រថយន្តដ៏សាកសមសម្រាប់ផ្លូវលិចទឹកនារដូវភ្លៀងធ្លាក់

ទឹកភ្លៀងគឺជារឿងមួយដ៏ល្អ វាជួយផ្តល់ទឹកដល់រុក្ខជាតិរបស់យើង, វាអាចផ្តល់ភាពរីករាយដល់កសិករប៉ុន្តែសម្រាប់អ្នកធ្វើដំណើរដោយបើកបរយានយន្តគឺមិនសូវសប្បាយចិត្តទេព្រោះតាមពិតវាអាចមានគ្រោះថ្នាក់ខ្លាំងណាស់។
ទឹកជំនន់ដែលអាចលិចជិតដល់ម៉ាស៊ីនរថយន្ត ឬទាបជាងគួរតែមានសុវត្ថិភាពសម្រាប់ពេលលោកអ្នកបើកបរឆ្លងកាត់។ ជម្រៅទឹកគឺជាកំរិតទឹកអតិបរិមាមួយដែលបានកំណត់សម្រាប់រថយន្តពីព្រោះ ប្រព័ន្ធខ្យល់ និងសមាសធាតុអគ្គិសនីផ្សេងៗជាធម្មតាស្ថិតនៅផ្នែកខាងលើ។

មិនថាអ្នករស់នៅទីក្រុងឬតាមខេត្តទេទឹកជំនន់អាចបង្កជាបញ្ហាធំនៅលើដងផ្លូវ។ ប្រសិនបើអ្នកមិនចង់អោយមានបញ្ហានេះកើតឡើងទេអ្នកអាចដោះស្រាយបញ្ហានេះនៅក្នុងដៃរបស់អ្នកផ្ទាល់ដោយជ្រើសរើសរថយន្តដែលមានសមត្ថភាពខ្ពស់អាចបើកបរឆ្លងកាត់ទឹកជ្រៅដោយមិនមានការខូចខាតធ្ងន់ធ្ងរនិងមិនមានការកាំងម៉ាស៊ីនរថយន្តផងដែរ។ ជាទូទៅកំពស់ប្រមាណ៦-៨អុីញនៃរថយន្តគឺអាចបើកបរកាត់ទឹកបានសម្រាប់រថយន្តប្រភេទ sedan, ៨-១៦អុីញអាចឆ្លងកាត់បានសម្រាប់ប្រភេទរថយន្ត crossover ហើយកំពស់ ១៦-៣០អុីញអាចបើកបរបានដោយសុវត្ថិភាពជាមួយរថយន្តប្រភេទSUVនិងរថយន្តដឹកទំនិញធំៗ។

ផ្ទាំងផ្សាយពាណិជ្ជកម្ម

ដោយមានអ្នកបើកបរភាគច្រើនបានជ្រើសរើសយករថយន្តប្រភេទSUV ៧កៅអី ដែលពួកគេប្រហែលជាគិតថាវាមានសមត្ថភាពក្នុងការបើកបរឆ្លងកាត់ទឹកជ្រៅបានដោយគ្មានបញ្ហា។ តែទោះជាយ៉ាងណាក៏ដោយក៏រថយន្តប៉ុន្មានម៉ូឌែលនេះដូចជា Toyota Avanza ដែលមានតម្លៃប្រហែល ៣១ ៩០០ដុល្លារ , រថយន្តMG HS តម្លៃប្រមាណ ៤៣ ០០០ដុល្លារ , ឬរថយន្តភីកអាប់ Nissan Navara តម្លៃប្រមាណ ៥១ ៣០០ដុល្លារ ក៏អាចបើកបរបានក្នុងស្ថានភាពផ្លូវដែលមានទឹកជំនន់បានដែរហើយវាអាចល្អប្រសើរជាងរថយន្តប្រភេទsedan។

រថយន្ត Avanza
រថយន្តMG HS
រថយន្ត Nissan Navara

ដោយសារតែរថយន្តទាំងនេះភាគច្រើនមានកំពស់ខ្ពស់ដែលសាកសមជាមួយផ្លូវដែលមានទឹកលិចដែលរាល់ចំនុចសំខាន់ៗដូចជាប្រព័ន្ធម៉ាស៊ីននិងប្រព័ន្ធអគ្គិសនីផ្សេងៗនឹងអាចប្រើប្រាស់បានយូរអង្វែងជាមួយផ្លូវបែបនេះ។
លោកអ្នកអាចធ្វើការបើកបរដោយជៀសវាងពីផ្លូវដែលមានទឹកលិចខ្លាំងប្រសិនបើអាចជៀសបាន។ តែប្រសិនបើអ្នកមានអារម្មណ៍មិនច្បាស់សូមកុំមានសម្ពាធក្នុងការប្រឈមមុខនឹងការឆ្លងកាត់ផ្លូវដែលមានទឹកលិចគួរឱ្យសង្ស័យនោះអី។ ដូច្នេះសូមជ្រើសរើសរថយន្តអោយបានត្រឹមត្រូវដែលផ្តល់ជូនអ្នកនូវសុវត្ថិភាពនិងផាសុខភាព។

ផ្ទាំងផ្សាយពាណិជ្ជកម្ម