Supercar Koenigsegg Jesko តម្លៃ ២,៨លានដុល្លារ ត្រៀមចូលរោងចក្រផលិត

រថយន្ត Supercar Koenigsegg Jesko បានធ្វើការបង្ហាញខ្លួនជាផ្លូវការកាលពីឆ្នាំ ២០១៩កន្លងទៅ ក្នុងកម្មវិធីតាំងបង្ហាញរថយន្ត Geneva Motor Show។​ នាពេលនេះ Koenigsegg បានធ្វើការប្រកាសថា រថយន្ត Supercar Koenigsegg Jesko ត្រៀមចូលរោងចក្រផលិតក្នុងឆ្នាំនេះ។

ជាមួយតម្លៃ ២,៨លានដុល្លាររថយន្ត Jesko និង Jesko Absolut និងត្រូវផលិតសរុបចំនួន ១២៥គ្រឿង នៅរោងចក្រ Ängelholm ប្រទេសស៊ុយអ៊ែត ហើយត្រៀមដឹកជញ្ជូនដល់អតិថិជនដែលបានកក់នៅត្រីមានទី១ ឆ្នាំ ២០២២។

ផ្ទាំងផ្សាយពាណិជ្ជកម្ម

រថយន្ត​ស្ព័រ​កំពូល​ល្បឿន Jesko ប្រើម៉ាស៊ីនចំណុះ ៥,០លីត្រ Twin-turbo ទំហំ ៨ ស៊ីឡាំង មាន​កម្លាំង ១ ២៨០ សេះ ចំពោះ​ការ​ប្រើប្រាស់​សាំង​ធម្មតា និង ១ ៦០០ សេះ ចំពោះ​ការ​ប្រើប្រាស់​សាំង E85 ធ្វើ​ឲ្យ​វា​ក្លាយ​ជា​ម៉ាស៊ីន​ចំហេះ​ខាង​ក្នុង​កម្លាំង​ខ្លាំង​បំផុត ដែល​ក្រុមហ៊ុន Koenigsegg បាន​ផលិត។ Jesko ប្រើប្រាស់​ប្រអប់លេខ​អូតូ Multi-clutch ៩ វគ្គ ដែល​បាន​រចនា​ផ្ទាល់​ដោយ Koenigsegg ហៅ​ថា “Light Speed Transmission”។

សម្រាប់ Jesko វាអាចស្ទុះដល់ល្បឿនអតិបរមា ៤៨២គីឡូម៉ែត្រក្នុងមួយម៉ោង រីឯ Jesko Absolut អាចស្ទុះដល់ល្បឿនអតិបរមា ៥៣២គីឡូម៉ែត្រក្នុងមួយម៉ោង ៕

ផ្ទាំងផ្សាយពាណិជ្ជកម្ម