[ទីផ្សារបរទេស] ក្រុមហ៊ុនផលិតរថយន្ត Toyota នៅក្នុងប្រទេស India បានធ្វើការបញ្ចេញនៅ វីដេអូ Teaser ជាផ្លូវការ របស់រថយន្តភីកអាប់ Toyota Hilux មុនពេលចេញជាផ្លូវការនៅថ្ងៃទី ២០ ខែ មករា ឆ្នាំ២០២២ នេះ ។
វីដេអូ Teaser ចុងក្រោយបង្អស់របស់ Toyota Hilux បានបង្ហាញពីផ្នែកខាងមុខរបស់រថយន្តនេះ ជាមួយប៉ាណាខាងមុខដ៏រឹងមាំ រំលេចជាមួយក្រូម៉េ និងត្រូវបានអមដោយចង្កៀងមុខ LED projector ។ លើសពីនេះទៅទៀត រថយន្តនេះប្រើគ្រោងឆ្អឺង IMVP platform របស់ក្រុមហ៊ុន Toyota ដូចនឹងគ្នា Innova Crysta និង Fortuner ផងដែរ ។
What does #ARicherLife mean to you?
.
.
.#ToyotaIndia #awesome pic.twitter.com/68pycTgHIK— Toyota India (@Toyota_India) January 14, 2022
រថយន្ត Toyota Hilux ដំណើរការដោយម៉ាស៊ីនម៉ាសូ៊ត ចំណុះ ២,៨ លីត្រ ផលិតកម្លាំងបាន ២០១ សេះ និងកម្លាំងរមួល ៤២០ ញ៉ូតុនម៉ែត្រសម្រាប់ការប្រើប្រាស់លេខដៃ ៦វគ្គ និង ៥០០ញ៉ូតុនម៉ែត្រសម្រាប់លេខអូតូ ៦វគ្គ CVT ។
ជាងនេះទៅទៀត រថយន្ត Toyota Hilux នឹងទទួលបានការបើកបរ 4×4 ជាមួយនឹងសមត្ថភាពបើកលើផ្លូវ Off-road កាន់តែប្រសើរ និងមានប្រព័ន្ធចាក់សោរប៉ុងផងដែរ។ បើនិយាយពីលក្ខណៈពិសេស Toyota Hilux នឹងទទួលបានចង្កៀងមុខប្រភេទ all-LED, ប្រព័ន្ធអេក្រង់កំសាន្ត Touchscreen ភ្ជាប់ដោយមុខងារសំបូរបែប។
ទន្ទឹមនឹងនេះ ក្រុមហ៊ុន Toyota India បានបើកការកក់មិនផ្លូវការសម្រាប់រថយន្ត Toyota Hilux ហើយអតិថិជនអាចកក់ទុកមុនបានដោយបង់ប្រាក់ចំនួន ១ ៣៤៤ ដុល្លារ ជាមួយតម្លៃពេញដែរបានរំពឹងទុកមានតម្លៃប្រហែល ៤០ ៣៣០ ដុល្លារ ៕
