Model Y បានធ្លាក់ចុះ ២៤% ។

សម្រាប់រោងចក្ររបស់ Tesla នៅទីក្រុង Shanghai ប្រទេសចិន ផលិតតែ ២ ម៉ូដែលប៉ុណ្ណោះគឺ Tesla Model 3 ប្រភេទ sedan និង Tesla Model Y ប្រភេទ SUV ៕

ផ្ទាំងផ្សាយពាណិជ្ជកម្ម

Ferrari បញ្ចេញ Supercar ម៉ូដែលថ្មី ដើម្បីជំនួយម៉ូដែលមួយនេះ

[បរទេស] ក្រុមហ៊ុនផលិតរថយន្ត Ferrari បានធ្វើការដាក់បញ្ចេញជាផ្លូវការនៅរថយន្ត Supercar ម៉ូដែលថ្មីមានឈ្មោះថា Ferrari Amalfi ស៊េរីថ្មីចុងក្រោយ មានតម្លៃលក់ចាប់ពី ២៨៣ ០០០ ដុល្លារ  ដើម្បីជំនួសរថយន្ត Supercar Ferrari Roma ដែលបង្ហាញខ្លួនត្រឹមតែ ៥ឆ្នាំប៉ុណ្ណោះ ។

សម្រាប់ឈ្មោះ Amalfi ជាឈ្មោះទីក្រុងឆ្នេរសមុទ្រដ៏ល្បីល្បាញមួយនៅភាគខាងត្បូងប្រទេសអ៉ីតាលី ដំណើរការដោយម៉ាស៊ីន V8 ចំណុះ ៣,៩ លីត្រ ជំនួយដោយ Twin-turbo អាចផលិតកម្លាំងបានដល់ទៅ​ ៦៤០ សេះ និងកម្លាំងរមួល ៧៦០ ញ៉ូតុនម៉ែត្រ ភ្ជាប់ដោយប្រអប់លេខ ៨វគ្គ ប្រភេទ F1 DCT dual-clutch និងអាចរត់ស្ទុះពីកុងទ័រ ០-១០០ គីឡូម៉ែត្រ ប្រើពេល ៣,៣ វិនាទី ជាមួយ Top-speed ៣២០ គីឡូម៉ែត្រ/ម៉ោង ។

សម្រាប់រូបរាង និងការឌីស្សាញផ្នែកខាងក្រៅ ទទួលបានភាសារចនាចុងក្រោយបង្អស់របស់ក្រុមហ៊ុន Ferrari Styling Center ដែកបានបំផុសគំនិតដោយទីក្រុងរ៉ូម ប៉ុន្តែត្រូវបានផ្លាស់ប្តូរទៅជារចនាបថសហសម័យ និងមានរូបរាងយ៉ាងប្រណិត ផ្តោតសំខាន់ទៅលើប្រព័ន្ធជ្រែកខ្យល់ Aerodynamic ដែលមានគម្របម៉ាស៊ីនរាងចោត ក៏ដូចជាកាងជ្រែកខ្យល់ បន្ថែមជាមួយប៉ាណារាងជាសំណាញ់ និងចង្កៀងមុខ LED ឌីស្សាញរាងស្រួច ព្រមទាំងប្រើប្រាស់ដៃទ្វារ Flush-door ថាសកង់ស្ព័រទំហំដល់ទៅ ២០អ៉ីញ បំពង់ស៊ីមាំងចំនួន ៤ និងកាង Spoiler បើក-បិទដោយអូតូនៅពេលឈានទៅដល់ល្បឿនកំណត់ ។

ចំពោះនៅផ្នែកខាងក្នុង ទទួលបានកៅអីស្ព័រស្រោបដោយស្បែកចំនួន ២ ក៏ដូចជាកុងទ័របង្ហាញព័ត៌មានឌីជីថលទំហំ ១៥,៦ អ៉ីញ និងអេក្រង់កំសាន្ត touchscreen ទំហំ ១០,២៥ អ៉ីញ រួមទាំងអេក្រង់សម្រាប់អ្នកដំណើរទំហំ ៨,៨ អ៉ីញ និងដៃចង្កូតឌីស្សាញថ្មីផងដែរ ៕

ផ្ទាំងផ្សាយពាណិជ្ជកម្ម

ជោគជ័យខ្លាំង ការលក់របស់ BYD ក្នុងឆមាសទី ១ កើនឡើងជិត ៣២% បើប្រៀបធៀបនឹងរយៈពេលដូចគ្នាកាលពីឆ្នាំមុន

