សារព័ត៌មាន CNBC បានចុះផ្សាយថាចំនួនលក់រថយន្តនៅលើទូទាំងសកលលោក នឹងធ្លាក់ចុះខ្លាំងបំផុតជាលើកដំបូងគិតចាប់តាំងពីឆ្នាំ ២០០៨ មក។
ប្រទេសពីរដែលនាំឲ្យមានការធ្លាក់ចុះនេះគឺប្រទេសចិន និងសហរដ្ឋអាមេរិក ដោយតម្រូវការមានចំនួនទាបបំផុត។ ការចុះផ្សាយអះអាងថាចំនួនលក់រថយន្តលើសកលលោករំពឹងថាថយចុះ ៣,១ លានគ្រឿងនៅក្នុងឆ្នាំនេះ ជាការធ្លាក់ចុះធំតាំងពីឆ្នាំ ២០០៨។
ផ្ទាំងផ្សាយពាណិជ្ជកម្ម
ចំនួនលក់រថយន្តសរុបនៅឆ្នាំ ២០១៨ មានចំនួន ៨០,៦ លានគ្រឿង ដែលវាថយចុះធៀបនឹងឆ្នាំ ២០១៧ ដែលលក់បាន ៨១,៨ លានគ្រឿង។ ក្រឡេកមកមើល ១០ ខែដំបូងនៃឆ្នាំ ២០១៩ នេះ ចំនួនលក់រថយន្តថ្មីធ្លាក់ចុះ ១១% ធៀបនឹងឆ្នាំ ២០១៨។ ចំណែកនីអាមេរិក ក្រុមហ៊ុនរថយន្តធំៗបានបន្ថយចំនួនផលិតរថយន្តថ្មីប្រចាំឆ្នាំ ដែលជាសញ្ញានៃតម្រូវការថយចុះ៕
ផ្ទាំងផ្សាយពាណិជ្ជកម្ម
