![](https://camboauto.com/wp-content/uploads/2019/08/69107188_1180870735430598_6724361292955516928_o-696x464.jpg)
“គំនិតផ្តួចផ្តើមរបស់ឯ.ឧ.ទេស.ស៊ុន ចាន់ថុល តភ្ជាប់ប្រព័ន្ធបច្ចេកវិទ្យារបស់ក្រសួងសាធារណការ និងដឹកជញ្ជូន ជាមួយអគ្គនាយកដ្ឋានគយ និងរដ្ឋាករកម្ពុជា កំពុងផ្តល់លទ្ធផលជាផ្លែផ្កា”
សកម្មភាពក្រុមការងារអន្តរក្រសួងចុះត្រួតពិនិត្យរថយន្តមានភាពមិនប្រក្រតី ត្រូវបានឃាត់ទុកមួយចំនួនក្នុងចំណោមជាងរាប់រយគ្រឿង
—
ថ្ងៃពុធ ៦រោច ខែស្រាពណ៍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២១ ខែសីហា ឆ្នាំ២០១៩ ក្រុមការងារអន្តរក្រសួង បានចុះពិនិត្យជាក់ស្តែងចំពោះរថយន្តមានភាពមិនប្រក្រតី ដែលមន្ដ្រីគយ និងរដ្ឋាករមានសមត្ថកិច្ចបានឃាត់ទុកនៅឃ្លាំងគយបណ្តោយមហាវិថីឈ្នះឈ្នះ។
![](https://scontent.fpnh15-1.fna.fbcdn.net/v/t1.0-9/68705392_1180869202097418_1441381081688309760_o.jpg?_nc_cat=100&_nc_eui2=AeFb3Bk1hmtYAe_Qwz_HF3Bo4dkhBNdyri9gF8OgyIbpw6HrqQuL1XefDVEksTQ1uY5E-VNSn0AiXuG4PawomvliBTFl86ET998gn7mqROA3Yw&_nc_oc=AQnbfxcbwwuXxu9qEyl0T8vrEK-RusPlhgLo_t0zOOLcrYJm43qrXTb3qV3N9zmoiXc&_nc_ht=scontent.fpnh15-1.fna&oh=7eb7b092bbefaf6474002c1c4543eb5e&oe=5E09DE72)
បេសកកម្មនេះត្រូវបានដឹកនាំដោយលោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន ប្រធាននាយកដ្ឋានព័ត៌មានវិទ្យា និងទំនាក់ទំនងសាធារណៈ និងជាសហប្រធានក្រុមការងារអន្តរក្រសួង តភ្ជាប់ប្រព័ន្ធស្វ័យប្រវត្តិកម្មដឹកជញ្ជូនផ្លូវគោក និងប្រព័ន្ធស្វ័យប្រវត្តិកម្មទិន្នន័យគយ និងលោក ប៉ោ សួន អនុប្រធាននាយកដ្ឋានកិច្ចការច្បាប់ សវនកម្ម និងទំនាក់ទំនាក់ទំនងសាធារណៈ និងជាអនុប្រធានក្រុមការងារ ដោយមានការចូលរួមពីមន្ត្រីជំនាញពាក់ព័ន្ធមកពីអគ្គនាយកដ្ឋានដឹកជញ្ជូនផ្លូវគោក អគ្គនាយកដ្ឋានគយ និងរដ្ឋាករកម្ពុជា និងនាយកដ្ឋានព័ត៌មានវិទ្យា និងទំនាក់ទំនងសាធារណៈ។
![](https://scontent.fpnh15-1.fna.fbcdn.net/v/t1.0-9/68750774_1180870905430581_1672965920152092672_o.jpg?_nc_cat=107&_nc_eui2=AeFoF1dls_KY5SOiT9TRPpEuOvarufwq4LAKWTrnvw1SKQm6LskqhPPvsHaAJDxsJGlBmEbNDRYQ6_1b_FXlYu4mYeANr778MLtosdcx6_E_mw&_nc_oc=AQnMYM9Kkmz4VXRgieRTXxLmrwCaT_5Yr0i2vZdSzmnc7o9j1X6jhveoHfWuisopjaw&_nc_ht=scontent.fpnh15-1.fna&oh=6032803a08f6f3fb458ec330cd348251&oe=5E14FF29)
ការចុះពិនិត្យរថយន្តជាក់ស្តែងនាពេលនោះ ត្រូវបានធ្វើឡើងក្នុងគោលបំណងដើម្បីវាយតម្លៃលើភាពមិនប្រក្រតីនៃរថយន្តគ្មានបង្កាន់ដៃពន្ធនាំចូល មិនមានផ្លាកលេខ ពាក់ផ្លាកលេខក្លែងក្លាយ ពាក់ផ្លាកលេខបានពីផលចោរកម្ម រថយន្តកាត់ត និងមានបញ្ហាលេខតួ លេខម៉ាស៊ីន ម៉ូដែល និងឆ្នាំផលិត និងទ្រង់ទ្រាយផ្សេងជាដើម…។ល។
