រថយន្ដ PHEV Geely Lynk & Co 10 មានកម្លាំងដល់ ៥២៣សេះ ត្រៀមចេញលក់នាពេលខាងមុខ

June 28, 2025

រថយន្តប្រភេទ Plug-in Hybrid ម៉ូឌែល Lynk & Co 10 EM-P របស់ក្រុមហ៊ុន Geely បានបង្ហាញរូបភាពជាផ្លូវការហើយ មុនពេលការដាក់លក់ជាផ្លូវការនៅចិន។ រថយន្តនេះនឹងមានវត្ដមានចូលទីផ្សារនៅក្នុងស្រុកនៅត្រីមាសទី ៣ ឆ្នាំ២០២៥។

Lynk & Co 10 EM-P ជារថយន្តប្រភេទ Plug-in Hybrid មានលក្ខណៈស្រដៀងនឹងរថយន្តអគ្គិសនី Z10 BEV Sedan ដែលបានដាក់លក់នាពេលកន្លងមក។ អ្វីដែលចាប់អារម្មណ៍ខ្លាំងរថយន្ដបានប្រើប្រាស់ទឹកថ្នាំប្រភេទ Xirallic ដែលជាទឹកថ្នាំល្បីល្បាញ ដោយសារតែវាមានពន្លឺភ្លឺចែងចាំង និងពណ៌ស្រស់ស្អាត បន្ថែមជាមួួយបន្ទះអាលុយមីញ៉ូមអុកស៊ីតឆ្លុះបញ្ចាំងពន្លឺ។

រថយន្តនេះមានបំពាក់កង់ទំហំ ២១ អុីញបែប multi-spoke two-tone និងដំបូលពណ៌ខ្មៅ។ ផ្នែកខាងក្រៅមានលក្ខណៈពិសេសផ្សេងទៀតដូចជា ផ្នែកខាងមុខរចនារាងស្រួច, ដៃទ្វាររាបស្មើ និងកាងក្រោយរលោងហើតប្រណីត។ ផ្នែកខាងមុខរបស់ Lynk & Co 10 EM-P បំពាក់ជាមួយរ៉ាដា mm-wave ខណៈនៅលើដំបូលបំពាក់ជាមួយឧបករណ៍ចាប់សញ្ញា LiDAR។

យោងតាមមន្រ្ដីជំនាញរបស់ក្រុមហ៊ុន Lynk & Co បានបញ្ជក់ឲ្យដឹងថា រថយន្តម៉ូឌែលនេះ ប្រើប្រាស់ការរួមបញ្ចូលគ្នានៃម៉ាស៊ីនសាំងចំណុះ ១.៥ លីត្រ ជាមួយនឹងប្រព័ន្ធបើកបរ DHT Evo ដំណើរការដោយម៉ូទ័រអគ្គិសនី នៅខាងក្រោយ។ រថយន្ត Lynk & Co 10 EM-P អាចផលិតកម្លាំងបាន ៥២៣សេះ នេះហើយជាចំណុចទាក់ចិត្តខ្លាំង ដោយសារតែជាឡានជួយសន្សំសំចៃដោយដំណើរដោយប្រព័ន្ធ Plug-in Hybrid ហើយមានម្លាំងខ្លាំងទៀត។

ទោះបីជារថយន្តប្រភេទ Seden មែនប៉ុន្តែ Lynk & Co 10 EM-P មានទំហំរាងទូលាយគ្រាន់បើ ដោយមានប្រវែងតួខ្លួនសរុប ៥ ០៥០ម.ម ទទឹង ១ ៩៦៦ កម្ពស់ ១៤៨៧មម និងមានប្រវែងកង់មុខក្រោយ ៣ ០០៥មម។ យ៉ាងណាចំពោះព័ត៌មានលម្អិតនិងតម្លៃរបស់រថយន្ដមិនទាន់បានបង្ហាញជាផ្លូវការនៅឡើយទេ៕

ផ្ទាំងផ្សាយពាណិជ្ជកម្ម

រថយន្ដអគ្គិសនី Leapmotor B01 អាចបើកបាន ៦៥០គីឡូម៉ែត្រ ខណៈតម្លៃតែ២មុឺនដុល្លារ

June 27, 2025

រថយន្តអគ្គិសនី Leapmotor B01 ប្រភេទ Sedan មានចម្ងាយបើកបរសេុប ៦៥០គីឡូម៉ែត្រ នឹងចាប់ផ្តើមដាក់លក់ជាតម្លៃទិញកក់ទុកមុន (presale) នៅក្នុងប្រទេសចិន ជាមួយតម្លៃប្រហែល ១៥០ ០០០ យ៉ន់ ឬស្មើនិងប្រមាណ ២០ ៩០០ដុល្លារ។

Leapmotor B01 ផលិតមកកំណត់គោលដៅលើអតិថិជនបែបយុវជន ផ្ដល់នូវជម្រើសរយៈចម្ងាយក្នុងការបើកបរ ២ជម្រើសផ្សេងគ្នាក្នុងនោះមានចម្ងាយ ៥៥០គីឡូម៉ែត្រ និង ៦៥០ គីឡូម៉ែត្រ។ តាមការំពឹងទុក B01 នឹងក្លាយជាគូប្រកួតប្រជែងជាមួយរថយន្ដ BYD Qin L EV និង Xpeng Mona M03 ។

