រូបភាព និងវីដេអូ Teaser នៃរថយន្ត Toyota Tundra ឆ្នាំ២០២២ ត្រូវបានក្រុមហ៊ុន Toyota បង្ហាញជាបន្តបន្ទាប់ មុនពេលនៃការបង្ហាញមុខជាផ្លូវការនារដូវស្លឹកឈើជ្រុះ(ចន្លោះខែកញ្ញា ដល់ធ្នូ)នេះ។
ជាមួយពេលវេលាកាន់តែជិតមកដល់ ក្រុមហ៊ុន Toyota បានបង្ហាញចេញនូវវីដេអូផ្នែកខាងក្នុង ដែលបង្ហាញអោយឃើញថា រថយន្តភីកអាប់នេះនិងមានបង្អួចនៅខាងក្រោយដែលអាចបិទទម្លាក់ចុះក្រោម។ បន្ថែមពីនេះ គេក៏ឃើញថារថយន្តនេះនឹងបំពាក់ជាមួយដំបូលកញ្ចក់ Panoramic moonroof និងកៅអីស្បែក SofTex ពណ៌ក្រហមផងដែរ។
គួររំលឹកដែរថា កាលពីវីដេអូមុនបានបង្ហាញអោយឃើញថា រថយន្តភីកអាប់នេះនឹងបំពាក់ជាមួយអេក្រង់កម្សាន្តទំហំធំ រួមជាមួយដៃចង្កូតស្រោបដោយស្បែក, Console កណ្តាលថ្មី និងកញ្ចក់មើលក្រោយភ្ជាប់ដោយមុខងារ HomeLink។
យោងតាមព័ត៌មានចុះផ្សាយកន្លងបានបង្ហាញអោយដឹងថារថយន្ត Tundra ឆ្នាំ២០២២ នឹងផ្តល់នូវជម្រើសម៉ាស៊ីនថ្មីចំនួន ២ ដោយប្រភេទ Entry-Level នឹងមានកម្លាំងខ្លាំងជាងម៉ាស៊ីន ៥,៧លីត្រ V8 បច្ចុប្បន្ន និងជម្រើសមួយទៀតគឺ i-Force MAX។
សម្រាប់ព័ត៌មានបន្ថែម គេរំពឹងថាវានឹងមាននូវជម្រើសប្រភេទកូនកាត់ Hybrid ឬ Plug-in hybrid ខណ: Toyota ធ្លាប់សន្យាថានឹងមកនូវត្រកូលភីកអាប់អគ្គិសនីនាពេលអនាគត៕
