កាលពីថ្មីៗនេះ Lexus បានដាក់ពាក្យស្នើសុំសិទ្ធប៉ាតង់សម្រាប់ឈ្មោះថា “RX450h+” ជាមួយការិយាល័យកម្មសិទ្ធិបញ្ញារបស់សហភាពអឺរ៉ុប។
ឈ្មោះមួយនេះអាចឲ្យគេជឿជាក់ថានឹងជាឈ្មោះសម្រាប់ Lexus RX ប្រភេទ Plug-in Hybrid ដែលជាប្រភេទរថយន្តអាចសាកភ្លើងបាន។ គួរដឹងថាកន្លងមកគេមិនធ្លាប់ឃើញមានសញ្ញា “+” ក្នុងឈ្មោះរថយន្តដែលជាផលិតផលសម្រេចរបស់ Lexus នោះទេ។
Lexus បានដាក់ពាក្យកាលពីថ្ងៃទី៦ ខែតុលា កន្លងទៅនេះ ដូចនេះប្រហែលជាត្រូវរង់ចាំយូរឆ្នាំទើបរថយន្ត Lexus RX450h+ បង្ហាញវត្តមានជាផ្លូវការ។ រំលឹកដែរថាកាលពីដើមឆ្នាំ Lexus ក៏បានដាក់ពាក្យស្នើសុំកម្មសិទ្ធិបញ្ញាសម្រាប់ឈ្មោះ “NX450h+” ដែលកូនរថយន្ត SUV ខ្នាតតូចនេះក៏នឹងមានប្រភេទ Plug-in Hybrid ផងដែរ។
គេរំពឹងថារថយន្ត NX និង RX PHEV នឹងប្រើប្រាស់ប្រព័ន្ធម៉ាស៊ីនរបស់ Toyota RAV4 Prime ដែលមានម៉ូទ័រអគ្គិសនីចំនួនពីរ គួបផ្សំនឹងម៉ាស៊ីនសាំងចំណុះ ២,៥លីត្រ ៤ស៊ីឡាំង។ រថយន្ត RAV4 Prime អាចផលិតកម្លាំងបាន ៣០២សេះ ហើយអាចបើកបរបានចម្ងាយ ៦២,៧គីឡូម៉ែត្រ ពេលប្រើថាមពលអគ្គិសនី៕