រថយន្ត Leapmotor B01 ត្រូវបានផលិតឡើងផ្អែកលើគ្រោងឆ្អឹង LEAP 3.5 មានប្រវែងតួខ្លួនសរុប ៤ ៧៧០មម ទទឹង ១ ៨៨០មម កម្ពស់ ១ ៤៩០មម និងមានប្រវែងគម្លាតកង់មុខក្រោយ ២ ៧៣៥មម។ រថយន្ដនេះដំណើរការដោយបន្ទះឈីប Qualcomm Snapdragon 8650 រួមបញ្ចូលជាមួយប្រព័ន្ធគ្រប់គ្រងកម្ដៅ 27-in-1 និងគាំទ្រសាកថ្ម 800V high-voltage ។

អ្វីដែលគួរឲ្យកត់ចាប់អារម្មណ៍គឺផ្នែកខាងក្រៅមានបំពាក់នូវ lidar ដំបូល (roof lidar) ភ្លើងបំភ្លឺពេលថ្ងៃខារចនាជាមួយរបា ប៉ាណាខាងមុខបិទជិតភ្ជាប់ជាមួយអំពូល LED។ នៅផ្នែកខាងក្រោយដែលស្រដៀងនឹងផ្នែកខាងមុខផងដែរ ដោយបំពាក់មកជាមួយចង្កៀងរចនាអូសកាត់ពេញទទឹងផ្នែកខាងក្រោយ។ រថយន្តនេះនឹងមានជម្រើស ៨ ពណ៌រួមមាន ពណ៌ស្វាយ ប្រាក់ ប្រផេះ (ពីរប្រភេទ) ស ផ្កាឈូក ខ្មៅ និង ខៀវ។ ការរចនាច្រើនពណ៍ ហើយជាពណ៍បែប Cute នេះគឺដើម្បីចិត្តអតិថិជនបែបយុវជន។

Leapmotor B01 គាំទ្រប្រព័ន្ធជំនួយការបើកបរទំនើប (ADAS) តាមរយៈ. lidar នៅលើដំបូល រួមបញ្ចូលជាមួយកាមេរ៉ាចំនួន ១១គ្រាប់, រ៉ាដា (Millimeter-wave radar) ៥ទីតាំង និងSensors មុខក្រោយចំនួន ១២គ្រាប់ មានមុខងារ (autopilot) មានសមត្ថភាពគ្រប់គ្រងការរុករកនៅលើផ្លូវហាយវេ និងក្នុងទីក្រុងដោយស្វ័យប្រវត្តិ មានន័យថារថយន្តអាចបង្វិលចង្កូត បង្កើនល្បឿន និងចាប់ហ្វ្រាំងដោយស្វ័យប្រវត្តិក្នុងស្ថានភាពជាក់លាក់ប្រកបដោយសុវត្ថិភាពខ្ពស់។

រថយន្តនេះដំណើរដោយម៉ូទ័រអគ្គិសនីនៅផ្នែកខាងក្រោយ មានសមត្ថភាពផលិតកម្លាំងបាន ១៧៧សេះ និង២១៥សេះ រួមជាមួយនឹងកញ្ចប់អាគុយលីចូមដែកផូស្វាតទំហំ 56.2 kWh ឬ 67.1 kWh ផ្តល់នូវចម្ងាយបើកបរ ៥៥០គីឡូម៉ែត្រ និង ៦៥០គីឡូម៉ែត្រ គិតតាមស្ដង់ដារវាស់ចម្ងាយ CLTC។

ប្រព័ន្ធផ្សព្វផ្សាយចិនបានរាយការណ៍ថា រថយន្ត Leapmotor B01 ក៏នឹងចេញលក់នូវ រថយន្ដកម្រិតមូលដ្ឋាន (entry-level version) ដែលបំពាក់ដោយ ម៉ូទ័រអគ្គិសនីអាចផលិតកម្លាំងបាន ១៣៤ សេះ។ ចូលមកដល់ផ្នែកខាងក្នុង បានមានបំពាក់មកជាមួយអេក្រង់កុងទ័រឌីជីថលទំហំ ៨.៨ អុីញ អេក្រង់កម្សាន្ដទំហំ ១៤.៦ អុីញ កម្រិត 2.5K ចង្កូតរាងសំប៉ែត ។ រថយន្ដដំណើរការប្រព័ន្ធប្រតិបត្តិការ Leapmotor OS 4.0 Plus មានមុខងងារបញ្ចាដោយសំឡេង AI ផងដែរ៕

ផ្ទាំងផ្សាយពាណិជ្ជកម្ម

Geely Coolray L ស៊េរីថ្មីចុងក្រោយ បង្ហាញខ្លួនជាផ្លូវការ ឯតម្លៃខ្ទង់ ១ម៉ឺនដុល្លារ នៅប្រទេសចិន

June 27, 2025

[បរទេស] ក្រុមហ៊ុនផលិតរថយន្ត Geely បានធ្វើការបញ្ចេញជាផ្លូវការនៅរថយន្តលក្ខណៈគ្រួសារមានឈ្មោះថា Geely Coolray L ស៊េរីថ្មីចុងក្រោយ ប្រភេទ compact-SUV សម្រាប់សមាជិកគ្រួសារ ៥នាក់ ដែលមានតម្លៃលក់ចាប់ពី ១១ ៨០០ ដុល្លារប៉ុណ្ណោះនៅទីផ្សារប្រទេសចិន ។

