មានប្រជាជនកម្ពុជាជាច្រើនចូលចិត្តការធ្វើដំណើរបែបផ្សងព្រេងជាមួយនឹងគ្រួសារ ឬក៏មិត្តភក្កិដែលពួកគេអាចស្វែងរកបាននូវទីកន្លែងថ្មីៗជាមួយនឹងបទពិសោធន៍ដ៏អស្ចារ្យដូចជាការបោះតង់, ការបើកបរឡើងភ្នំជាមួយនឹងការទស្សនាទេសភាពបែបធម្មជាតិ។ ភាគច្រើននៃអ្នកធ្វើដំណើរផ្សងព្រេងគឺពួកគេជាម្ចាស់អាជីវកម្ម ឬជាអ្នកធ្វើការឯកជន ដែលពួកគេតែងតែត្រូវការមធ្យោបាយដឹកជញ្ជូនដែលផ្ដល់ឱ្យពួកគេនូវអត្ថប្រយោជន៍ជាច្រើនរួមគ្នាទាំងការធ្វើដំណើរផ្សងព្រេងជាមួយរថយន្តដែលមានថាមពលកម្លាំង និងមានផាសុកភាពសម្រាប់ការបើកបរលើផ្លូវពិបាក និងអាចជួយដល់ការងារអាជីវកម្មរបស់ពួកគេបានផងដែរ។ ដូចនេះហើយ រថយន្តភីកអាប់គឺជាជម្រើសដ៏ល្អសម្រាប់ពួកគេ ហើយថ្ងៃនេះយើងនឹងលើកយកនូវរថយន្តភីកអាប់មួយមួយឌែលដែលមានតម្លៃសមរម្យដើម្បីធ្វើការណែនាំដល់អ្នកអាន, នោះគឺរថយន្តភីកអាប់ Maxus T90 ដែលអាចជាដៃគូដ៏ល្អសម្រាប់លោកអ្នកក្នុងការធ្វើដំណើរលើផ្លូវពិបាកបែបផ្សព្វព្រេងនាថ្ងៃចុងសប្ដាហ៍ ឬការបើកបរសម្រាប់ការងារអាជីវកម្មដឹកជញ្ជូនរបស់អ្នកក្នុងក្រុងផងដែរ។
លោកអ្នកអាចធ្វើការស្វែងរករថយន្ត Maxus T90 ជាមួយនឹងតម្លៃយ៉ាងពិសេសត្រឹមតែ ២៩ ៩៩០ ដុល្លារ ($29,990) ប៉ុណ្ណោះនិងមានការធានាលើគុណភាពរយៈពេល ៣ឆ្នាំ ឬក៏ ១០០ ០០០ គីឡូមែត្រទៀតផង ដែលពិតជាជម្រើសល្អណាស់សម្រាប់អ្នកចូលចិត្តធ្វើដំណើរផ្សងព្រេងហើយមិនចង់ចំណាយលុយច្រើនទៅលើរថយន្តផ្សេងៗសម្រាប់អាជីវកម្មផងនិងការធ្វើដំណើរផ្លូវពិបាកផង។ រថយន្ត Maxus T90 មិនត្រឹមតែជារថយន្តភីកអាប់ដែលអ្នកអាចប្រើសម្រាប់ការដឹកជញ្ជូន ឬក៏បើកបរលើផ្លូវដែលពិបាកនោះទេ, ប៉ុន្តែវាផ្ដល់នូវការបើកបរដ៏មានផាសុកភាពដូចរថយន្តគ្រួសារផងដែរ ទោះបីជាអ្នកដឹកទំនិញច្រើន ឬក៏បើកបរលើផ្លូវលំបាក ឬផ្លូវក្នុងក្រុងក៏ដោយ ដោយរថយន្ត Maxus T90 គឺបានបំពាក់មកនូវជាមួយបច្ចេកវិទ្យាទំនើបនិងមុខងារឆ្លាតវៃជាច្រើនដូចខាងក្រោម:
- សមត្ថភាពនៃការបើកបរ: រថយន្ត Maxus T90 បាននាំមកនូវជាមួយម៉ាស៊ីនម៉ាស៊ូតចំណុះ 2.0T Bi-Turbo (តួបូភ្លោះ) ជាមួយនឹងប្រព័ន្ធប្រអប់លេខអូតូស្វ័យប្រវត្តិ ៨វគ្គ ដែលផលិតនូវកម្លាំងរហូតដល់ ២១៤ សេះ (160kW) ជាមួយនឹងកម្លាំងរមួល ៥០០ ញ៉ូតុនម៉ែត្រ ហើយក៏បំពាក់នូវប្រភេទប៉ុង២ (All Wheel Drive) ហើយអ្នកបើកបរអាចជ្រើសរើសលក្ខខណ្ឌនៃបើកបរអាស្រ័យទៅតាមស្ថានភាពផ្លូវផ្សេងៗគ្នាដូចជា 2WD / Automatic / 4WD ល្បឿនលឿន / 4WD ល្បឿនយឺត។