បន្ទាប់ពីបានចំណាយពេល ១ខែពេញ នៅក្នុងការលក់ និងនាំចេញនូវរថយន្តរបស់ខ្លួន ពេលនេះ ក្រុមហ៊ុន BYD Group បានប្រកាសឲដឹងហើយថា នៅក្នុងខែមិថុនា ឆ្នាំ ២០២៥ នេះ ពួកគេគឺលក់រថយន្តបានចំនួនសរុបដល់ទៅ ៣៧៧ ៦២៨គ្រឿង ឯណ្ណោះ (រួមបញ្ចូលទាំងរថយន្តម៉ាក BYD ផ្ទាល់, ម៉ាក Denza, FCB និង Yangwang) ដែលចំនួននេះគឺចំនួនខ្ពស់បំផុតក្នុងឆ្នាំនេះបើប្រៀបធៀបខែផ្សេងៗនៅក្នុងឆ្នាំ២០២៥ នេះ។

ក្នុងចំណោមរថយន្តទាំងនោះ រថយន្តចំនួន ២០៦ ៨៨៤ គ្រឿង ឬ ៥៤,៨% គឺជារថយន្តអគ្គិសនី ហើយចំនួន ១៧០ ៧៤៤ គ្រឿងផ្សេងទៀត គឺជារថយន្ត PHEV ។ ក្នុងនោះ បើប្រៀបធៀបទៅនឹងខែមិថុនា ឆ្នាំ ២០២៤ ការលក់រថយន្តអគ្គិសនី (BEV) គឺបានកើនឡើងចំនួន ៤២,៥% ខណៈការលក់រថយន្ត PHEV វិញ គឺបានធ្លាក់ចុះ ១២,៥% ប៉ុន្តែនេះគឺលើកទី ៣ ហើយ នៅក្នុងឆ្នាំ២០២៥ នេះ ដែល BYD លក់រថយន្តអគ្គិសនីរបស់ខ្លួនបានចំនួនលើសពី ៥០% នៃការលក់សរុប។

ជាមួយគ្នានេះ ការនាំចេញវិញ ក៏មានការកើនឡើងយ៉ាងចាស់ដៃផងដែរ ដោយមានចំនួនដល់ទៅ ៩០ ០៤៩ គ្រឿង ឯណ្ណោះ។ ក្នុងនោះ បើប្រៀបធៀបទៅនឹងខែមិថុនា ឆ្នាំ ២០២៤ ការនាំចេញនេះ គឺមានកើនឡើងដល់ទៅ ២៣៣,៦% ឯណ្ណោះ។

បើសរុបក្នុងឆមាសទី ១ (ខែមករា ដល់ខែមិថុនា) ក្នុងឆ្នាំ ២០២៥ នេះ ក្រុមហ៊ុន BYD បានលក់រថយន្តបានដល់ទៅ ២,១១ លានគ្រឿង ឯណ្ណោះ កើនឡើង ៣១,៥% បើប្រៀបធៀបនឹងរយៈពេលដូចគ្នាកាលពីឆ្នាំមុន។ ក្នុងនោះ ក្រុមហ៊ុនផ្ទាល់ ក៏បានដាក់គោលដៅក្នុងការលក់រថយន្តឲបានចំនួនដល់ ៥,៥ លានគ្រឿង នៅក្នុងឆ្នាំ ២០២៥ នេះផងដែរ ខណៈឆ្នាំមុនពួកគេលក់រថយន្តបានចំនួនត្រឹមតែ ៤,២៧ លានគ្រឿងប៉ុណ្ណោះ៕

ផ្ទាំងផ្សាយពាណិជ្ជកម្ម

Honda បញ្ចេញរថយន្តប្រើ Hybrid ជិះ ១០០គីឡូម៉ែត្រ ស៊ីសាំង ៣លីត្រ ឯតម្លៃខ្ទង់ ១មុឺនដុល្លារ

[បរទេស] ក្រុមហ៊ុនផលិតរថយន្ត Honda បានធ្វើការដាក់បញ្ចេញជាផ្លូវការនៅរថយន្ត Honda Fit ស៊េរីឆ្នាំ ២០២៥ ប្រភេទកូនកាត e:HEV ផ្តល់នៅភាពសន្សំសំចៃខ្ពស់ សម្រាប់នៅទីផ្សារប្រទេសជប៉ុន ជាមួយតម្លៃលក់ចាប់ពី ១៤ ៣៩០ ដុល្លារ ដល់ ១៩ ២៣០ ដុល្លារ ។

