ម៉ូតូដែលមានអាយុកាលវ័យចំនាស់ជាងគេនិងមានភាពល្បីរន្ធឺក្នុងការផលិតបែបប្រភេទម៉ូតូ Scooter បានចាប់ផ្តើមតាំងពីឆ្នាំ ១៨៩៨ មកម្លេះជាមួយនិងការរីកដុះដាលពីមួយឆ្នាំទៅមួយឆ្នាំ។ ការវិវត្តន៍នៃម៉ូឌែល S55 ក្នុងឆ្នាំ ១៩៥៣ ដែលនាំជោគជ័យយ៉ាងសម្បើមបានធ្វើអោយមានទិន្នន័យការលក់ខ្ពស់បំផុតនៅប៉ែកខាងអ៊ឺរុបសម្រាប់ម៉ូឌែល Scooter មួយនេះ។ បច្ចុប្បន្នកំពូលម៉ូឌែលទាំងពីររបស់ Peugeot Motocycles គឺ Django 150cc និង Tweet 125cc ។ ម៉ូឌែលទាំងពីរនេះមានលក់ក្នុងប្រទេសកម្ពុជាហើយដែលមានក្រុមហ៊ុន TF Motors Cambodia ជាអ្នកនាំចូលនិងចែកចាយជាផ្លូវការ។ គេមានសុទិដ្ឋិនិយមថាដោយ DNA នៃឫសគល់នៃប្រទេសបារាំង Peugeot Motocycles នឹងមានឥទ្ធិពលលើម៉ាកម៉ូតូ Scooter ផ្សេងទៀតដែលចរាចរណ៍ក្នុងទីផ្សារប្រទេសកម្ពុជាប្រសិនបើប្រៀបធៀបទៅនឹងបច្ចេកវិទ្យា និងរចនាបថ។
បើនិយាយអំពីម៉ូតូ Peugeot មានផ្នែកសំខាន់ៗចំនួន ៤ ដែលរក្សាគុណតំលៃនិងគោលជំហររបស់វាអោយស្ថិតស្ថេររយះពេល ១២៣ ឆ្នាំមកនេះដូចជា ភាពទាក់ទាញនៃរចនាបទ ភាពទំនើបទាន់សម័យ ភាពងាយស្រួល និងសុវត្ថិភាព។ អតិថិជនភាគច្រើនមានភាពដិតដាមជាមួយម៉ាក Peugeot និងប្រវត្តិរបស់វាដែលអមមកជាមួយនិងស្ទីលបែប Retro ដែលសម្គាល់យ៉ាងច្បាស់អំពីម៉ាក Peugeot ។ ចំនុចទីពីរអ្នកដែលប្រើប្រាស់ម៉ូតូមួយនេះតែងតែមានភាពជាខ្លួនឯងខ្ពស់ ឯករាជ្យនិងស៊ីវិល័យទៅតាមសម័យកាលពិតៗ។ ម៉ូតូ Peugeot ត្រូវបានរចនាឡើងជាមួយនឹងបច្ចេកវិជ្ជាអាប់ដេតនៃផ្នែកសមាសភាគនីមួយៗ ជាពិសេសវាមានពណ៌ជាច្រើនសម្រាប់អតិថិជនរបស់ពួកគេជ្រើសរើស។
ជាទូទៅ មនុស្សគ្រប់រូបចង់ឱ្យយានជំនិះរបស់ពួកគេមានផាសុកភាព សាមញ្ញ ងាយស្រួលនិងលេចធ្លោហើយទាំងអស់នេះសុទ្ធតែមាននៅក្នុងម៉ាកយីហ៊ោរ Peugeot Motocycles. ហើយជាក់ស្តែងនោះហើយជាមូលហេតុដែល Peugeot បានទាក់ទាញអ្នកគាំទ្រម៉ូតូ Scooter ជាច្រើន។ ឧទាហរណ៍ នៅពេលដែលអ្នកជិះលើម៉ូដែល Django អ្នកទទួលបានអារម្មណ៍ថាទន់ល្មើយសម្រាប់កៅអីរបស់វា និងផាសុកភាព ភាពបត់បែនបានល្អជាមួយអ្នកមិនថាអ្នកជិះម្នាក់ឯង ឬពីរនាក់។ ចុងក្រោយគឺសុវត្ថិភាព, អតិថិជនតែងតែមានទំនុកចិត្តលើសុវត្ថិភាព និងប្រព័ន្ធហ្វ្រាំង ABS នៅផ្នែកកង់ខាងមុខ។
ម៉ូតូ Peugeot នឹងមានវត្តមានឆាប់ៗនៅក្នុងដើមឆ្នាំ ២០២៣ ដោយក្រុមហ៊ុន TF Motors ជាអ្នកនាំចូលនិងចែកចាយផ្តាច់មុខតែមួយគត់នៅក្នុងប្រទេសកម្ពុជា៕
