ក្រុមហ៊ុន Toyota ទើបតែបានប្រកាសចេញនូវរថយន្ត RAV4 Hybrid ឆ្នាំ២០២៣ ម៉ូដែលពិសេសថ្មី ហៅថា Woodland Edition ដែលបានតុបតែងខ្លួនមើលទៅកាន់តែហំជាងមុន ហើយថែមទាំងបន្ថែមសមត្ថភាព Off-road ទៀតផង។
រថយន្ត Toyota RAV4 Hybrid Woodland Edition ឆ្នាំ២០២៣ នេះ មានបំពាក់ប្រព័ន្ធជើងក្រោម TRD-tuned suspension ជាមួយនឹង twin-tube shocks ដែលជួយឲ្យការបើកបរ off-road កាន់តែប្រសើរ ជាពិសេសលើផ្លូវរលាក់។
រថយន្តម៉ូដែលពិសេសនេះផ្តល់ជម្រើស ៣ ពណ៌ គឺ ខ្មៅ Midnight Black Metallic, ខៀវ Cavalry Blue និង ស Ice Cap ហើយមានបន្ថែមគ្រឿងលេងដូចជា ជើងទម្រលើដំបូលពណ៌ខ្មៅ, កម្រាលជើង custom all-weather floor និង កម្រាលឃ្លុបក្រោយ cargo mats, កាងដែកពណ៌ខ្មៅការពារបាតក្រោម, ឡូហ្គូពណ៌ខ្មៅ, រន្ធសាកភ្លើង 120V inverter និង ក្បាលស៊ីម៉ាំងក្រូមេពណ៌ខ្មៅភ្លោះ dual black-chrome exhaust tips។
ម៉ូដែល Woodlands Edition គឺផលិតលើរថយន្ត RAV4 Hybrid ដែលប្រើម៉ាស៊ីនសាំងចំណុះ ២,៥លីត្រ ទំហំ ៤ស៊ីឡាំង បង្កើតកម្លាំងសរុបបាន ២១៩សេះ ដំណើរការដោយប្រអប់លេខអូតូ CVT ជាមួយនឹងប្រព័ន្ធបើកបរប៉ុងពីរ Electronic All-Wheel Drive system (AWD) ដែលប្រើម៉ូទ័រអគ្គិសនីជំនួយចំនួន ២ នៅលើកង់ខាងក្រោយ។
ទោះបីជាយ៉ាងណាក៏ដោយ ក្រុមហ៊ុន Toyota មិនទាន់បានប្រកាសចេញនូវតម្លៃរបស់វាឡើយ ចំពោះម៉ូដែល Woodland Edition នេះ ប៉ុន្តែវាអាចមានតម្លៃថ្លៃជាងម៉ូដែល RAV4 Hybrid (តម្លៃចាប់ពី ២៩ ០០០ដុល្លារ) ប្រហែល ៣ ៥០០ដុល្លារ៕