- ប្រព័ន្ធសុវត្ថិភាព: អ្នកបើកបរនិងអ្នករួមដំណើរនឹងទទួលបាននូវផាសុកភាពខ្ពស់ជាមួយមុខងារសុវត្ថិភាពជាច្រើនដូចជា: កាមេរ៉ាខក្រោយជាមួយសេនស័រជំនួយក្នុងការចតរថយន្ត, ហ្វ្រាំងដៃអេឡិចត្រូនិច, ប្រព័ន្ធកំណត់ល្បឿនថេរ, ពោងសុវត្ថិភាពចំនួន ៧គ្រាប់, មុខងារផ្តល់ដំណឹងសម្ពាធកង់, ប្រព័ន្ឌ ESP+EBA (HAS, RMI, HDC) និងមានប្រព័ន្ធជាច្រើនទៀតដែលផ្តល់ជូននូវការបើកបរយ៉ាងមានទំនុកចិត្ត។
- មុខងារផាសុកភាពជំនួយការបើកបរ: អ្នកបើកបរនឹងទទួលបាននូវអារម្មណ៍ល្អតាំងពីជំហ៊ានដំបូងនៃការចូលក្នុងរថយន្ត Maxus T90 ជាមួយនឹងមុខងារពិសេសដូចខាងក្រោម:
– ប្រព័ន្ធសោឆ្លាតវៃ smart key ដែលអ្នកគ្រាន់តែចុចលើប៊ូតុងមួយ ម៉ាស៊ីននិងដំណើរការ
– កៅអីស្ព័តដែលមិនធ្វើឱ្យធុញទ្រាន់ទោះបើកបរផ្លូវឆ្ងាយក៏ដោយ
– Cool Box ធុងក្លាសេធ្វើឱ្យភេសជ្ជះរបស់អ្នកនៅតែត្រជាក់ទោះធ្វើដំណើរផ្លូវឆ្ងាយក៏ដោយ
– កៅអីអូតូអេឡិចត្រូនិចងាយស្រួលក្នុងការសារ៉េទៅមុខទៅក្រោយដើម្បីផ្តល់នូវផាសុកភាពខ្ពស់
– អេក្រង់កំសាន្តទំហំ ១២,៣ អ៉ីញ អាចតភ្ជាប់ជាមួយ Apple Car Play, ចម្រៀង,..
– កុងទ័របង្ហាញព័ត៌មានឌីជីថលទំហំ ១០,២៥ អ៉ីញ ដែលមានតែក្នុងរថយន្តប្រណិត, ប៉ុន្តែ T90 យល់ដឹងពីរបៀបក្នុងការផ្ដល់នូវភាពងាយស្រួលនិងភាពទំនើបដល់ម្ចាស់រថយន្តនិងរីករាយជាមួយការធ្វើដំណើរជាមួយគ្រួសារ
– ជាពិសេស, Maxus T90 បាននាំមកនូវជាមួយដំបូលលើបិទបើក Sunroof ដែលមានតែលើរថយន្តប្រភេទ SUV ឬរថយន្តគ្រួសារ និងរថយន្តដែលមានតម្លៃថ្លៃ, ប៉ុន្តែលោកអ្នកអាចស្វែងរកបានជាមួយរថយន្ត Maxus T90 ដើម្បីសម្រាកលំហែកាយនិងស្រូបយកខ្យល់អាកាសបរិសុទ្ធក្នុងកំឡុងពេលអ្នកធ្វើដំណើរលើដងផ្លូវ។
សរុបមក, រថយន្តភីកអាប់មិនត្រឹមតែជារថយន្តសម្រាប់ដឹកជញ្ជូន ឬក៏សម្រាប់ធ្វើដំណើរផ្សងព្រេងទេ, ប៉ុន្តែអ្នកផលិតរថយន្ត Maxus បានដឹងពីអ្វីដែលអ្នកទិញត្រូវការជាមួយអត្ថប្រយោជន៍យ៉ាងច្រើនមុខ ដែលជាហេតុធ្វើឱ្យរថយន្ត Maxus T90 គឺជាជម្រើសពិតប្រាកដនិងល្អបំផុតសម្រាប់អ្នកដែលត្រូវការរថយន្តភីកអាប់ដែលមានកម្លាំងខ្លាំងជាមួយនឹងមុខងារដ៏ទំនើននិងប្រណិតភាព ហើយធ្វើឱ្យអ្នករួមដំណើរទទួលបានផាសុកភាព និងសុវត្ថិភាពខ្ពស់។ ជាពិសេសរថយន្ត Maxus T90 ពិតជាស័ក្តសមសម្រាប់គ្រួសារ ឬក៏អ្នកប្រើប្រាស់សម្រាប់អាជីវកម្ម និងការធ្វើដំណើរបែបផ្សងព្រេង, ដូច្នេះ អ្នកទិញអាចសន្សំសំចៃលុយច្រើនសម្រាប់វិនិយោគទៅលើអាជីវកម្មរបស់ពួកគេ ហើយអាចរីករាយជាមួយរថយន្តភីកអាប់ថ្មីតម្លៃត្រឹមតែ ២៩ ៩៩០ ដុល្លារ ($29,990) ។
