នៅក្នុងខែតុលា មានរថយន្តចំនួន ១៦ ៦៨៣ គ្រឿង ត្រូវបាននាំចូលពីក្រៅប្រទេសលក់នៅប្រទេសវៀតណាម ជាតួលេខខ្ពស់ជាងគេបំផុតមួយចាប់តាំងពីដើមឆ្នាំ ២០១៩។ បើធៀបនឹងខែតុលា ឆ្នាំ ២០១៨ តួលេខនេះគឺមានកំណើនជាង ១៣១% ឯណោះ។
ពេញមួយឆ្នាំ ២០១៩ នេះចំនួនរថយន្តនាំចូលទៅវៀតណាមមានសរុប ១២៣ ៤៨៤ គ្រឿង ដែលមានតម្លៃជាង ២,៧ ពាន់លានដុល្លារ។ ប្រភពរថយន្តនាំចូលធំជាងគេគឺមកពីថៃ ដែលនាំចូលរថយន្ត ៦៨ ៥៩៧ គ្រឿង តាមពីក្រោយដោយឥណ្ឌូណេស៊ីដែលមាន ៣៩ ៩១១ គ្រឿង។
ក្នុងរយៈពេល ១០ ខែចុងក្រោយនេះដែរ ក្នុងចំណោមរថយន្តនាំចូលសរុប មាន ៨០% គឺនាំពីឥណ្ឌូណេស៊ី និងវៀតណាម។ អត្រាពន្ធនាំចូល ០% ដែលជាផ្នែកមួយនៃកិច្ចព្រមព្រៀងអាស៊ាន AFTA ចាប់តាំងពីឆ្នាំ ២០១៨ មក ជាហេតុផលនាំឲ្យរថយន្តនាំចេញពីប្រទេសទាំងពីរ មានការកើនឡើង៕
