Toyota ចេញឡាន Corolla Cross GR Sport ថ្មី រាងកាន់តែមាំ កែបូមថ្មីទៀត!

ក្រុមហ៊ុន Toyota បានប្រកាសចេញរថយន្ត Corolla CrossGR Sport ថ្មីរបស់ខ្លួនជាផ្លូវការ នៅតៃវ៉ាន់ ដោយទទួលបានការអាប់ដេតរូបរាង និងផ្នែកមេកានិចមួយចំនួន លើសពីម៉ូដែលស្តង់ដារធម្មតា។

ក្រៅពីទទួលបានការអាប់ដេតរូបរាងមើលទៅរឹតតែមាំ រថយន្ត Toyota Corolla Cros GR Sport ថ្មី ក៏មានបំពាក់ប្រព័ន្ធបូមថ្មី ដែលកែកុនដោយក្រុម Gazoo Racing ហើយថែមទាំងមានដែកទប់លំនឹងដើម្បីពង្រឹងសាក់ស៊ី ទៀតផង។

ពាណិជ្ជកម្ម

ចំណែកឯផ្នែកខាងក្នុងវិញ វាមានបំពាក់អេក្រង់កម្សាន្ត Touchscreen ទំហំ ៩អ៊ីញ ដែលមានក្រាហ្វិចថ្មី, ប៊ូតុនបញ្ឆេះម់ាស៊ីនមានឡូហ្គូ GR ខណៈកៅអីរបស់វាក៏មានឡូហ្គូនេះដែរ។ រីឯប្រព័ន្ធសុវត្ថិភាពវិញ គឺរួមមានទាំងពោងសុវត្ថិភាព ៧គ្រាប់ និងមុខងារ Toyota Safety Sense 2.0 ផងដែរ។

រថយន្ត Corolla Cross GR Sport ផ្តល់ជម្រើសម៉ាស៊ីនចំនួន ២ គឺ ម៉ាស៊ីនសាំង និងម៉ាស៊ីន Hybrid។ ប្រភេទម៉ាស៊ីនសាំង មានចំណុះ ១,៨លីត្រ naturally aspirated ទំហំ ៤ស៊ីឡាំង មានកម្លាំង ១៣៨សេះ និងកម្លាំងរមួល ១៧២ញ៉ូតុនម៉ែត្រ ប្រើប៉ុងមួយវិលកង់មុខ តាមរយៈប្រអប់លេខអូតូ Super CVT-i។

ចំពោះប្រភេទ Hybrid វិញ មានម៉ាស៊ីនសាំងចំណុះ ១,៨លីត្រ ដំណើរការជាមួយម៉ូទ័រអគ្គិសនីមួយ ដែលមានកម្លាំងសរុប ១២១សេះ ប្រើប៉ុងមួយវិលកង់មុខ និងប្រអប់លេខអូតូ E-CVT។

សូមបញ្ជាក់ថា រថយន្ត Toyota Corolla Cross GR Sport ថ្មីនេះត្រូវបានដាក់លក់នៅតៃវ៉ាន់ ក្នុងតម្លៃ ៣១ ៦០០ដុល្លារ សម្រាប់ប្រភេទម៉ាស៊ីនសាំង និង ៣៤ ១០០ដុល្លារ សម្រាប់ប្រភេទ Hybrid៕

Sponsored