រថយន្ត Nissan Z ឆ្នាំ២០២៣ ជារថយន្តប្រភេទស្ព័ររបស់ក្រុមហ៊ុន Nissan ដែលត្រូវបានឆ្លងកាត់នូវការផ្លាស់ប្តូរ និងការអភិវឌ្ឍន៌ចំនួន ៧ជំនាន់រួចមកហើយ បើគិតចាប់តាំងពីឆ្នាំ១៩៦៩ រហូតមកដល់ពេលនេះ ដែលមានការអភិវឌ្ឍន៍ថ្មីកាន់តែទាក់ទាញ។
ការរចនាផ្នែកខាងក្រៅ៖ រថយន្ត Nissan Z ដែលទើបបង្ហាញខ្លួនថ្មីនេះទទួលបានការឌីហ្សាញរូបរាងប្លែក ប៉ុន្តែនៅតែមានលក្ខណៈមួយចំនួន ស្រដៀងទៅនឹងជំនាន់មុនៗ ជាមួយនឹងការបំពាក់ប្លុកម៉ាស៊ីនវែង អមជាមួយនឹងខ្សែបន្ទាត់ក្រាស់ៗ ហើយជាពិសេសនោះគឺប៉ាណាមុខរាងជ្រុង ខណៈចង្កៀងមុខ និងអំពូលបំភ្លឺពេលថ្ងៃ LED របស់វា មានរាងកោង មើលទៅពិតជាស្អាតទាក់ទាញ ដូចទៅនឹងម៉ូដែល Fiarlady 240ZG ចេញអំឡុងឆ្នាំង១៩៧០ ដែរ។
ក្នុងនោះដែរ វាមានផ្តល់ជម្រើសពណ៌ប្រភេទ monotone ចំនួន ៣ និង ប្រភេទ two-tone ចំនួន ៦ ជម្រើសឯណោះ។ក្រឡែកទៅមើលផ្នែកខាងក្រោយវិញ វាបានឌីហ្សាញចង្កៀងក្រោយរាង ២ ឈ្នូត ភ្លឺដិត អមជាមួយនឹងគូទក្រោយពណ៌ខ្មៅរលោង និងបំពង់ស៊ីម៊ាំង ២ យ៉ាងទាក់ទាញទៀតផង។
ការរចនាផ្នែកខាងក្នុង៖ រថយន្តនេះនៅតែបន្តការឌីហ្សាញបែប Retro Design ដែលមានន័យថា បុរាណកាត់សម័យ ជាមួយនឹងការបំពាក់កុងទ័រឌីជីថលទំហំ ១២,៣អ៊ីញ និងមានកុងទ័រ analog gauge ចំនួន៣ ឈរពីលើអេក្រង់កម្សាន្តនៅផ្នែកកណ្តាល ដែលបង្ហាញនូវព័ត៌មានដូចជា boost pressure, turbo speed និង voltage ផងដែរ។
ចំពោះអេក្រង់កម្សាន្តរបស់វាមានទំហំដល់ ៩អ៊ីញ ដែលអាចភ្ជាប់ជាមួយមុខងារ Apple CarPlay និង Android Auto អមជាមួយនឹងប្រព័ន្ធសំឡេង Bose និងប្រព័ន្ធ Wi-Fi Hotspot ផងដែរ។
ប្រព័ន្ធសុវត្ថិភាព និងជំនួយការបើកបរ រថយន្ត Nissan Z ថ្មី មានបំពាក់ប្រព័ន្ធសុវត្ថិភាព និងជំនួយការបើកបរមួយចំនួន ដោយក្នុងនោះរួមមាន
- ប្រពន្ធជាន់ហ្វ្រាំងបន្ទាន់ដោយស្វ័យប្រវិត្ត ក្នុងលក្ខណអ្នកបើកបរបាត់បង់ម្ចាស់ការ
- ប្រព័ន្ធផ្តល់សញ្ញាអាសន្ននៅកញ្ចកចំហៀង ពេលមានឧបសគ្គកមកកៀរ ងាយស្រួសសម្រាប់ការវ៉ាជែងផ្សេងៗ
- ប្រព័ន្ធផ្តល់សញ្ញា និងរក្សាគន្លងផ្លូវអោយបានត្រឹមត្រូវ
- ប្រព័ន្ធកំណត់ល្បឿនថេរ និងបន្ថែមបន្ថយល្បឿនតាមរថយន្តខាងមុខស្វ័យប្រវត្តិ
- ប្រព័ន្ធផ្តល់សញ្ញាអាសន្នពេលមានចេញពីចំណត
- និងមុខងារជំនួយភ្លើងហ្វាកូដជាដើម
ថាមពលម៉ាស៊ីន រថយន្ត Nissan Z ឆ្នាំ២០២៣ ចែកចេញជា ៣ ម៉ូដែល គឺ Sport, Performance និង Proto ហើយមានប្រើម៉ាស៊ីនសាំងចំណុះ ៣,០លីត្រ Twin-turbo V6 មានកម្លាំង ៤០០សេះ និងកម្លាំងរមួល ៤៧៥ញ៉ូតុនម៉ែត្រ ហើយមានជម្រើសប្រអប់លេខដៃ ៦វគ្គ និង ប្រអប់លេខអូតូ ៩វគ្គ ដំណើរការដោយប៉ុងក្រោយ។
រថយន្តស្ព័ររបស់ជប៉ុននេះ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ៤,៥វិនាទីប៉ុណ្ណោះ ហើយមានល្បឿនអតិបរិមា ២៥០គីឡូម៉ែត្រក្នុងមួយម៉ោង។
តម្លៃ រថយន្ត Nissan Z ឆ្នាំង២០២៣ នឹងត្រូវដាក់លក់សម្រាប់ទីផ្សារបរទេសក្នុងតម្លៃចាប់ពី ៣៩៩៩០ដុល្លារ សម្រាប់ម៉ូដែល Sport, ៤៩៩៩០ សម្រាប់ម៉ូដែល Performance និង ៥២៩៩០ដុល្លារ សម្រាប់ម៉ូដែល Proto Spec ៕
ទស្សនាវីដេអូខាងក្រោម
