[បរទេស] ក្រុមហ៊ុនផលិតរថយន្ត Mitsubishi ប្រចាំនៅប្រទេសថៃ គ្រោងនឹងធ្វើការផលិតនៅរថយន្ត Mitsubishi Xpander ប្រភេទកូនកាត់ hybrid ហើយត្រូវបានកំណត់គោលដៅទៅកាន់ទីផ្សារដែលកំពុងរីកចម្រើនដែលត្រូវបានចែកចាយទូទាំងអាស៊ីអាគ្នេយ៍និងមជ្ឈិមបូព៌ា នៅក្នុងខែវិច្ឆិកា ឆ្នាំ ២០២៣ ។
មិនត្រឹមតែប៉ុណ្ណោះ ក្រុមហ៊ុន Mitsubishi Motors ក៏នឹងពិចារណាផលិតរថយន្តកូនកាត់ hybrid នៅក្នុងប្រទេសឥណ្ឌូនេស៊ីផងដែរ ដោយគោលបំណងគឺដើម្បីទាញយកអត្ថប្រយោជន៍ពីធនធាននីកែលដ៏សម្បូរបែប ដើម្បីអភិវឌ្ឍឧស្សាហកម្មរថយន្តអគ្គិសនីរបស់ខ្លួន។
លើសពីនេះ ក្រុមហ៊ុន Mitsubishi គ្រោងនឹងបង្កើនចំណែកនៃរថយន្តអគ្គិសនី រួមទាំងរថយន្តប្រើម៉ាស៊ីន hybrid ដល់ 50% នៃការលក់ទូទាំងពិភពលោកនៅឆ្នាំ ២០៣០ និងបញ្ឈប់ការលក់រថយន្តប្រើសាំងនៅឆ្នាំ ២០៣៥ ដោយនៅក្នុងនោះ ការផលិតរថយន្តអគ្គិសនី និង Plug-in Hybrid ធ្វើឡើងនៅប្រទេសជប៉ុននៅអាស៊ីអាគ្នេយ៍ដែលជាទីផ្សារសំខាន់មួយចំនួនផ្សេងទៀត ៕