រថយន្តនេះ ដំណើរការដោយម៉ាស៊ីនសាំងចំណុះ ១,៥ លីត្រ ទំហំ ៤ស៊ីឡាំង អាចផលិតកម្លាំងបាន ១៨១ សេះ និងកម្លាំងរមួល ២៩០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧វគ្គប្រភេទ dual-clutch មានកម្រិតស៊ីប្រេងខ្ទង់ ៦លីត្រ/១០០ គីឡូម៉ែត្រ ។

រថយន្តនេះ ប្រភេទ compact-SUV នេះ មានប្រវែងតួខ្លួនសរុប ៤ ៣៨០ ម.ម ទទឹង ១ ៨០០ ម.ម និងកំពស់ ១ ៦០៩ ម.ម ។ សម្រាប់ផ្នែកខាងក្រៅ ត្រូវបានឌីស្សាញឡើងផ្តោតសំខាន់នៅភាពស្ព័រ ដែលយើងឃើញមានភាពទាក់ទាញខ្លាំង ជាពិសេសនៅផ្នែកខាងមុខ បានបំពាក់ប៉ាណាទំហំធំ ជាប់ជាមួយកាងជ្រែកលយមកមុខ ចង្កៀងមុខ-ក្រោយប្រភេទ LED ឌីស្សាញដូចគ្នាទៅនឹងម៉ូដែល Coolray ធម្មតា ។ លើសពីនេះក៏មានសេនស័រជំនួយទៅដល់ប្រព័ន្ធចេញ-ចូលចំណត Auto parking ផងដែរ ។

ចំពោះនៅផ្នែកខាងក្នុងវិញ ក៏ត្រូវបានតុបតែងផ្តោតទៅលើភាពស្ព័រដូចគ្នា ដោយទទួលបានកុងទ័របង្ហាញព័ត៌មានឌីជីថលទំហំ ៧ អ៉ីញ និងអេក្រង់កំសាន្ត touchscreen ទំហំ ១៤ អ៉ីញ ជាមួយប្រព័ន្ធកាមេរ៉ា ៣៦០ដឺក្រេ មានខ្សែបន្ទាត់រេតាមចង្កូត, កៅអីស្បែកចុចអូតូខ្យល់ត្រជាក់-ក្តៅ, ហ្វ្រាំងដៃអេឡិចត្រូនិច, កន្លែងសាកថ្មឥតប្រើខ្សែ និងដំបូលកញ្ចក់ Panoramic sunroof ជាដើម។ មិនត្រឹមតែប៉ុណ្ណោះ ក៏ទទួលបានចំណាត់ថ្នាក់ផ្កាយ ៥ ក្នុងការធ្វើសេត្តសុវត្ថិភាពចេញពីស្ថាបន័ប្រចាំតំបន់អាស៊ាន Asean NCAP ទៀតផង ៕

ផ្ទាំងផ្សាយពាណិជ្ជកម្ម

Mercedes បង្ហាញគម្រូឡានអគ្គិសនីមានកម្លាំងលើស១ពាន់សេះ សាកថ្ម៥នាទីជិះបាន៤០០គ.ម

June 27, 2025

ក្រុមហ៊ុន Mercedes បានបង្ហាញរថយន្តគម្រូ AMG GT XX ជារថយន្តប្រភេទ Sedan ប្រើប្រាស់ថាមពលអគ្គិសនី គ្រោងនឹងផលិតនៅឆ្នាំក្រោយ។

រថយន្ដ Mercedes-AMG GT XX កំពុងបោះជំហានឈានចូលយុគសម័យរថយន្ដអគ្គិសនីបែបអនាគត ។ រថយន្ដនេះជាប្រភេទទ្វារបួនប្រណីត ដំណើរការដោយម៉ូទ័រអគ្គិសនី axial flux ចំនួនបី អាចផលិតកម្លាំងសរុបលើសពី ១ ៣៤១សេះ ហើយអាចបើកបរល្បឿនអតិបរមាជាង ៣៥៩គីឡូម៉ែត្រក្នុងមួយម៉ោង។

មិនមែនលឿនតែល្បឿនទេ សូម្បីសាកថ្មក៏លឿនដែរ AMG GT XX មួយគ្រឿងសាកថ្មតែ៥នាទី អាចបើកបរបានចម្ងាយ៤០០គីឡូម៉ែត្រ ដោយសារតែល្បឿននៃការសាកថ្មរថយន្ដ លឿនជាងឆ្នាំងសាក DC លឿនធម្មតាទ្វេ ពីព្រោះក្រុមហ៊ុន Mercedes បានចាប់ដៃគូជាមួយក្រុមហ៊ុន Alpitronic ដើម្បីអភិវឌ្ឍស្ថានីយ៍សាកថ្មគំរូមួយ។ នៅពេលចេញលក់ជាមួយផ្លវការ ក្រុមហ៊ុនបាននិយាយថា ពួកគេនឹងពង្រីក ស្ថានីយសាកថ្ម Mercedes-Benz Charging Network ជាមួយនឹងឆ្នាំងសាកជំនាន់ក្រោយដែលផ្តល់មកជាមួយសាកថ្មលឿនបំផុត។

ចំពោះការរចនារថយន្ដយកលំនាំតាមគម្រូ AMG GT 4-Door ប៉ុន្តែត្រូវបានឆ្នៃជាពិសេស ឲ្យកាន់តែស្ដ័កិសមជាកំពូលរថយន្ដអគ្គិសនីបែបអនាគត។ រថយន្តគម្រូនេះផលិតឡើងផ្អែកលើ AMG.EA ប្រើប្រាស់ល្បាយនៃ អាលុយមីញ៉ូម លាយជាមួយដែកថែប និងវត្ថុធាតុផ្សំពីសរសៃ ដើម្បីផ្តល់នូវទម្ងន់ស្រាល និងភាពរឹងមាំជាពិសេស។

