[បរទេស] ក្រុមហ៊ុនផលិតរថយន្ត Toyota ប្រចាំនៅទីផ្សារប្រទេសអាហ្វ្រិកខាងត្បូង បានធ្វើការដាក់បង្ហាញចេញជាផ្លូវការនៅរថយន្តរបស់ខ្លួនចំនួន ៤ ម៉ូដែល ដោយនៅក្នុងម៉ូដែលគួរឲ្យគត់សម្គាល់ជាងគេគឺភីកអាប់ Toyota Hilux ប្រើម៉ាស៊ីនកូនកាត់ hybrid ស៊េរីឆ្នាំ. ២០២៤។
ដោយភីកអាប់នេះ ដំណើរការដោយម៉ាស៊ីនកូនកាត់ 48-volt mild-hybrid ធ្វើការរួមគ្នាជាមួយម៉ាស៊ីនម៉ាស៊ូតចំណុះ ២,៨ លីត្រ ផ្គួបជាមួយម៉ូទ័រអគ្គិសនីចំនួន ១ អាចផលិតកម្លាំងបានសរុប ២១៧ សេះ និងកម្លាំងរមួល ៥៦៦ ញ៉តុនម៉ែត្រ ផ្គួបជាមួយអាគុយលីដ្យូម ។
មិនត្រឹមតែប៉ុណ្ណោះ Toyota Hilux ប្រើម៉ាស៊ីនកូនកាត់ mild hybrid ក៏ត្រូវបានធ្វើឲ្យប្រសើរឡើង និងបានកែលម្អបន្ថែម ៥% ជាមួយនឹងមុខងារដូចជា ប្រព័ន្ធជំនួយពេលស្ទះចរាចរណ៍កម្រិតខ្ពស់ stop and go traffic system និងប្រព័ន្ធហ្វ្រាំងឡើងវិញផងដែរ ។ គួរបញ្ជាក់ផងដែរថា ប៉ុណ្ណោះ Toyota Hilux ប្រើម៉ាស៊ីនកូនកាត់ hybrid គ្រោងនឹងធ្វើការចេញលក់ជាផ្លូវការនៅក្នុងខែមិនា ឆ្នាំ ២០២៣ ៕
