គ្រោះថ្នាក់នេះបានកើតឡើងនៅពេលរថយន្តប្រភេទ SUV ជំនាន់ថ្មី ត្រូវបានគេដឹកទៅកាន់ក្រុមហ៊ុនចែកចាយមួយនៅ Salalah ដែលជាទីក្រុងធំទី ៣ របស់ប្រទេសអូម៉ង់។ ប្រទេសនេះ គឺជាទីផ្សារមួយក្នុងចំនោមទីផ្សារនៅមជ្ឈឹមបូព៌ា ដែលក្រុមហ៊ុនតូយ៉ូតាផ្តល់អាទិភាព ដោយសារតែចំណូលចិត្តរបស់ពួកគេចំពោះរថយន្ត Off-road ក៏ដូចជាទទួលបានប្រាក់ចំណេញយ៉ាងច្រើនផងដែរ។
តាមរយ:វីដេអូនេះ យើងឃើញថាមានរថយន្ត ចំនួន ៤គ្រឿងបានខូចខាតយ៉ាងធ្ងន់ធ្ងរ ហើយតាមរូបភាពមួយទៀតគេឃើញមានរថយន្តមួយគ្រឿងទៀតក្រឡាប់នៅលើចញ្ចឹមផ្លូវផងដែរ ប៉ុន្តែគួរអោយសោកស្តាយ ដោយយើងមិនទាន់ដឹងច្បាស់អំពីមូលហេតុនៃគ្រោះថ្នាក់នេះ និងចំនួនរថយន្តខូចខាតនៅឡើយទេ។
គួរបញ្ជាក់ផងដែរថា រថយន្ត Toyota Land Cruiser សេរ៊ីថ្មី បានធ្វើការប្រគល់អោយអតិថិជនរបស់ខ្លួននៅប្រទេសអារ៉ាប់រួម និងប្រទេសក្បែខាងប្រទេសអូម៉ង់រួចមកហើយ ចំណែកឯប្រទេសអូម៉ង់ គឺកំពុងដឹកជញ្ជូននេះ ក៏បាន ជួបឧបទ្ទវហេតុនេះកើតឡើងមក៕