ផ្នែកខាងមុខបានឌីស្សាញមកមានរូបរាងដូចជាត្រី បានបំពាក់មកជាមួួយប៉ាណាដ៏ធំលាតសន្ធឹងស្ទើរតែពេញទទឹងផ្នែក បន្ដែមមកជាមួយភ្លើង LED ព័ទ្ធជុំវិញ។ ចំណែកចង្កៀងខាងមុខជាប្រភេទអំពូល LED រចនាមកត្រួតជាន់លើគ្នា ខណៈគម្របម៉ាស៊ីនបានបំពាក់មកជាមួយ Hood ដូចទៅហ្នឹងរថយន្ដ Super Car ដើម្បីជួយដល់ប្រព័ន្ធលំហូរខ្យល់និងការបញ្ចុះកម្ដៅ ។

នៅផ្នែកចំហៀងរថយន្ដបំពាក់មកជាមួយដៃទ្វាររាបស្មើនិងកង់ទំហំ ២១អុីញ។ អ្វីកាន់តែិសេសថាសកង់មានមុខងារបើក និងបិទ សន្ទះថាសកង់ ដើម្បីរក្សាលំនឹង ជួយដល់ប្រព័ន្ធ (aerodynamics) និងជួយធ្វើឲ្យហ្វ្រាំងត្រជាក់។

ចូលមកដល់ផ្នែកខាងក្រោយមានការរចនាបែបសាមញ្ញ ដោយបានបំពាក់មកជាមួយស្ដុបរាងមូល សរុបចំនួន៦គ្រាប់ នៅចំកណ្ដាលនៃស្ដុបបខាងក្រោយ បានបន្ដែមមកជាមួយបន្ទះ MBUX Fluid Light Panel ជាប្រភេទអំពូល LED RGB ចំនួនជាង ៧០០គ្រាប់ អាចបញ្ជាតាមរយៈកម្មវិធីបានជាមួយអក្សមានចលនា។

ចំណុចពិសេសចុងក្រោយគឺ ឧបករណ៍បំពងសម្លេងខាងក្រៅ បង្កប់នៅក្នុងចង្កៀងមុខ ដែលត្រូវបានរចនាឡើងដើម្បី បញ្ចេញសំឡេងម៉ាសុីនដូចឡានម៉ាសុីនចំហេះខាងក្នុង។ យ៉ាងមិញក្រុមហ៊ុន Mercedes មិនទាន់បានចែករំលែកព័ត៌មានលម្អិតជាក់លាក់ណាមួយនៅឡើយទេ ប៉ុន្តែការបង្ហាញវីដេអូខ្លីៗថ្មីៗនេះបានបង្ហាញពីគំរូដើមនៃរថយន្តផលិត បានបន្លឺសំឡេងម៉ាស៊ីនក្លែងក្លាយ ស្រដៀងនឹងម៉ាស៊ីន V8 ដើម្បីធ្វើឲ្យអារម្មណ៍អ្នកបើកបរ ចូលចិត្តសម្លេងសុីមាំងបែប Super Car។

Mercedes-AMG GT XX រចនាមកជាមួយជម្រើសពណ៍ទឹកក្រូច Sunset Beam ដ៏រស់រវើក ភ្ជាប់មកជាមួយមេគុណអូសទាញទាបគួរចាប់អារម្មណ៍ត្រឹម 0.198 ធ្វើឲ្យរថយន្ដជាន់ស្ទុះមិនចាញ់ខ្យល់ហើយមានលំនឹងមិនឃ្លោង។

កន្លងមកក្រុមហ៊ុន Mercedes ធ្លាប់តែផ្តោតសំខាន់ក្នុងការចនាផ្នែកខាងលើស្បែក និងឈើ ប៉ុន្តែសម្រាប់ខាងក្នុងនៃរថយន្ត GT XX មានការឌីស្សាញដូចទៅរថយន្ដប្រណាំងមើលទៅកាន់តែទាក់ភ្នែក។ អេក្រង់ខាងក្នុងឌីស្សាញបែប Cockpit ដោយបមពាក់មកជាមួយអេក្រង់កុងទ័រឌីជីថលទំហំ 10.25 អុីញ អេក្រង់កម្សាន្តទំហំ 14 អុីញរួមបញ្ចូលគ្នាលើផ្ទៃតែមួយ និងចង្កូតតូចច្រឡឹងដែលបំផុសគំនិតតាមរថយន្ត AMG One។ ក្រឡែកមើលកុងកុងសូលកណ្តាល ឌីស្សាញប្លែក មានបំពង់ពណ៌ទឹកក្រូចភ្លឺ រចនាឡើងដើម្បីរំលឹកដល់ខ្សែភ្លើងតង់ស្យុងខ្ពស់។ រថយន្តគំរូនេះបំពាក់ជាមួយកៅអីធ្វើពីសរសៃកាបូន (carbon fiber), ដំបូលក៏ធ្វើពីសរសៃកាបូន៕

ផ្ទាំងផ្សាយពាណិជ្ជកម្ម

Nio នឹងប្រកាសចេញលក់ ES8 ជំនាន់ទី ៣ របស់ខ្លួននៅក្នុងពេលឆាប់ៗនេះ!

