ទិន្នន័យលក់ប្រចាំខែមករាឆ្នាំ ២០២១ នៃទីផ្សាររថយន្តនៅប្រទេសអូស្ត្រាលីបានបង្ហាញថារថយន្តដែលមានប្រភពមកពីប្រទេសចិនបាននាំមុខរថយន្តមានប្រភពពីប្រទេសអាល្លឺម៉ង់ និងសហរដ្ឋអាមេរិក ជាលើកដំបូងបំផុត ដែលកន្លងមកគឺរថយន្តចិនស្ថិតនៅតំណែងចន្លោះអាល្លឺម៉ង់ និងអាមេរិក។
រថយន្តមានប្រភពពីប្រទេសចិនអាចលក់ចេញបានចំនួន ៤ ១៩៨គ្រឿង ប្រចាំខែមករា ឆ្នាំ ២០២១ (កើន ១៥៦%ធៀបនឹងខែមករា ២០២០) ដែលស្ថិតនៅលំដាប់ថ្នាក់លេខ៤។ រថយន្តចំណាត់ថ្នាក់លេខ១គឺរថយន្តមកពីជប៉ុនដែលលក់បាន ២៩ ២៧៥គ្រឿង (កើន ២៩,៦%), រថយន្តមកពីថៃជាប់លេខ២ដែលលក់បាន ១៦ ៩០៣គ្រឿង (ថយ ៦,១%) និងរថយន្តកូរ៉េខាងត្បូងលក់បាន ១១ ៥១៦គ្រឿង (កើន ១១,៥%) ជាប់លេខ៣។
ផ្ទាំងផ្សាយពាណិជ្ជកម្ម
ចំណែករថយន្តអាល្លឺម៉ង់លក់ចេញបាន ៣ ០៧៨គ្រឿង (ថយចុះ ៤២%) ស្ថិតនៅលំដាប់លេខ៥ ខណៈរថយន្តមកពីអាមេរិកលក់ចេញបាន ២ ០៥៦គ្រឿង (ថយចុះ ៣៨%) ស្ថិតនៅចំណាត់ថ្នាក់លេខ៦៕
ផ្ទាំងផ្សាយពាណិជ្ជកម្ម
