យោងតាមរបាយការណ៍របស់ Burrow ចំណោមម៉ាករថយន្តល្បីៗទាំង ២១នៅលើពិភពលោក ក្រុមហ៊ុនតូយ៉ូតា បានវ៉ាដាច់ក្រុមហ៊ុន BMW ក្លាយជាម៉ាករថយន្តដែលមានការស្វែងរកច្រើនជាងគេបំផុតនៅលើពិភពលោកនៅឆ្នាំ ២០២០។ ខណ:ពេល BMW កាន់កាប់រយៈពេល ៣ ឆ្នាំ ចាប់ពីឆ្នាំ ២០១៨ – ២០២០។
នៅឆ្នាំ ២០២០ ក្រុមហ៊ុនផលិតរថយន្តជប៉ុនបានឈរនៅចំណាត់ថ្នាក់កំពូលនៃការស្វែងរកទូទាំងពិភពលោកជាមួយនឹងទិន្នន័យចំនួន ៣៤,៨ភាគរយ ។ ជាពិសេសនៅឆ្នាំ ២០១៨ លទ្ធផលស្វែងរកឈានដល់ ៤១,១ភាគរយ ខណៈឆ្នាំ ២០១៩ វាបានធ្លាក់ចុះត្រឹម ១៧,៧ភាគរយ ។
យោងតាមរបាយការណ៍នៃ Google trends data ពី ១៥៨ ប្រទេសក្នុងឆ្នាំ ២០១៨, ២០១៩ និង ២០២០ ។ គេសង្ឃឹមថាក្រុមហ៊ុន BMW នៅតែកាន់កាប់ដំណែងនៅឆ្នាំ ២០២០ ប៉ុន្តែចំណែកទីផ្សាររបស់ BMW បានធ្លាក់ចុះពី ៧៤,៨ភាគរយ ក្នុងឆ្នាំ២០១៩ ទៅ ២១,៥ភាគរយ ក្នុងឆ្នាំ ២០២០។ ក្នុងរយៈពេល ៣ ឆ្នាំក្រុមហ៊ុនផលិតរថយន្តអាឡឺម៉ង់ទទួលបានការស្វែងរកសរុប ៣៨,៣ភាគរយ បើប្រៀបធៀបទៅនឹងចំណែកទីផ្សាររបស់តូយ៉ូតា ៣១,៣ ភាគរយ។
គួរអោយកត់សម្គាល់ផងដែរថា Burrow មិនបានដកស្រង់ក្រុមហ៊ុន Tesla ដែលជាក្រុមហ៊ុនផលិតរថយន្តដ៏សំខាន់បំផុតនៅលើពិភពលោកក្នុងឆ្នាំ ២០២០ នោះទេ ប៉ុន្តែបានបង្ហាញថា Ford គឺជាម៉ាកដែលត្រូវបានគេស្វែងរកច្រើនបំផុតនៅអាមេរិក ខណៈនៅឥណ្ឌាគឺ ក្រុមហ៊ុន Kia ដែលជាយីហោរថយន្តរបស់កូរ៉េ៕