June 27, 2025

បន្ទាប់ពីធ្វើការរង់ចាំអស់រយៈពេលជាយូរ ពេលនេះ រូបរាងផ្លូវការរបស់រថយន្ត SUV ដ៏មានឥទ្ធិពលរបស់ក្រុមហ៊ុន Nio គឺ Nio ES8 ជំនាន់ទី ៣ ត្រូវបានបង្ហាញចេញជាផ្លូវការនៅក្នុងប្រទេសចិនហើយ ហើយ Nio ES8 ជំនាន់ទី ៣ នេះគឺអាចនិយាយបានថាជារថយន្តជំនាន់ថ្មីបំផុតហើយ បន្ទាប់ពីជំនាន់ដំបូងវាដែលបានប្រកាសចេញលក់នៅក្នុងឆ្នាំ ២០១៧ ។

ក្នុងនោះ រូបរាងផ្លូវការរបស់រថយន្តនេះ គឺត្រូវបានបង្ហាញចេញដោយក្រសួងឧស្សាហកម្ម និងបច្ចេកវិទ្យាព័ត៌មាន (MIIT) របស់ប្រទេសចិនផ្ទាល់។

ជាមួយនឹងការរចនាឡើងវិញដ៏ទាន់សម័យ រថយន្តសេរ៊ីថ្មីនេះក៏ទទួលបាននូវការរចនាជាមួយទំហំធំជាងមុនផងដែរ ដោយវាមានប្រវែងតួខ្លួនសរុប ៥ ២៨០ ម.ម ទទឹង ២ ០១០ ម.ម កម្ពស់ ១ ៨០០ ម.ម និងប្រវែងគម្លាតកង់ ៣ ១៣០ ម.ម។ វាដំណើរការដោយម៉ូទ័រអគ្គីសនីចំនួន ២ ប៉ុង ២ (AWD) អាចផលិតកម្លាំងសរុបបានចំនួន ៦៩៧សេះ មានល្បឿនអតិបរមា ២២០គីឡូម៉ែត្រ ក្នុងមួយម៉ោង។

លើសពីនេះទៀត វាក៏គាំទ្រនូវការរសាកថ្មល្បឿនលឿន (5C) ដែលជិះបានចម្ងាយ ២៥០ គីឡូម៉ែត្រ ដោយគ្រាន់តែសាកក្នុងរយៈពេលត្រឹមតែ ៥ នាទី ប៉ុណ្ណោះ។

គួរបញ្ជាក់ថា ES8 ថ្មីនេះ ក៏ទទួលបាននូវជម្រើស ៦ និង ៧ កៅអី រួមជាមួយនឹងប្រព័ន្ធរ៉ាដាជុំវិញរថយន្តសម្រាប់ជំនួយដល់ការបើកឲកាន់តែប្រសើរឡើងផងដែរ ហើយគ្រោងនឹងប្រកាសចេញលក់ជាផ្លូវការនៅក្នុងពេលឆាប់ៗខាងមុខនេះនៅក្នុងទីផ្សារប្រទេសចិន ខណៈព័ត៌មានលម្អិតផ្សេងៗ និងតម្លៃមិនទាន់បង្ហាញចេញនៅឡើយទេ៕

ផ្ទាំងផ្សាយពាណិជ្ជកម្ម

Zeekr នឹងបង្ហាញចេញនូវឡានថ្មីរបស់ខ្លួននៅដើមខែក្រោយនេះ!

June 27, 2025

បន្ទាប់ពីលេចឮជាច្រើនដងនៅលើបណ្តាញផ្សព្វផ្សាយ ពេលនេះ ក្រុមហ៊ុន Zeekr បានប្រកាសឲដឹងហើយថា រថយន្តសេរ៊ីថ្មីរបស់ពួកគេគឺម៉ូដែល Zeekr 9x នឹងប្រកាសចេញនៅដើមខែកក្កដាខាងមុខនេះហើយ ហើយនឹងប្រកាសចេញលក់ជាផ្លូវការនៅចុងឆ្នាំ២០២៥ នេះ ជាមួយតម្លៃលក់ចន្លោះពី ៧មុឺនដុល្លារ ទៅ ១៤មុឺនដុល្លារ នៅក្នុងទីផ្សារប្រទេសចិន។

ក្នុងនោះ រថយន្ដសេរ៊ីថ្មី Zeekr 9x នេះ គឺមានប្រវែងសរុបដល់ទៅ ៥,២ម៉ែត្រ ឯណ្ណោះ ហើយដំណើរការដោយបច្ចេកវិទ្យាថ្មីរបស់ក្រុមហ៊ុន Zeekr ផ្ទាល់ ដែលរួមបញ្ជូលនូវម៉ាសុីនចំណុះ ២លីត្រ ផលិតកម្លាំងបាន ២៧៥សេះ និងម៉ូទ័រអគ្គិសនីចំនួន ២ ដែលម៉ូទ័រខាងមុខអាចផលិតកម្លាំងបាន ៣៨៩សេះ ហើយម៉ូទ័រខាងក្រោយផលិតកម្លាំងបាន ៤៩៦សេះ ផ្គួបជាមួយអាគុយប្រភេទ Freevoy របស់ CATL អាចបើកបរដោយអគ្គិសនីសុទ្ធបានចម្ងាយ ៣៨០ គីឡូម៉ែត្រ និងគាំទ្រការសាកល្បឿនលឿន (6C) ដែលអាចសាកបានពេញត្រឹមតែ ១០ នាទី ប៉ុណ្ណោះ។

