Rolls-Royce បានបង្ហាញចេញកូនរថយន្ត SUV ម៉ូដែល Cullinan មានមាត្រដ្ឋាន 1:8 ដែលក្រុមហ៊ុនបានផលិតយ៉ាងយកចិត្តទុកដាក់ ធ្វើឲ្យរថយន្តខ្នាតតូចមានរូបរាងពិសេសមិនចាញ់រថយន្តពិតឡើយ។
រថយន្ត Cullinan ខ្នាតតូចគឺធ្វើឡើងដោយដៃផ្ទាល់ ដែលមានប្រើប្រាស់គ្រឿងបង្គំជាង ១ពាន់បំណែកឯណោះ។ ដំណើរការផលិតវាគឺត្រូវប្រើពេលរហូតដល់ ៤៥០ ម៉ោង ស្មើនឹងជាងពាក់កណ្ដាលនៃពេលវេលាដែលប្រើសម្រាប់ផលិតរថយន្ត Cullinan ខ្នាតធំ។
អតិថិជនដែលចង់បានរថយន្តខ្នាតតូចបែបនេះ អាចធ្វើការជ្រើសរើសជម្រើសពណ៌ប្រមាណ ៤ម៉ឺនប្រភេទខុសៗគ្នា ឬអាចកុម្ម៉ង់ឲ្យគេធ្វើតាមរថយន្ត Rolls-Royce ប្រភេទ Bespoke របស់ខ្លួនបានផងដែរ។
Rolls-Royce មិនបានប្រាប់អំពីតម្លៃនៃកូនរថយន្តនេះឡើយ។ ខាងក្រោមជាវីដេអូបង្ហាញអំពីរូបរាងដ៏លម្អិតរបស់រថយន្ត Rolls-Royce Cullinan ខ្នាតតូច ៖
