[ទីផ្សារបរទេស] ក្រុមហ៊ុនផលិតរថយន្ត Dongfeng Nissan បានធ្វើការដាក់បញ្ចេញរថយន្ត Venucia V Dark Horse ថ្មី ដោយការរចនាបានយកលំនាំតាមរថយន្ត Nissan Venucia V នឹងត្រៀមចេញលក់នៅយប់នេះតែម្តងនៅក្នុងទីផ្សារប្រទេសចិន។
សម្រាប់រថយន្ត Venucia V Dark Horse ថ្មីមានប្រវែងសរុប ៤,៥៦២ ម.ម ទទឹង ១,៩១៧ ម.ម កំពស់ ១,៦១៧ ម.ម និងប្រវែងគន្លាតកង់មុខ-ក្រោយ ២,៧០០ ម.ម ។ សម្រាប់រូបរាងខាងក្រៅរបស់ម៉ូដែលនេះ សង្កត់ធ្ងន់លើភាពប្រណីត និងការរចនាដ៏ទំនើបបែបគ្រួសារ ជាមួយនឹងតួខ្លួនពណ៌ខ្មៅ ដោយបានបំពាក់ជាមួយប៉ាណាពណ៌ខ្មៅអបជាមួយនឹងចង្កៀងមុខប្រភេទ LED ។
ចំពោះផ្នែកខាងក្នុងនៃរថយន្ត ចំនុចសំខាន់នៃ Venucia V Dark Horse Edition គឺការប្រើប្រាស់ផ្នែកខាងក្នុងពណ៌ក្រហម និងខ្មៅ រួមទាំងដៃចង្កូតពណ៌ក្រហម-ខ្មៅ បន្ទះទ្វារ និងកៅអីពណ៌ក្រហម ធ្វើឲ្យរថយន្តនេះកាន់តែមានលក្ខណៈបែបស្ព័របន្ថែមទៀត។
បើនិយាយអំពីផ្នែកម៉ាស៊ីនវិញ រថយន្ត Venucia V Dark Horse ដំណើរការដោយម៉ាស៊ីនចំណុះ ១,៥ លីត្រ turbo ផលិតកម្លាំងបាន ១៩០ សេះ និងកម្លាំងរមួល ២៦០ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ៧វគ្គ និងកម្រិតស៊ីប្រេង ៦,៦ លីត/១០០ គីឡូម៉ែត្រ៕