លើសពីនេះ រថយន្តនេះ ក៏ទទួលបាននូវប្រព័ន្ធជំនួយការបើកបរដ៏ទំនើប G-Pilot H9 ដែលប្រើប្រាស់នូវឧបករណ៍ LiDAR ចំនួន ៥ទីតាំង និងកាមេរ៉ា ១៣ទីតាំង ដែលដំណើរការដោយបន្ទះឈីប Nvidia Drive Thor ក៏ដូចជាប្រព័ន្ធបូមខ្យល់ចំនួន ២ ក៏ដូចជាប្រព័ន្ធ dual-valve continuous damping system ផងដែរ។

ចំពោះការរចនាផ្នែកខាងក្នុង និងខាងក្រៅវិញ Zeekr 9X នឹងទទួលបាននូវអេក្រង់ទំហំ ៣០ អ៊ីញ កម្រិត 6K ថាសកង់ទំហំ ២២ អ៊ីញ ចង្កៀងមុខ-ក្រោយ LED ក៏ដូចជាប្រព័ន្ធ ADAS និងមុខងារដ៏ឆ្លាតវៃជាច្រើនទៀតផងដែរ៕

ផ្ទាំងផ្សាយពាណិជ្ជកម្ម

ញាក់សាច់! ឡានអគ្គិសនីសុទ្ធប្រភេទ SUV របស់ Xiaomi លក់បាន ២០ម៉ឺនគ្រឿង ត្រឹមពេល ៣នាទី

June 27, 2025

[បរទេស] ក្រុមហ៊ុន Xiaomi បានធ្វើការប្រកាសថា ក្រុមហ៊ុនលក់រថយន្តអគ្គិសនីសុទ្ធម៉ូដែល Xiaomi YU7 ប្រភេទ SUV បានចំនួនដល់ទៅ ២០០ ០០០ គ្រឿង ត្រឹមរយៈពេល ៣ នាទីប៉ុណ្ណោះ បន្ទាប់ប្រកាសដាក់លក់ជាផ្លូវការនៅទីក្រុងប៉េកាំង ប្រទេសចិន ។

Xiaomi YU7 ផ្តល់នៅជម្រើសថាមពលចំនួន ៣ រួមមាន៖

ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបានសរុបបានដល់ ៣១៥ សេះ និងកម្លាំងរមួល ៥២៨ ញ៉ូតុនម៉ែត្រ ផ្គួបជាមួយអាគុយទំហំ ៩៦,៣ គីឡូវ៉ាត់ម៉ោង សាកថ្មពេញម្តង អាចបើកបរបានចម្ងាយ ៨៣០ គីឡូម៉ែត្រ សម្រាប់ម៉ូដែល standard មានតម្លៃលក់ ៣៥ ០០០ ដុល្លារ
ដំណើរការដោយម៉ូទ័រអគ្គិសនីចំនួន ២ អាចផលិតកម្លាំងបានសរុបបានដល់ ៤៨៩ សេះ និងកម្លាំងរមួល ៥២៨ ញ៉ូតុនម៉ែត្រ ផ្គួបជាមួយអាគុយទំហំ ៩៦,៣ គីឡូវ៉ាត់ម៉ោង សាកថ្មពេញម្តង អាចបើកបរបានចម្ងាយ ៧៧០ គីឡូម៉ែត្រ សម្រាប់ម៉ូដែល Pro មានតម្លៃលក់ ៣៨ ៧០០ ដុល្លារ
ដំណើរការដោយម៉ូទ័រអគ្គិសនីចំនួន ២ អាចផលិតកម្លាំងបានសរុបបានដល់ ៦៨១ សេះ និងកម្លាំងរមួល ៨៦៦ ញ៉ូតុនម៉ែត្រ ផ្គួបជាមួយអាគុយទំហំ ១០១,៧ គីឡូវ៉ាត់ម៉ោង សាកថ្មពេញម្តង អាចបើកបរបានចម្ងាយ ៧៦០ គីឡូម៉ែត្រ សម្រាប់ម៉ូដែល Max មានតម្លៃលក់ ៤៥ ៦០០ ដុល្លារ ។ ទាំង ៣ នេះ គាំទ្រដោយបច្ចេកវិទ្យាសាកថ្មល្បឿនលឿន 800V high-voltage អាចសាកថ្មបានពី ១០-៨០% ប្រើពេល ១២នាទីប៉ុណ្ណោះ ។

សម្រាប់ Xiaomi YU7 ក៏បានបំពាក់ជាមួយប្រព័ន្ធចាប់សញ្ញា LiDAR នៅលើដំបូលខាងមុខ ដែលជំនួយទៅដល់ប្រព័ន្ធសុវត្ថិភាព រួមទាំងប្រព័ន្ធជំនួយការអ្នកបើកបរ ADAS កម្រិតខ្ពស់ផងដែរ ៕

ផ្ទាំងផ្សាយពាណិជ្ជកម្ម

ឡាន EREV ដំបូងរបស់ Xpeng នឹងបញ្ចេញនៅចុងឆ្នាំនេះ!

