Rivian បានធ្វើការដឹករថយន្ត SUV អគ្គិសនីR1S ២គ្រឿងដំបូង ដោយមិនមែនសម្រាប់អតិថិជនធម្មតាទេ ប៉ុន្តែសម្រាប់នាយកប្រតិបត្តិ R.J. Scaringe និងជាប្រធានផ្នែកហិរញ្ញវត្ថុ ClaireRauh McDonough ។
នៅចុងខែវិច្ឆិកា ក្រុមហ៊ុនទើបបានដឹករថយន្តអគ្គិសនីបានទៅដល់អតិថិជនរបស់ខ្លួន ដោយបញ្ជាក់ថាអតិថិជនភាគច្រើនដែលបានបញ្ជាទិញរថយន្តភីកអាប់ R1T នឹងដឹកជញ្ជូននៅចន្លោះខែមីនា និងខែមិថុនា ឆ្នាំ ២០២២។ បើប្រៀបធៀបអ្នកដែលបានបញ្ជាទិញ R1S SUV នឹងត្រូវរង់ចាំយូរជាងនេះ ដោយរំពឹងថានឹងមានការដឹកជញ្ជូននៅចន្លោះខែកក្កដា និងខែកញ្ញា ឆ្នាំ ២០២២។
នៅក្នុងការប្រកាសអំពី R1S ដែលត្រូវបានបញ្ចូនទៅ Scaringe និង McDonugh ក្នុងនោះ Rivian បាននិយាយថា ខ្លួនកំពុងធ្វើការឆ្ពោះទៅរកការបង្កើនផលិតកម្មក្នុងរយះពេលប៉ុន្មានខែខាងមុខនេះ តាមវិធីខ្លួនយើងដើម្បីផលិតកម្មទំហំពេញលេញ ។
We made our first R1S deliveries last week from our factory in Normal, IL to RJ and our CFO Claire. We’re working towards ramping production over the next few months on our way to full volume production. Thanks to our team for all the hard work to make it happen! pic.twitter.com/Ql9Di2ySBE
— Rivian (@Rivian) December 20, 2021
ជាក់ស្តែង រថយន្តទាំង២គ្រឿងនេះនឹងត្រូវបានសាកល្បងយ៉ាងហ្មត់ចត់ដោយ CEO និង CFO ហើយការបញ្ចូលមតិកែលម្អរបស់ពួកគេនឹងត្រូវបានប្រើដើម្បីបំបាត់បញ្ហាណាមួយ មុនពេលការផ្តល់អតិថិជនទៀងទាត់ចាប់ផ្តើមនៅឆ្នាំក្រោយ។
Rivian R1S បង្ហាញថាវានឹងភ្ជាប់ស្តង់ដារមកជាមួយកញ្ចប់អាគុយដ៏ធំរបស់ក្រុមហ៊ុនផលិតរថយន្តដែលអាចបើកបរបានចម្ងាយ ៥០៨ គីឡូម៉ែត្រ និងផ្តល់ជាមួយកញ្ចប់ Explore package សម្រាប់តម្លៃ ៧០,០០០ ដុល្លារ និង កញ្ចប់ Adventure package សម្រាប់តម្លៃ ៧៥,០០០ ដុល្លារ។
ក្នុងនោះដែររថយន្តនេះត្រូវបានបំពាក់ជាមួយម៉ូទ័រអគ្គិសនីចំនួន ៤ ដែលរួមបញ្ចូលគ្នាបង្កើតកម្លាំងបាន ៨៣៥ សេះ និងកម្លាំងរមួល ១,២៣១ ញូតុនម៉ែត្រ អាចបង្កើនកម្លាំងពី ០ ដល់ ១០០គីឡូម៉ែត្រ/ម៉ោង ប្រើរយះពេលត្រឹមតែ ៣ វិនាទីប៉ុណ្ណោះ ដោយមានសមត្ថភាពអូសបាន ៣,៤៩២ គីឡូក្រាម ផ្តល់នៅបាតខ្ពស់ពីដី ១៤.៩ អ៊ីញ និងមានជម្រៅជាង ៣៦ អ៊ីញ ៕
