[ទីផ្សារបរទេស] ថ្មីៗនេះក្រុមហ៊ុនផលិតម៉ូតូ Yamaha បានធ្វើការបញ្ចេញនូវម៉ូឌែល 135LC Fi ស៊េរីឆ្នាំ ២០២២ ជាមួយរូបរាងស្រដៀងគ្នាទៅនឹង Yamaha Exciter 150 និង 155។
សម្រាប់ម៉ូតូ Yamaha 135LC Fi មានជម្រើស ២ ម៉ូឌែលដូចជា Standard និង Limited Edition Yamaha 135LC SE តម្លៃចាប់ពី ១ ២៣៤ ដល់ ១ ២៩៨ ដុល្លារសហរដ្ឋអាមេរិក សម្រាប់ទីផ្សារនៅក្នុងប្រទេសម៉ាឡេស៊ី។
Yamaha 135LC Fi ទទួលបានការឌីហ្សាញស្រដៀងគ្នាទៅនឹងរូបរាង Exciter ដោយបានបំពាក់ចង្កៀងមុខប្រភេទ LED, កុងទ័រឌីជីថល LCD, រន្ធសាក USB និងទូរស័ព្ទ។ ព្រមទាំងបំពាក់នូវប្រព័ន្ធហ្វាំ្រងឌីសមុខក្រោយ និងថាស់កង់ទំហំ ១៧ អ៊ីញជាដើម។
ចំពោះថាមពលនៃម៉ូតូ Yamaha 135LC Fi ប្រើប្រាស់ម៉ាស៊ីនសាំងចំណុះ ១៣៥សេសេ ទំហំ ១ស៊ីទ្បាំង ប្រព័ន្ធស្អំប្រេង liquid-cooled ផលិតកម្លាំង ១២,៤សេះ និងកម្លាំងរមួល ១២,២ញ៉ូតុនម៉ែត្រ។ ខណៈដែលធុងផ្ទុកសាំងបានចំណុះរហូត ៤,៦ លីត្រ ដែលមានទម្ងន់ប្រមាណជិត ១០៩ គីទ្បូក្រាម។