June 26, 2025

បន្ទាប់ពីបានធ្វើការផលិតនូវរថយន្តអគ្គិសនីអស់រយៈពេលជាច្រើនឆ្នាំ ពេលនេះ ក្រុមហ៊ុន Xpeng ដែលត្រូវបានគេស្គាល់ថាជាក្រុមហ៊ុនផលិតរថយន្តអគ្គិសនីឈានមុខគេក្នុងប្រទេសចិន បាន និងកំពុងធ្វើការផ្លាស់ប្តូរយុទ្ធសាស្ត្ររបស់ខ្លួនហើយ ដោយពួកគេនឹងឆ្ពោះទៅរកការប្រកួតប្រជែងក្នុងទីផ្សាររថយន្តកូនកាត់វិញ ហើយគ្រោងនឹងបង្ហាញចេញនូវរថយន្តកូនកាត់ដំបូងរបស់ខ្លួននៅចុងឆ្នាំ២០២៥ នេះ។

ក្នុងនោះ រថយន្តនេះ គឺមានឈ្មោះថា Xpeng G01 ជាប្រភេទរថយន្ត SUV កៅអី ៣ជួរ មានប្រវែងសរុប ៥,១ម៉ែត្រ និងប្រវែងគម្លាតកង់ ៣ម៉ែត្រ ផលិតឡើងនៅលើគ្រោងឆ្អឹង G-platform ថ្មីទាំងស្រុង ដោយរួមបញ្ចូលនូវបច្ចេកវិទ្យាថ្មី “Kunpeng Super Range Extender” ដែលអាចធ្វើឱ្យរថយន្តបើកបរដោយថាមពលអគ្គិសនីសុទ្ធរហូតដល់ ៤៣០ គីឡូម៉ែត្រ និងសរុប ១ ៤០០ គីឡូម៉ែត្រ។

បន្ថែមពីនេះ Xpeng G01 ក៏នឹងគាំទ្រនូវបច្ចេកវិទ្យាសាកថ្មល្បឿនលឿន 800V ដែលអាចសាកបាន ៨០% ក្នុងរយៈពេលត្រឹមតែ ១២នាទី ផងដែរ។ ចំណែកផ្នែកខាងក្នុង និងខាងក្រៅវិញ នឹងទទួលបាននូវបច្ចេកវិទ្យាទំនើបៗជាច្រើនដូចជាកៅអី Zero Gravity, ទូទឹកកក, អេក្រង់កម្សាន្តនៅផ្នែកខាងក្រោយ និងប្រព័ន្ធជំនួយអ្នកបើកបរខ្ពស់ៗជាច្រើនដូចជាប្រព័ន្ធរ៉ាដារ និងប្រព័ន្ធកាមេរ៉ាជាដើម។

គួរបញ្ជាក់ថា រថយន្តនេះ នឹងប្រកាសចេញលក់ជាផ្លូវការនៅដើមឆ្នាំ២០២៦ ជាមួយតម្លៃលក់ប្រហែលពី ៣៤ ៤០០ ដុល្លារ ទៅ ៤១ ៣០០ដុល្លារ នៅក្នុងទីផ្សារប្រទេសចិន៕

ផ្ទាំងផ្សាយពាណិជ្ជកម្ម

Ford Explorer ឆ្នាំ ២០២៦ ទទួលបានការអាប់ដេត ព្រមទាំងបន្ថែមម៉ូដែល Off-road ថ្មី

June 26, 2025

[បរទេស] ក្រុមហ៊ុនផលិតរថយន្ត Ford បានធ្វើការដាក់បញ្ចេញជាផ្លូវការនៅរថយន្ត Ford Explorer ស៊េរីថ្មីចុងក្រោយ បន្ថែមម៉ូដែល Tremor ដែលផ្តោតសំខាន់ទៅអតិថិជនចូលចិត្តបែប Off-road style សម្រាប់នៅទីផ្សារសហរដ្ឋអាមេរិក ខណៈតម្លៃលក់រំពឹងថាចាប់ពីខ្ទង់ ៥២ ០០០ ដុល្លារឡើងទៅ ។

Ford Explorer Tremor ថ្មីនេះ ត្រូវបានឌីស្សាញឡើងផ្តល់នៅភាពហាប់ណែនជាងមុនបែបផ្សងព្រេង ដោយទទួលបានថាសកង់ទំហំ ១៨អ៉ីញ ស្រោបសំបកប្រភេទ all-terrain ដែលមានសមត្ថិភាបបើកបរនៅលើគ្រប់ស្ថានភាពផ្លូវ ជាពិសេសគឺ Off-road ក៏ដូចជាកាងដែកការពារបាតក្រោមទាំងផ្នែកមុខ-ក្រោយ រូមទាំងកាងដែក roof-rial លើដំបូល ។ មិនត្រឹមតែប៉ុណ្ណោះ ក៏បានធ្វើឲ្យប្រសើរឡើងបន្ថែមនៅប្រព័ន្ធជើងក្រោយ Suspension ថ្មីទៀតផង ។

ចំពោះនៅផ្នែកខាងក្នុង ក៏បានតុបតែងបែបរ Off-road ជាមួយនឹងឡូហ្គោអក្សរ Tremor រួមទាំងថ្នេដេរពណ៌លឿង ហើយបានភ្ជាប់មកជាមួយកុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១៣,២ អ៉ីញ អាចប្រើ Google Built-in ក៏ដូចជា speaker ម៉ាក B&O ១៤ គ្រាប់ជាដើម ប្រព័ន្ធកាមេរ៉ា ៣៦០ដឺក្រេ និងប្រព័ន្ធបើកបរស្វ័យប្រវត្តិ Ford Blue Cruise Hand-free ផងដែរ ។

