ក្រុមហ៊ុន Toyota ប្រចាំប្រទេសថៃបានប្រកាសចេញរថយន្តម៉ូដែលថ្មីឈ្មោះ Majesty ជាប្រភេទរថយន្តវ៉ែន ដែលវាចូលមកជំនួសម៉ូដែល Ventury។
រូបរាងរបស់វាមានលក្ខណៈទាន់សម័យ និងទាក់ទាញជាម៉ូដែល Ventury ហើយផ្នែកខាងក្នុងវិញខុសពីម៉ូដែល Ventury ទាំងស្រុងតែម្ដង។ ផ្នែកខាងក្នុងមានបំពាក់ដោយកៅអីអង្គុយលំដាប់ VIP ហើយមានមុខងារដូចជា រន្ធ USB ចំនួន ៧, ពោងសុវត្ថិភាពចំនួន ៩ និងមានបច្ចេកវិទ្យាជំនួយអ្នកបើកបរចំនួន ៥ ប្រភេទ។
ផ្ទាំងផ្សាយពាណិជ្ជកម្ម
Toyota Motor Thailand បានលក់រថយន្តជាបីកម្រិត គឺកម្រិត Standard មានតម្លៃប្រមាណ ៥៥ ៤០០ ដុល្លារ, កម្រិត Premium មានតម្លៃ ៦១ ៥០០ ដុល្លារ និងកម្រិត Grande មានតម្លៃប្រមាណ ៧១ ៣០០ ដុល្លារ។ ម៉ាស៊ីនរថយន្តគឺមានតែប្រភេទម៉ាស៊ូត ចំណុះ ២,៨ លីត្រ ដែលផលិតកម្លាំងបាន ១៦៣ សេះ៕
ផ្ទាំងផ្សាយពាណិជ្ជកម្ម
