ឡានភីកអាប់ លក់ដាច់ជាងឡានគ្រួសារ ជាលើកដំបូងក្នុងប្រវត្តិសាស្រ្ត

ភាពពេញនិយមនៃឡានតួខ្ពស់ និង SUV បាននាំឲ្យអ្នកប្រើប្រាស់ជាច្រើន ងាកទៅចាប់អារម្មណ៍នឹងរថយន្តភីកអាប់ដែរ។ ឥឡូវនេះ នៅសហរដ្ឋអាមេរិក រថយន្តភីកអាប់បានលក់ដាច់ច្រើនជាងរថយន្តគ្រួសារ (Passenger Car) ជាលើកដំបូងបង្អស់ក្នុងប្រវត្តិសាស្រ្ត។

យោងតាមរបាយការណ៍ពី Autodata Corp បានបង្ហាញថា រថយន្តភីកអាប់បានលក់ដាច់ច្រើនជាងរថយន្តគ្រួសារ ជាង ១៧ ០០០គ្រឿងឯណោះ កាលពីខែមេសាកន្លងទៅនេះ។

គួរឲ្យដឹងថា កាលពី៥ឆ្នាំមុន រថយន្តគ្រួសារ បានលក់ដាច់ច្រើនជាងរថយន្តភីកអាប់ ដល់ទៅ ៥០០ ០០០គ្រឿងឯណោះក្នុងរយៈពេល ១ខែ៕