![1](https://camboauto.com/wp-content/uploads/2019/10/1.jpeg)
Tesla កំពុងទទួលបានជោគជ័យខ្លាំងនៅអឺរ៉ុប ស្របពេលដែលរថយន្ត Tesla Model 3 បានក្លាយជារថយន្តលក់ដាច់បំផុតនៅក្នុងប្រទេសហូឡង់ ដោយទម្លាក់រថយន្ត Volkswagen Polo ចេញពីតំណែង។
Tesla បានលក់ដាច់ Model 3 ចំនួន ៥ ៧៦៨គ្រឿងកាលពីខែមុន ហើយតម្រូវការ Model 3 បានធ្វើឲ្យ Tesla ក្លាយជាម៉ាករថយន្តពេញនិយមបំផុតក្នុងប្រទេសហូឡង់ទៀតផង។
នៅអឺរ៉ុប រថយន្ត Tesla Model 3 បានដាក់លក់ក្នុងតម្លៃ ៤៧ ៣០៨ដុល្លារ ដោយវាអាចបើកបរបានចម្ងាយ ៣៨៦គីឡូម៉ែត្រនៅពេលសាកភ្លើងពេញ។
មិនតែប៉ុណ្ណោះ រថយន្តអគ្គិសនីរបស់អាមេរិកនេះ ក៏លក់ដាច់ខ្លាំងបំផុតនៅក្នុងប្រទេសន័រវេសដែរ ដោយលក់បានចំនួន ៣ ៣០០គ្រឿងនៅចន្លោះខែកក្កដា និងកញ្ញា៕