Kia បានប្រកាសចេញរថយន្ត Telluride ប្រភេទ Nightfall Edition ថ្មី សម្រាប់ស៊េរីឆ្នាំ២០២១ ដែលមើលទៅរឹតតែទាក់ទាញខ្លាំង។
រថយន្ត Kia Telluride Nightfall Edition នេះ បានតុបតែងតួខ្លួនពណ៌ខ្មៅក្រិប ដោយក្នុងនោះរួមទាំងបំពាក់ប៉ាណាមុខខ្មៅថ្មី, យ៉ាន់ខ្មៅទំហំ ២០អ៊ីញ និង រឺហ្គែរលើដំបូលពណ៌ខ្មៅ ជាដើម។ ក្រៅពីនោះ វាក៏បានតុបតែងគែមៗនៃចង្កៀងមុខ LED និងអំពូលកាត់អ័ព្ទ ព្រមទាំងដៃទ្វារទៅជាពណ៌ខ្មៅផងដែរ។
ផ្ទាំងផ្សាយពាណិជ្ជកម្ម
ក្រៅពីពណ៌ខ្មៅ Nightfall Edition នេះក៏មានលើជម្រើសពណ៌ផ្សេងទៀត ដូចជា Snow White Pearl, Everlasting Silver, Gravity Gray, Ebony Black, Sangria, Black Copper និង Dark Moss។
រថយន្ត SUV នេះបំពាក់ម៉ាស៊ីនចំណុះ ៣,៨លីត្រ V6 មានកម្លាំង ២៩១ ប្រើប្រអប់លេខអូតូ ៨វគ្គ និងប៉ុងពីរ។ ចំពោះតម្លៃ និងពេលចេញលក់របស់វា នឹងត្រូវប្រកាសនាពេលក្រោយ៕
ផ្ទាំងផ្សាយពាណិជ្ជកម្ម
