[ទីផ្សារបរទេស] ក្រុមហ៊ុន Honda នៅវៀតណាម បានដាក់លក់នូវម៉ូតូចង្កះលេខ Future 125 ស៊េរីឆ្នាំ ២០២២ ជាផ្លូវការដែលជាគូរប្រជែងងនឹង Honda Wave របស់ប្រទេសថៃ។
ម៉ូតូចង្កះលេខ Honda Future 125 រចនាទ្បើងបែបសាមញ្ញាមើលទៅស្រដៀងគ្នានឹង Wave របស់ថៃដោយវាបានបំពាក់មកជាមួយនឹងចង្កៀងមុខ-ក្រោយ LED, កុងទ័រធម្មតាសម្រាប់មើលព័ត៌មានល្បឿន និងសាំង។ ហើយអ្វីដែលពិសេសនោះម៉ូតូចង្កះលេខនេះក៏មានប្រព័ន្ធ Shutter key ដើម្បីសុវត្ថិភាព។
សម្រាប់ម៉ូតូចង្កះលេខ Honda Future 125 បានប្រើប្រាស់ម៉ាស៊ីនសាំងចំណុះ ១២៥សេសេ ទំហំ ១ស៊ីទ្បាំង ប្រព័ន្ធស្អំប្រេង air-cooled រួមជាមួយនឹងប្រព័ន្ធប៊ិច PGM-FI injectors ដើម្បីជួយសន្សំសំចៃសាំង ដែលផលិតកម្លាំងបាន ៩,១សេះ និងកម្លាំងរមួល ១០,២ញ៉ូតុនម៉ែត្រ។ ដោយទ្បែកចំពោះកម្រិតស៊ីសាំងក្នុង ១ លីត្រ អាចរត់បានចម្ងាយ ៧០ គ.ម ប្រហែលនឹង Honda Wave ផងដែរ។
យ៉ាងណាមិញចំពោះម៉ូតូចង្កះលេខ Honda Future 125 ស៊េរីឆ្នាំ ២០២២ មានជម្រើស ៣ ម៉ូឌែល និងមានតម្លៃចាប់ពី ១ ២៨៨ ដុល្លារសហរដ្ឋអាមេរិក សម្រាប់ទីផ្សារនៅក្នុងប្រទេសវៀតណាម៕