Honda Fit ស៊េរីឆ្នាំ ២០២៥ ដំណើរការដោយប្រព័ន្ធ Full-Hybrid ធ្វើការជាមួយម៉ាស៊ីនសាំងចំណុះ ១,៣ លីត្រ ទំហំ ៤ស៊ីឡាំង និងម៉ូទ័រអគ្គិសនី ១ អាចផលិតកម្លាំងបាន ១២៣ សេះ និងកម្លាំងរមួល ២៥៣ ញ៉ូតុនម៉ែត្រ ភ្ជាប់ដោយប្រអប់លេខអូតូ E-CVT និងមាន Driving Mode ចំនួន ៣ រួមមាន EV Driving Mode, Hybrid Driving Mode និង Engine Driving Mode ជាមួយកម្រិតស៊ីប្រេងខ្ទង់ ៣លីត្រប៉ុណ្ណោះ ក្នុងរយៈចម្ងាយ ១០០ គីឡូម៉ែត្រ ។

រថយន្តប្រភេទ hatchback នេះ មានប្រវែងតួខ្លួនសរុប ៣ ៩៩៥ ម.ម ទទឹង ១ ៦៩៥ ម.ម កំពស់ ១ ៥២៥ ម.ម និងប្រវែងគម្លាតកង់មុខ-ក្រោយ ២ ៦៥០ ម.ម ។ សម្រាប់រូបរាង និងការឌីស្សាញផ្នែកខាងក្រៅ មានប៉ាណា រួមទាំងរន្ធខ្យល់ទំហំធំ សម្រាប់លំហូរខ្យល់ទៅបញ្ចុះកម្តៅម៉ាស៊ីន ព្រមទាំងប្រើថាសកង់ស្ព័រទំហំ ១៦ អ៉ីញ ចង្កៀងមុខ-ក្រោយប្រភេទ LED រាងមូល និងសេនស័រខាងមុខ-ក្រោយសរុប ៨គ្រាប់ ដែលជំនួយទៅដល់ទៅប្រព័ន្ធ Auto Parking ផងដែរ ។

ចំពោះនៅផ្នែកខាងក្នុង មានកុងទ័របង្ហាញព័ត៌មានឌីជីថលទំហំ ៧អ៉ីញ និងអេក្រង់កំសាន្ត touchscreen ទំហំ ៩អ៉ីញ ក៏ដូចជាហ្វ្រាំងដៃអេឡិចត្រូនិច ជាមួយ Auto Hold និងទទួលបានកញ្ចប់សុវត្ថិភាព Honda SENSING safety system ទៀតផង ៕

ផ្ទាំងផ្សាយពាណិជ្ជកម្ម

Mitsubishi បញ្ចេញរថយន្ត SUV ម៉ូដែលថ្មី តម្លៃជិត ៤ម៉ឺនដុល្លារ

[បរទេស] ក្រុមហ៊ុនផលិតរថយន្ត Mitsubishi បានធ្វើការដាក់បញ្ចេញជាផ្លូវការថា រថយន្ត Mitsubishi Grandis ស៊េរីឆ្នាំ ២០២៥ ប្រភេទ SUV ប្រើថាមពលកូនកាត់ Hybrid សម្រាប់លក់នៅទីផ្សារអឺរ៉ុប ហើយគ្រោងនឹងចេញលក់នៅចុងឆ្នាំ ២០២៥ ឬដើមឆ្នាំ ២០២៦ ជាមួយតម្លៃលក់ចាប់ពី ៣៩ ១៥៥ ដុល្លារ ។

សម្រាប់រថយន្ត Mitsubishi Grandis ថ្មីនេះ ត្រូវបានផលិតឡើងនៅលើគ្រោងឆ្អឹង CMF-B platform ផ្តល់នៅជម្រើសម៉ាស៊ីន Hybrid ចំនួន ២ រួមមាន៖

  • ប្រព័ន្ធ Mild-hybrid ធ្វើការជាមួយម៉ាស៊ីនសាំងចំណុះ ១,៣ លីត្រ ជំនួយដោយ Turbocharged អាចផលិតកម្លាំងបាន ១៤០ សេះ ភ្ជាប់ដោយប្រអប់លេខដៃ ៦វគ្គ ឬប្រអប់លេខអូតូ ៧វគ្គ ប្រភេទ dual-clutch
  • ប្រព័ន្ធ full-hybrid ធ្វើការជាមួយម៉ាស៊ីនសាំងចំណុះ ១,៨ លីត្រ និងម៉ូទ័រអគ្គិសនី ១ អាចផលិតកម្លាំងបានសរុប ១៦០ សេះ ភ្ជាប់ដោយប្រអប់លេខដៃ ៦វគ្គ ឬប្រអប់លេខអូតូ ៧វគ្គ ប្រភេទ dual-clutch ភ្ជាប់ដោយប្រអប់លេខអូតូ ។

