Toyota បានចាប់ផ្តើមសង្វាក់ផលិតកម្មនៃរថយន្ត Yaris ស៊េរីឆ្នាំ២០២០ របស់ខ្លួន នៅក្នុងស្រុក Valenciennes ប្រទេសបារាំង។
Toyota Yaris ជំនាន់ទី៤ នេះ គឺជារថយន្តខ្នាតតូចដំបូងបង្អស់ដែលប្រើគ្រោងឆ្អឹង Toyota New Global Architecture (TNGA) ដែលធ្វើឲ្យដំណើរការរបស់វាកាន់តែប្រសើរ ជាពិសេសជួយដល់ការបើកបរ, ការយកចង្កូត, សុវត្ថិភាព និងការឌីហ្សាញផងដែរ។
Yaris ជំនាន់ទី៤ នេះ សន្សំសំចៃប្រេងឥន្ធនៈបានច្រើនបំផុត ដោយ ១០០ គីឡូម៉ែត្រស៊ីប្រេងប្រមាណ ២,៨ លីត្រ សម្រាប់ប្រភេទ Yaris Hybrid។ Yaris Hybrid មានម៉ាស៊ីនចំណុះ ១,៥ លីត្រ ដែលបង្កើតកម្លាំងបាន ៨៩ សេះ បូកនឹងម៉ូទ័រអគ្គិសនីមួយដែលមានកម្លាំង ៧៩ សេះ។
រថយន្តនេះក៏មានប្រភេទធម្មតាមិនប្រើ Hybrid ផងដែរ ដែលវាមានម៉ាស៊ីន ១,៥ លីត្រ ភ្ជាប់នឹងប្រអប់លេខដៃ ៦ វគ្គ និងមានប្រព័ន្ធបើកបរប៉ុងមួយ ឬប្រើ Direct Shift-CVT ដែលមានប្រព័ន្ធបើកបរប៉ុងពីរ និងប៉ុងមួយ។ មានមួយទៀតគឺប្រភេទម៉ាស៊ីន ១,០ លីត្រ ដែលមានកម្លាំង ៦៨ សេះ ភ្ជាប់នឹង Super CVT-i និងប្រព័ន្ធបើកបរប៉ុងមួយ៕
