[បរទេស] ក្រុមហ៊ុនផលិតរថយន្ត Jaguar បានធ្វើការដាក់បង្ហាញចេញនៅម៉ូដែលពិសេសចំនួន ២ គឺ F-Type 75 និង F-type R 75 ដើម្បីអបអរសាទរខួប 75th anniversary និងការផលិតចុងក្រោយនៃម៉ូដែល F-Type នៃថាមពលចំហេះក្នុង មុនពេលប្តូរទៅក្រុមហ៊ុនរថយន្តអគ្គិសនីនៅឆ្នាំ ២០២៥។
ជាមួយគ្នានេះ លោក Jaguar Matthew Beaven និយាយថា “អស់រយៈពេល ៧៥ ឆ្នាំមកហើយ ក្រុមហ៊ុន Jaguar បានផលិតរថយន្តស្ព័រពិសេសដែលផ្តល់នៅការបើកបរដ៏មានឥទ្ធិពល។ F-Type 75 ប្រកាន់ខ្ជាប់នៅគោលការណ៍ខាងលើ ដោយបន្ថែមការធ្វើឲ្យប្រសើរឡើងនៅការរចនាបន្ថែមទាំងផ្នែកខាងក្នុង និងខាងក្រៅ ដោយហេតុនេះ ជាការផ្តល់កិត្តិយសដល់ម៉ូដែលនេះ មុនពេល Jaguar ក្លាយជាក្រុមហ៊ុនរថយន្តអគ្គិសនីសុទ្ធនៅឆ្នាំ ២០២៥” ។
សម្រាប់ម៉ូដែលពិសេសទាំង ២ នេះ ត្រូវបានតុបតែងជាមួយពណ៌ប៉ៃតង Giola Green ។ បន្ថែមពីនេះ ត្រូវបានបំពាក់ជាមួយចង្កៀងមុខប្រភេទ LED និងថាសកង់ពណ៌ខ្មៅរលោងទំហំ ២០ អ៊ីញ។ នៅខាងក្នុងរថយន្តត្រូវបានស្រោបដោយស្បែកប្រភេទ Windso, ភ្ជាប់មកជាមួយកុងទ័រព័ត៌មានឌីជីថលទំហំ ១២,៣ អ៊ីញ និងមានជម្រើសកញ្ចប់ Black package ផងដែរ។
ចូលទៅកាន់ផ្នែកម៉ាស៊ីនវិញ សម្រាប់ម៉ូដែល F-Type 75 មានជម្រើសម៉ាស៊ីន ២ប្រភេទរួមមាន ម៉ាស៊ីនស្តង់ដារប្រភេទ I4 ចំណុះ ២,០ លីត្រ turbocharged អាចផលិតកម្លាំងបាន ២៦៩ សេះ និងម៉ាស៊ីនចំណុះ ៥,០ លីត្រ supercharged មានកម្លាំង ៤៤៤ សេះ។ ក្នុងនោះ ប្លុកម៉ាស៊ីននេះ ក៏ត្រូវបានបំពាក់លើម៉ូដែល F-Type R 75 ដែលអាចផលិតកម្លាំងបានដល់ ៥៦៧ សេះ។
ទាក់ទងនឹងតម្លៃ ចំពោះម៉ូដែល F-Type 75 មានតម្លៃលក់ចាប់ពី ៨៧ ៤៦៣ ដុល្លារ និងម៉ូដែល F-Type R 75 មានតម្លៃ ១១១ ៨៦៥ ដុល្លារ។ បន្ថែមពីនេះ សម្រាប់ម៉ូដែលអាចបិត-បើកដំបូលបានមានតម្លៃចាប់ពី ៩៩ ២៤៣ ដុល្លារ ដល់ ១២០ ៦៦៥ ដុល្លារនៅក្នុងទីផ្សារចក្រភពអង់គ្លេស៕