រថយន្តនេះ នៅតែប្រើប្រាស់ម៉ាស៊ីនដដែល ពោលគឺម៉ាស៊ីន V6 ចំណុះ ៣,០ លីត្រ EcoBoost អាចផលិតកម្លាំងបាន ៤០៦ សេះ ភ្ជាប់ដោយប្រអប់លេខអូតូប្រភេទ SelectShift ១០វគ្គ ប្រភេទបើកបរប៉ុង ២ AWD full-time 4-wheel drive system ជាមួយនឹងប្រព័ន្ធចាក់សោរប៉ុង Torsen limit-slip differential ដើម្បីបង្កើនប្រសិទ្ធភាពការអូសទាញលើផ្លូវរអិល ៕

ផ្ទាំងផ្សាយពាណិជ្ជកម្ម

រថយន្ដ៤ម៉ូឌែល ត្រៀមដាក់លក់នៅចិនអាចនឹងក្លាយជាគូប្រកួតប្រជែង Tesla Model Y

June 26, 2025

Tesla Model Y ជារថយន្តដែលលក់ដាច់បំផុតនៅប្រទេសចិនកាលពីឆ្នាំមុន ដោយលក់សរុបបានចំនួន ៤៨០ ៣០៩គ្រឿង។ កាលពីខែមុន រថយន្ដនេះបានដណ្តើមយកតំណែងជារថយន្ត SUV លក់ដាច់បំផុតប្រចាំខែឧសភានៅទីផ្សារប្រទេសចិន។ ប៉ុន្តែបើគិតពីការលក់សរុប តាំងពីខែ មករា ដល់ ឧសភា មានធ្លាក់ចុះ ២៤% បើធៀបទៅឆ្នាំមុន មូលហេតុដោយសារបច្ចុប្បន្នទីផ្សារកាន់ប្រកួតប្រជែងខ្លាំង។

ខាងក្រោមនេះជារថយន្ដរបស់ចិន៤ម៉ូឌែល ដែលគេចាត់ថាជាគូប្រជែងរបស់ Tesla ត្រៀមដាក់លក់នៅចិន៖

Xiaomi YU7 : ជារថយន្ត SUV អគ្គិសនីរបស់ Xiaomi ដែលនឹងចាប់ផ្តើមដាក់លក់នៅថ្ងៃទី ២៦ ខែមិថុនា។ វាត្រូវបានគេរំពឹងថានឹងមានលក្ខណៈពិសេសល្អជាង Model Y ផ្ដល់ជូនរយៈចម្ងាយនៃការបើកបរឆ្ងាយជាង និងការសាកថ្មលឿន។ តម្លៃរបស់រថយន្ដនេះត្រូវបានគេរំពឹងថាមានតម្លៃខ្ទង់ ២៥០ ០០០ យន់ ឬស្មើនិង ៣៤ ៩០០ ដុល្លារ។

Xpeng G7 : ជារថយន្ត SUV មួយទៀតពី Xpeng បានចាប់ផ្តើមបើកការកក់ទុកមុននៅថ្ងៃទី ១១ ខែមិថុនា ហើយបានទទួលការកក់ ១០ ០០០ គ្រឿងក្នុងរយៈពេល ៤៦ នាទី។ រថយន្ដមានតម្លៃលក់មុនគឺ ២៣៥ ៨០០ យន់ ស្មើនិង ៣២ ៥០០ដុល្លា។ រថយន្ដនេះត្រូវបានគេដឹងថាមានបច្ចេកវិទ្យាឆ្លាតវៃខ្ពស់។

Onvo L90 : ជារថយន្ត SUV ធំទំហំ ៦ ឬ ៧ កៅអី ម៉ាកឃីហោ Onvo ស្ថិតក្រោមក្រុមហ៊ុន Nio។ វាត្រូវបានគេរំពឹងថានឹងដាក់លក់នៅសប្តាហ៍ទី ២ នៃខែកក្កដា។ បច្ចុប្បន្ន Onvo លក់រថយន្តតែមួយគត់គឺ L60 ត្រូវបានដាក់លក់កាលពីខែកញ្ញាឆ្នាំមុន។ យ៉ាងមិញចំពោះតម្លៃរបស់ L90 ក្រុមហ៊ុនមិនទាន់បានបញ្ជាក់ជាផ្លូវការនៅឡើយទេ។

Li Auto i8 : ជារថយន្ត SUV អគ្គិសនីទាំងស្រុងទី ២ របស់ Li Auto ដែលនឹងដាក់លក់នៅចុងខែកក្កដា។ វាជាប្រភេទរថយន្ត SUV ដ៏ប្រណិត ដែលមានកម្លាំងខ្លាំង រួមបញ្ចូលជាមួយរយៈចម្ងាយបើកបរកាន់តែឆ្ងាយ។

នៅប្រទេសចិន រថយន្ត Tesla Model Y បានដាក់ក្នុងតម្លៃ ២៦៣ ៥០០យន់ ឬស្មើនិង ៣៦ ៧៤០ដុល្លារ សម្រាប់ម៉ូឌែល RWD បំពាក់មកជាមួយអាគុយទំហំ ៦២.៥ kWh អាចបើកបរបាន ៥៩៣ គីឡូម៉ែត្រ តាមស្តង់ដារវាស់ចម្ងាយ CLTC ៕