ជាមួយនឹងគំនិតផ្តួចផ្តើមដែលដឹកនាំដោយឯកឧត្តមទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានសហការជាមួយអគ្គនាយកដ្ឋានគយ និងរដ្ឋាករកម្ពុជា ក្រោមការជ្រោមជ្រែងពីឯកឧត្តមអគ្គបណ្ឌិតសភាចារ្យ ឧបនាយករដ្ឋមន្ត្រី អូន ព័ន្ធមុនីរ័ត្ន បានបង្កើតក្រុមការងារអន្តរក្រសួងមួយ ហើយកាលពីថ្ងៃទី២១ ខែឧសភា ឆ្នាំ២០១៨ បានសម្រេចដាក់ឱ្យដំណើរការយន្តការប្រព័ន្ធបច្ចេកវិទ្យា ដើម្បីចែករំលែកទិន្នន័យចុះបញ្ជីយាយយន្ត និងទិន្នន័យពន្ធនាំចូលយានយន្តទៅវិញទៅមក និងតាមដានភាពមិនប្រក្រតីពាក់ព័ន្ធ។
![](https://scontent.fpnh15-1.fna.fbcdn.net/v/t1.0-9/69381554_1180880338762971_5864614844384149504_o.jpg?_nc_cat=101&_nc_eui2=AeFOWwC5IT9ClLptst6onMpuCmluLOHh3Fh5S8TENaUH-_L2fW8C2Ksq-uqnBu0p_LdJl_AMUhN8GN58ReTBxe7JQvKVTmg4YD7Qyzxdz1KehQ&_nc_oc=AQk7xZdjSg7sMuha1tt0QayRwMmXncCKhQLtf8z6jNWn4lyaG2_1z7seN6EDjR8aEkw&_nc_ht=scontent.fpnh15-1.fna&oh=a4222246e28939a4820c3e844e4ba0e5&oe=5E150D5F)
ជាមួយនឹងកិច្ចសហការដ៏ល្អរវាងស្ថាប័នទាំងពីរបានផ្តល់នូវលទ្ធផលជាវិជ្ជមានជាច្រើន ដូចជាកាចុះបញ្ជីយានយន្តមានរយៈពេលខ្លីរហ័ស ធានាមិនមានការក្លែងបន្លំឯកសារសាធារណៈ ដែលអាចគេចផុតពីភ្នែកសមត្ថកិច្ច ទប់ស្កាត់ និងចាប់រថយន្តមិនបង់ពន្ធនាំចូល បង្កើនប្រសិទ្ធភាពការអនុវត្តការប្រមូលពន្ធនាំចូលយានយន្ត និងបង្កើនចំណូលថវិកាជាតិ ។
![](https://scontent.fpnh15-1.fna.fbcdn.net/v/t1.0-9/69236031_1180880328762972_8164866398883938304_o.jpg?_nc_cat=111&_nc_eui2=AeEfumZ1d8hciTmcZQVJ2rZze0MmRdFhU4a_vDS9CiNqMUZDoHSgPQ0N9-Fw4XnNX2OBBomcab3jcUbH0jglJDcEHel8ffEIiY-b-XJgWz3sdQ&_nc_oc=AQlPRNyx2pdNGPD4iCxCCRZmwT-AHGa3pOnCZt3eXZ8GdOsC8Lyr98ukDu5GrvitbCc&_nc_ht=scontent.fpnh15-1.fna&oh=9f9141cdb0a5c95f483f33dee61f1122&oe=5E101E8A)
សូមជម្រាបជូនថា រថយន្តដែលត្រូវបានឃាត់ទុករាប់រយគ្រឿង ព្រោះមានទិន្នន័យកំណត់គោលដៅច្បាស់លាស់ពីប្រព័ន្ធបច្ចេកវិទ្យាក្រសួងសាធារណការ និងដឹកជញ្ជូន និងអគ្គនាយកដ្ឋានគយ និងរដ្ឋាករកម្ពុជា។ កិច្ចខិតខំប្រឹងប្រែងនេះក៏បានចូលរួមធ្វើឱ្យចំណូលពន្ធនាំចូលយានយន្តមានការកើនឡើងប្រមាណ៣៤% ក្នុងឆ្នាំ២០១៨ ធៀបនឹងឆ្នាំ២០១៧ ៕
![](https://scontent.fpnh15-1.fna.fbcdn.net/v/t1.0-9/68896934_1180869545430717_9196798060582141952_o.jpg?_nc_cat=110&_nc_eui2=AeE_gQjk7oijXGgJmyPudQVdJ6MHNHCEVJbwsBIWv6ujhmNwxbjasztYhdjjcIdvnOkJmwQa5YgtaQXEi7uURtlpQKo-wiBcA6kVooiA7NZn0A&_nc_oc=AQkc-jHyW2PdDbMprwmf8QJUE_tV7rgw-yTBUS2tvQGhkfMzJglgP5bHAUww4wrRf68&_nc_ht=scontent.fpnh15-1.fna&oh=5186a30355fc8d34c668467ea107d255&oe=5DD8978E)