Toyota រួមជាមួយម៉ាកសញ្ញាប្រណីត Lexus របស់ខ្លួន បានប្រកាសថាអាចលក់រថយន្ត Hybrid បានសរុប ១៥លានគ្រឿងទូទាំងពិភពលោក ចាប់តាំងពីពេលដែលរថយន្ត Toyota Prius (រថយន្ត Hybrid ដំបូងរបស់ Toyota) ចេញលក់លើទីផ្សារនាឆ្នាំ ១៩៩៧ មក។
ត្បិតថាត្រូវបានគេចាត់ទុកថាជាជើងខ្លាំងផ្នែកបច្ចេកវិទ្យារថយន្ត Hybrid មែន ប៉ុន្តែ Toyota ទទួលស្គាល់ថាការលក់រថយន្ត Prius ដំបូងៗគឺពិបាក ដោយត្រូវការប្រើពេល ១២ ឆ្នាំទើបអាចលក់រថយន្ត Hybrid នេះបាន ២លានគ្រឿង គឺនៅត្រឹមខែសីហា ឆ្នាំ ២០០៩។
ផ្ទាំងផ្សាយពាណិជ្ជកម្ម
ប៉ុន្តែការចំនួនលក់រថយន្ត Hybrid ចាប់ផ្ដើមស្ទុះខ្លាំងគួរឲ្យកត់សម្គាល់ ចាប់តាំងពីឆ្នាំ ២០០៩ មក ហើយនៅត្រឹមខែមីនា ឆ្នាំ ២០១៣ ក្រុមហ៊ុន Toyota អាចលក់រថយន្ត Hybrid បានសរុបដល់ខ្ទង់ ៥លានគ្រឿង គិតតាំងពីពេលលក់ដំបូងមក៕
ផ្ទាំងផ្សាយពាណិជ្ជកម្ម