រថយន្តនេះ មានប្រវែងតួខ្លួនសរុប ៤ ៤១០ ម.ម ទទឹង ១ ៧៩០ ម.ម កំពស់ ១ ៥៧០ ម.ម និងប្រវែងគម្លាតកង់មុខ-ក្រោយ ២ ៦៣៨ ម.ម ។ សម្រាប់ផ្នែកខាងក្រៅ ទទួលបានការផ្លាស់ប្តូររូបរាងថ្មីទាំងស្រុង ដោយបានប្រើប្រាស់ភាសារចនា Mitsubishi Dynamic Shield ជាមួយប៉ាណាមុខទំហំធំ ចង្កៀងមុខ-ក្រោយប្រភេទ LED ព្រមទាំងថាសកង់ស្ព័រទំហំ ១៧អ៉ីញជាដើម ។

ចំពោះនៅផ្នែកខាងក្នុង ទទួលបានកុងទ័របង្ហាញព័ត៌មានឌីជីថលទំហំ ១០អ៉ីញ និងអេក្រង់កំសាន្ត touchscreen ទំហំ ១០,៤ អ៉ីញ អាចប្រើមុខងារ Apple CarPlay/Android Auto រួមទាំងឧបករណ៍បំពងសំឡេងម៉ាក Harman Kardon និងប្រព័ន្ធជំនួយការអ្នកបើកបរ ADAS កម្រិតខ្ពស់ ដែលបញ្ចូលរដល់ទៅ ២០មុខងារឯណ្ណោះ ៕

ផ្ទាំងផ្សាយពាណិជ្ជកម្ម

Tesla Model 3 ស៊េរីថ្មីចុងក្រោយ អាប់ដេតបន្ថែម ជិះបានឆ្ងាយជាងមុន ឯតម្លៃក៏ថ្លៃជាងមុន

[បរទេស] ក្រុមហ៊ុនផលិតរថយន្ត Tesla បានធ្វើការអាប់ដេតបន្ថែមពាក់កណ្តាលឆ្នាំ ទៅលើរថយន្តអគ្គិសនីសុទ្ធ Tesla Model 3 ស៊េរីថ្មីចុងក្រោយ ម៉ូដេល Long-range AWD សម្រាប់នៅទីផ្សារប្រទេសចិន ជាមួយតម្លៃលក់ ៣៩ ៩០០ ដុល្លារ ថ្លៃជាងមុន ១ ៤០០ ដុល្លារ ។

សម្រាប់ការអាប់ដេតបន្ថែមទៅលើរថយន្តអគ្គិសនីសុទ្ធ Tesla Model 3 Long-range AWD ថ្មីនេះ បានបន្ថែមនៅចម្ងាយបើកបរបានឆ្ងាយជាងមុន ៤០គីឡូម៉ែត្រ ពោលគឺសាកថ្មពេញម្តង អាចបើកបរបានចម្ងាយ ៧៥៣ គីឡូម៉ែត្រ ដោយពីមុនបានត្រឹម ៧១៣ គីឡូម៉ែត្រ ខណៈទំហំនៃកញ្ចប់អាគុយនៅដដែល គឺប្រើអាគុយទំហំ ៧៨.១ គីឡូវ៉ាត់ម៉ោង និងអាចរត់ស្ទុះពីកុងទ័រ ០-១០០ គីឡូម៉ែត្រ/ម៉ោង ប្រើពេល ៣,៨ វិនាទី ខណៈពីមុខប្រើពេល ៤,៤ វិនាទី ចេញពីម៉ូទ័រអគ្គិសនីចំនួន ២ ។

គួរឲ្យដឹងថា មិនត្រឹមតែរថយន្តអគ្គីសនីសុទ្ធ Tesla Model 3 ម៉ូដេល Long-range AWD ដែលបានទទួលបានការអាប់ដេតនោះទេ ក្នុងនោះរថយន្ត Tesla Model Y Juniper ស៊េរីថ្មីចុងក្រោយ ម៉ូដែល Long-range AWD ក៏បានអាប់ដេតបន្ថែមដូចគ្នា ដែលអាចបើករបានចម្ងាយឆ្ងាយជាងមុន ដោយពីមុនបានត្រឹម ៧១៩ គីឡូម៉ែត្រ ដោយបច្ចុប្បន្នអាចបើកបាន ៧៥០ គីឡូម៉ែត្រ ឯតម្លៃលក់មិនមានការផ្លាសប្តូរនោះទេ ៕

Tesla Model Y Juniper
ផ្ទាំងផ្សាយពាណិជ្ជកម្ម
1...787980...1,079ទំព័រ 79 នៃ 1,079

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com